Imphal, Lhaphul 11 : Nikho phabep ache nungin tuni chun simlai thi teni longdamsa chu a insung miten vui dingin akilah tauve. Athi teni chu N Chakho Mao, 19, s/o Nile, Kalinamei kho 19, s/o Nile, Kalinamei kho chuleh Loshou Mao, 19, s/o Dikho Mao, Kalinamei kho ma ahi. Amani hi achesa Lhaphul 6 nia chu Mao bazaar a Muivah hung ding dei jeh a kiphinna ana um jeh a security forces hon ana kaplih lhon ahi.
Thulhut kimu dung juiya thilong teni chu Naga Mothers Association (NMA) ho mopoh na noiya kila ahin jing teng leh vuidohna kin um ding ahi akiti. Hinla ipi thu jeh a kinoptona chu um ham vang akisei poi. Het ding khat chu insung mite leh Naga kiloikhomna hon athil thum hou amu tokah uva thilong chu lah lou ding anatiu ahi.
Athil thum hou lah a Mao leh akivela security forces lahdoh ding chuleh NSCN-IM general secretary Th. Muivah Manipur lutsah ding tiho jong apangin ahi.
Mao Gate a Simlai thi teni long kila ta
