Manipur sunga ham lepao chuleh population lama kiletsah tah a Meilhei te bantah a ihiuve iti vanguva media lama nam neocha population simkham louho jeng jong phalel te ihiu, lunggel thei jousen ihe soh keijun, hiche jeh chun news bol themcha inei sun houhin kiloikhomna ana kinei jin Daily paper phabep ina nei hou amah thah nungin Daily khat neidoh tei ana kingaito in, hinlah kolbang tum ana kibangin thil hahsa tah anahi ye.
Vangphat umtah in 2009 December lha velin Pu Len Khongsai leh akiloikhompi phabep in bolthei man, neiman hilouva namsunga aumlou akhoh dan ahetjeh uva 'phung gunchu na a chang tumbu poh' kiti tho a THE
GOSEM Daily ahin boldoh u hi, lunggel thei jouse akipah lou ina um pouvin ahi.
Hinlah Inam sunguva Press Media lhahsam na khantou sah a ilo a suh pilhing ding ham ti gela panlah na thei
chan a la ijat ham umjong leh tuni chan a ahethem lou tamtah ium na lai jun, ingaito leh lhaset umtah ahi. Media
hohi chamlhat sah angaijin, athu nei nao jong hetpeh a japeh angaijin ahi. Media person khat hunghi hohin sihnei langnei na imacha alung thim uva kon lou ahi. Thu chu akija banga ajih ding dol ajih a chuleh ahetbanga kholchil na anei ja ajih ahi. Reporter/paper in jong report dungjuiya aso na dinga thanei na anei ahi tihi suhmil lou angaiye.
Media person hohin ama ngaidan leh tup le doi ho sanga mihon asonom chu leh thilsoh ahina bangtah chu leh
report dungjuiya aso jiu ahin, hiche jeh chun amanchah dan ithep uva ahi leh nitin a ilung ngaito, gamsung kho-
sung dinga ithilgon, ithilpha bol ho tahlah jinga chuleh public in ahet dinga phaho sodoh jing thei na ahin, chuna
bana, lamkai chu leh gamsung nam sung bana Govt.thilgon a kon public dinga thilpha lou atoh ding banga tong lou ho jong phohsal a hilsal a pang ahin, hichun lamkai leh public kah a releation asemhoi ahin, chuchi chan thanei na anei hohi suhmit peh lou angaijin ahi. News paper khat chun kivaihom nadih louchu changmel (direct) in asosal theijin, hichu adih leh apha aso nadinga public thakhel jong ahi. Chuleh Kivaihomna neihon jong mipi phat na dinga thilpha agonho jong atahdoh a aseipeh thei na mun chu ahi.
Ahinlah vangset umtah in eiho lah a geochao tah leh lhasam puma hung kibol inei sun News paper leh Magazine hohi aman chah dan ithem pouvin, eima lungdei loulam a thu ahung kiso khah tengleh 'khohelou paper or reporter chunga ithanei nao ije khum jiuvinî hichun khantouna nasa tah in adal tan in ahi. Hiche
sang chun, News paper leh Magazine ho a hung kisojiho dih isah louleh a News paper or Reporter ingoh sanga 'thu hinso report hinpe hon asei uchu a news paper mama or reporter pa mama koma lhut kit a thudih chu sodoh a mipi het a hiti joh ahi ti seichet joh angaijin ahi. Ahilouleh mipi hetna kinel athanghoi je iti jong leh thu hinso hotoh kimaito a seijoh angaijin ahi. Thu hung kondoh na ho hepha louva japi dinga pang reporter or paper joh isuhkhah teng uleh phatkhat teng eihon jong imanchah nom nikhou hungum ding chuni teng leh ipi iman diu ham' tiho phate cha lunggil tah a gel angai jin ahi.
Hijeh chun News paper leh Magazine ho mandan hi phate chan vechil uhi tin, Subscription fee phaten peo hitin, eiho le eihon iki semhoi diu angaiye. Media person hohi mipi ding ahin, mipi hon media ho ikithopi lou
uleh achanga pan alah thei deh lou ahi ti lamkai japat milham geijin sumil lou vin pan lakhom uhite, Nam le
gam khosung vengsung khantou na dingin.
