Imphal, Lhaphul19 (NNN): Vanghomni nisim 19 nichun sorkar lhacha lom tamtah hon 6th Pay thua kiphinna ni 125 tobang anabol jouvin, akiphin nau ngah ahi tai tin thuso mite henga seiphongna ana bol tauvin ahi.
Manipr sorkar lhacha tamtah hin Manipur sorkar in agana theichana 6th Pay aumsah ding chuleh 6th Pay arrear toh pehtha ahidiu deina jeha kiphinna phat phasahpi ana bol uh ahitai. Hiche kiphinna dia lom ana tundoh uh, Joint Administrative Committee(JAC) lamkai leh lubuh hon, sorkar lhacha ho jouse koma ana
tohnamun ajop paidiuvin temna jong ana bolpai uvin ahi. Lhaphul nisim 20 apat sorkar lhacha jousen anatoh ban uh ajop diu ahi tai tin All Manipur Trade Union Council (AMTUC), All Manipur Government Employees’ Organisation (AMGEO) chuleh Council of Teachers’ Association (COTA) lamkai hon phondohna jong naei thapai paiuvin ahi.
Nisim 19 nia chu Manipur sorkar chuleh sorkar lhacha lom (AMTUC, AMGEO leh COTA) hon kinoptona thulhuh (memorandum of Understanding) kiphatsah tona soi anabol uh toh kilhona 6th Pay thua kiphin nau hi thip ding ahitai. Hiche thulhuhna toh kilhonin, Manipur sorkar in jong sorkar lhacha phabep songkul’a ana koi hojouse, themmona imacha toh nottha louva abon chauva alha doh diu ahi tai.
Manipur sorkar lhacha hohin January nisim 16 nia pat achu kiphinna ana nei pat uh ahi tai. Hiche kinoptona
thulhuh memorandum of Understanding) in 6th Pay hi sorkar lhacha jouse ahop ding ahi. Chuleh amahon
jong 6th Pay arrear hi alhingseta amu diu ahi. Hinlah, 6th Pay arrear hi lhagup (6 month) danna , Danni (2
instalment) a sorkar in apeh diu ahi. A dan masapen hin Ellha (October) 1, 2009 to Lhakao (March) 31, 2010
ahop ding ahi. Hichehi Phallha (November) 01, 2010 tengle ahopdoh dingu ahin, chuleh a dan ni channa
hi Lhadou (June) 01, 2011 nia sorkarin ahopdoh kit ding ahi.
Kiphinna suhlhap hita; Office kaipan tading
