Imphal, Lhaphul 11(NNN): Manipur Chemists and Druggists Association (MCDA) hon leisemni nisim 11 nichun highway hoa economic blockade aum jehin Manipur sunga lou le ai chule damdoi tamtah nisihía ngaichat hohi kichai vah ding ahitah jehin Manipur sorkar koma hiche ho hinpoh lutna lampi aum theina din kithopina ngehna lekha ( Memorandum) ana seplut uvin ahi.
MCDA in ngehlhut na lekha hi Manipur Chief Minister Pu O. Ibobi, Health Minister chuleh State Medical Directorate hohenga ana pehlut uvin ahi tin thulhut akimun ahi. Dr. RK Ratan Kumar Singh, Manipur Chemists and Druggists Association (MCDA) thuchingpun donbut aneina ah,
“niseh’a ngaichat louho hi hapta khat sunga ahung kipoh lutlouva leh Manipur sunga hi boina lentah soh ding ahi tin thuso miho henga thulhutna ana nei in ahi. Tule tua lou le ai ngaichat hidehset hohi ahileh Antihypetensives, Anxiolytics, Anti-diarrhoeals le Antiamoebias ahi. Chujong leh TB, asthma, gastritis/ulcers jenna ding damdoi le naosen ho damdoi le vitamins hojong hi wholesaler hokoma aum lou tobang ahi tai tin jong sei phongna an aneiyin ahi. Hiche keo hilouin, Dextrose groups, Diabetic range, Insulin leh heavy bottle items tule tua um hojong hi ni 5 leh ni 10 kikah a bei ding ahi tai tin MCDA lamkai hon thulhut na apeuvin ahi.
Hicheho jehía hi Manipur sorkar in nasataha MCDA akithopi dingin temna jong aneipai payin ahi. MCDA
lamkai hon jong National Highway No.53 a truck driver hotoh kihou khomna jong anei uvin ahi. Truck Driver Association honjong Manipur sorkar in Escort apeh ding pou leh National Highway No.53 akonía lou le ai hohi Manipur sung hinlhut mo ahipoi tin jong thusona ana bol pai uvin ahi.
Nikho 7 sunga dingbou lou le ai umta
