Imphal, Lhaphul 10: Red Shield Division, Headquarters 27 Sector Assam Rifles makaina noia Lhaphul nisim 15 nileh jingvai nidan 9:00 c.m. don vella patsa Golnop Hall Churachandpur muna seminar um ding ti thulhut akimun ahi.

‘Role of NGOs and Community based Organizations in peace and Development’ ti seminar thugol ding hi
Assam Rifles hon Manipur gamkai a chamna leh muonna aum thei nadia seminar chom chom ho aban neicha
agon got uh ahi. Hiche seminar ahi Brigadier
Surendra Mehta, Commander 27 Sector Assam Rifles in seminar
thugol thumakai thua houlimna anei ding ahi. Hiche seminar hi bi-thum a kihom khending ahi.

A bi-thum hochu ahile ‘Contribution of NGOs and Community Based organization towards Achieving and
Maintaining Peace’, ‘Education - Road Map to Peace and Development’ chuleh ‘A Holistic Outlook of Govt
and Security Force Activities in Complimenting and Preventing Conflict with NGOs Overall Mission in the Area’ tihohi ahi.

A bi-khatna ahin Pu P Vaiphei, Commissioner FCS, in chairman mun alo ding ahin chuleh Pi EstherGangte, Lecturer, CcpurCollege le Pu. Rev Khen P Tombing in ‘Activities  manifesting peace in an
areaî leh ìRole of youth and Church organization for lasting peace’ thugola houlimna anei cheh lhon ding ahi.

A bi-ni channa hi Pu J. Lhungdim Planning Adviser, NEC in Chairman mun alo ding ahin hivahi Dr John
Pulamte, Ex President ATSUM le Dr Dallian Haokip, Principal Bluestar Academy hon ‘Community involvement in strengthening Govt efforts in infrastructure development’ leh ‘A holistic look on role of NGOs in the spread of quality education’ thua houlimna kina kimangcha lhon ding ahiuve.

Chuleh a bi-thum channa ahi Pi Jacintha Lazarus, DC, Churachandpur in alamkai diu ahi. Pi Senny Vaiphei, Project Assistant & Liaison Officer, Doctors’ without Borders (MSF-H) leh Dr B Langkham, Director (HIV/AIDS) EHA tenin ‘Assistance  and Review on NGO activity’ leh ‘Security concerns of NGOs in insurgency  affected area’ thugola houlimna anei lhon diu ahi. Semniar khumkhana kinhi Major General D S Hooda, VSM GOC Red Shield Division in abol ding ahi.