Imphal, Lhaphul.19: Tuchan geiyin gamsung a dinga anchang huikong a patsa hinkipo hochu 3.5 MTs a gihjou akihom doh tai ti thulhut Consumer Affairs, Food and Public Distribution department akonin akimun ahi.

Amasa penna Lhaphul18 nikhoa Indian Air Force cargo in ahin pohlhung anchang 3.5 MTs gihchu DC, Imphal West le DSO,Imphal West in ana sanghonin hihochu Shamu Makhong le akimvel a Khwairamband
Bazar munho le Singjamei Bazar munhon mipichohthei dingin akipen ahi. Hiho chu insonna Ration Card hung kichoi hon Kg 5 cheh akichoh uvin ahi.

Anina pa hung kipo lhungchu 3.5 MTs ma ahin hiho chu DC, Imphal East/DSO/Imphal East ho nana lamtouvin hiho
chum ipi kichoh thei dingin Konung Mamang le Lamlong Bazar munhon achunga kisei jatman abolpeh uvin ahi. Hiche hahsat nachung thuhi thuso mihon India gamsunga mipi hetthei ahina din ahung lapeh uvin ahi.

Hichi chungchon chun 5 MTs a gih anchang IAF huikong in FCI Guwahati a patsan ahung lhut kit tan ahi.
Hiche anchang hung kipo chu Department of Consumer Affairs, Food and Public Distribution hon nidan 2:00 velchun ana sanguvin ahi.

Hiche hochu DC, Thoubal le DSO, Thoubal in mipi kichoh Thei nading bazaar rmunho najoh sah kit uvin ahi. Mipi Ration Card neihon Kg 1 a dangka 16 a akichoh u ahi. Ahin inchen ahah sadeh setho chu deisah na chang pumin ahop masat peh uvin ahi. Tua ahung kilhutding anchang 15 MTs hochu khophat tengle kipo lhung ding ahin hiho chu Bishnupur, ImphalEastleImphal West ho kihopeh kit ding ahi. Imphal muna CAF & PD godown hin 7683 MTs akhol nahlai ahin lha 1 sung kikhopha nail ding dinmun in aum nalaiye. Ahin huikong pansa akilhoh najeh chu
Sorkar’n mipiho lunglhah louna dinga kibol ahi tinjong sorkar hoa konin thuphon akimunahi.

Alangkhat ah, apoimo tah Petrol, Dieselle LPG kilhasam Hohi sorkar in Bulpi vaihom hotoh kitho a huikong pansa Lhaphul 20 nikhoa patsa alhoh pandiu ahitai. Hiche thu ahinjong IOC honNagpur, Guwahati le Silchara pansa Imphal alhoh lut diuvin hetsah najong anei tauvin ahi. Delhi khopi le Guwahati munna FCI le IOC mopohon anchang, thao, chule niseh kiman chahna ding thilho jouse Silchar-Aizawl-Churachandpur-Imphal lampi mangchaía atollut diuvin thupeh jong anei uvin ahi. Hiche nading ahin thilpo gari le gari tolhon sorkar hotoh kitho khomdin ngehna jong anei uvin ahi.