Khangdong khat in school chapang atha jeh a kiman
Pune, Lhaphul 11 : Kum 19 a upa khangdong khat in school chapang khat atha jeh a akiman tai tin police in aseiye. Agilou a kiman pa hi amin Ashish Mapre ahin Lhaphul 5 nia chu aloi mi 2 toh Abhishek Ghorpadekum 15 school chapang pa hi alol atan uva athi phat a thingphung khat a ama le ama kikhai lih banga akhai
u anahi.
Amapa tilouvin jong chapang mi 2 hiche case a thudoh neidin police ho khut a aum lhon in ahi. Masanga akilung noplou na jeh uva kitha na hi ana um hi din ginmo aum in ahi. Athipa luchang chu Mutha vadunga apai mang jeh un fire brigade leh police twilut hon ahol jing pet un a insung mite, agolapai chuleh jilkung hon op pehna anei un ahi.
Kasab hi tukum kichai lam teng kikhai lih maithei ahi : Govt.
New Delhi : Sorkar in tunia asei dung juiyin Mumbai nokhum a pang Pakistan mi Ajmal Amir Kasab chu Court a boina aum lou a ahileh tukum kichai lam teng leh kikhai lih maithei ahi tai ati. Kasab in court sangjo a session court thutan chu adihpoi tia lekha pehlutna anei louva ahi leh tukum kichai lam teng kikhai lih ding ahi tin Union Home Secretary G K Pillai in thuso miho koma aseiyin ahi.Kum 22 a upa Pakistan mi galguh bol Kasab chu Lhaphul nisim 6 nia chu Mumbai special court in
mipi that leh India chunga gal bol ahi tia Phallha ningkum 2008 na nokhum na aneiye tia themmo achan toh kilhonna thina changei gotna hi kipe anahi. Mumbai kino khum na ahin galguh bol mi 10 ana pangin
amaho lah a chu Kasab hi ahinga anakiman ahi.
Hiche thal choi Lashkare- Taiba hon nokhumna anei nauva hin mihem 166 anathi in ahi. Athi dinga thutan na um hi Bombay High court in aphatsah ding angaiye. Alangkhatna parliament kino khum na jeh a kiman Afzal Guru in ngaidam athum na lekha chu iti hitam tia thudoh anei nauva Pillai in sorkar in athu hi agel pet
tah ahi ati.
