Pakistani mikhat Chile US embassy a kimandoh
ahi tin thulhut chun aseiyin ahi. Hiche toh kilhonna amapahi hem le thal dan noiya kiman ding ahi tin
Pakistan thuso Dawn chun aseiin ahi.
Akimapa minchu ahile Mohamed Said Uf Rejaman akitin kotkha lut nadinga manchah kikoi khatchun thil kiphallou ho aum tahjeh a ogin khat ajah sah akonna chu kholchilna kineina a athilpoh chu kiman doh
ahi tin akiseiye. Amapa thilpoh chu ahile TNT bomblou le mobile phone 1 le sakhao 1 ahi. Ahinla
akiman pan ka visa thah suhtup dinga hung kahinhiche thilchu hoia konna ka sakhao sunga hung
umham kahe khapoi tin adonbut in ahi.
Lha 3 masanga Pakistan apatsa hunglut ahin chule ama pahi Hotel khatna natong ahi. Tuhin Police
hon achenna downtown Santiago munho kholchil na abol uvin ahi.
US drone in mi 21 that kit ta
jing utoh kilhon in Leisemnin mi 21 jenchu Drone vanleng mangchan ana that kit tauvin ahi. Hiche
thilsoh hi Pakistan le Afghanistan gamgi kikah a thinglhang gam munkhat ahi.
Amasapen tah a akap khum namun uchu ahile North Waziristan tribal district umna Datta Khel kiti
namun chu ahi. Hichelai munhi Taliban le Al Qaeda galguh bolho hanta munkhat ahi. Drone kiti
huikong atol/aheh umlou khatchun inn khat le Avella gari kingaho chu missile 18 jen mangchaía akap
khum ahi. Hivachun apettah in mi 14 athin 6 nasatah in akitong khan ahi.
Ani napa kikap khum na achun Pakistani Taliban lamkai khat Hafiz Gul Bahadurkitipa mapui nanoi’a galguh bolho chu ahiuvin ahi. Amaho loichu Miran Shah kiti North Waziristan khopi a patsa km 46 akigamlha Gurweek kiti namun achu akap u ahin mi7 athi jong hilchetin aum in ahi.
Foreign minister Krishna leh Qureshi phone a kihou
Islamabad a atoh khompi Shah Mahmood Qureshi toh kimuto dinga kholjing ding ahi. Amani hin masanga
Thimphu a SAARC kikhopna a prime minister teni kinoptona aban asutjom lhon ding ahi. Hiche kholjin ding hi tunia Qureshi in telephone a Krishna ahin kihoupi a chuleh kouna hi ahin nei ahi. Chuleh gam teni kikah a thil tampi seikhom na jong anei lhon in ahi.
Thimphu a SAARC kikhopna a prime Minister Manmohan Singh leh Pakistan a atoh kibahpi Yusuf
Raza Gilani in akihouna lhon dung juiya gam tenia External Affairs Minister
teni leh Foreign Secretary teni agan nathei channa kimuto dinga kihouna ananeisa lhon ahi. Singh leh
Gilani hin Foreign Minister leh Foreign Secretary ho hin gam teni kitahsan na asemphat diuva kisei ahi.
British journalist manpan galguh bolho kilhadoh ding thum
songkul a um aloi chankhom piho lhadoh ding angeh uvin ahi. Galguh bolhon lhadoh dinga adeisah chom hochu ahile, achesa Lhakao 26 nikhoa Afghanistan toh kigamgi chin’a North Waziristan district muna
kimandoh Asad Qureshi le masang Pakistani intelligence officer khat anahi Amir Tarar le Khaled Khwaja
hochu ahiuvin ahi.
Galguh bolho toh kihoumat thei mihoa konna thulhut kimu dungjui chun hiche pa kilha doh nadinghin
achankhompi galguhbol mi 160 lhadoh nadingin adeisah uve akiti. Tua miman ho group hi masanga chu “The Asian Tigers’ tia ana kiminvo anahiuvin ahi. Amaho loihin masanga jong mi 3 anamat uva ana tha u ahitai, chujongle Lhatun 30 nikho nia Khwaja kitipa anathat jongchu amaho loi ana hipeh un ahi.
“The Asian Tigersí hon lhadoh dinga adeisah holah chun Tehrik-e-Taliban kiti Pakistan gamsunga galguh
bol lamkai le Punjab eastern province muna Taliban member holoi ahiuve. Hiche keuchu hilouvin amaho loihin dangka $10 million jong athum tha u ahi.
China in agamsung uva newspaper 360 khah ta ding
(3% of the nation’s totalpublications) kikhah ding ahitai tin thulhut akimui.
Achesa 2009 kum chun China’s General Administration of Press and Publication in aseina a agom gom in newspaper 188 leh lhaseh a kiso thuso chom chom ho phate a vettup lou jeh leh kinah kibou naho ana um jeh in ana kikhah peh ahitaove ati.
Kum tamtah chenung a newspaper ho hi kailhang mun ho a amaho sumton (profit) le ton lou um louva ana kium sah ahiuvin ahi. Statistic akon thulhut kimu dung juiyin ningkum 2008 a pilot programme kin khat anei nauva newspaper 12 leh lhaseh a kiso ti chu “Liaoning” ho chu ana kikhapeh in adang thuso chom chom thum tobang Hebei muna jong ana khah tauvin ahi. China gama hin 1,943 newspapers leh lhaseh thuso 10,000 tobang aum in ahi.
