Hiche jeh chun Suu Kyi chu a inna kon pot thei lou (house arrest) in ana koi un ahi. Achesa kum 20 sunga Suu Kyi kihen ohna chu kum 15 tobang ahitai. Achesa Lhaphul 28 2009 a akihen apat tuchan'a hi pot le thei lou lai ahi. Ijem ati leh tukum phallha 27 teng hung pot tadin thulhut akimu-e. Tukum election ahi aman jong pan alah thei lou ding chuleh ama party in jong atet thei lou ding ahi.
China munkai jouva nat gol leng ding’a tahsan um
Beijing, Lhajing 13 : Zhouqu County a munkai na jeh-a mihem tampi avui khum jeh in nat gol hung umdoh ding ham tin kichat na lentah aum kit tai. Tuchan in mihem 1,144 athi in chuleh adang 600 val akihol mo jing nalaiye. Munkai na jeh-in mihem 45,000 val atongkha in ahi. Munkai hi Lhajing 8 jankim a chu Gannan Tibetan Autonomous prefecture mun,a ana um ahi. Zhouqu county hi 3,010 sq km ahin mihem 134, 700 chenna mun ahi amaho lah-a 33 percent tobang hi Tibetan mi ahiuve. Ministry of health in aseina a don ding
twi theng ahahsa in chuleh adam lou ho jenna ding local health facilities pha aum poi. Hiche jeh-a chu natgol hung umdoh mai thei ahi tin aseiye. Munkai jouvin town mun neocha bou asohcha in, hiche mun a chu huhdoh natoh, asohcha ho leh thil dang dang akibol in ahi. Mihem leh gancha kivui mang ho chu mon lha ding hichun natgol ahin umsah tei ding ahi tin ministry official thulhut chun aseiye. Amun a goha twi akilai vangin twi chu louva suhtheng angaiyin ahi. Lou atamjo jong refrigeration aum lou jeh in ase gam tai.
India leh Russia in Lha sunga robot sol khom lhon ding
London, Lhajing 13 : India leh Russia in kitho khom'a lha sunga robot asol lhon ding ahi. Russia in asem robot keng 4 nei 35 kg a chuleh India in robotic rover 15 kg a gih chu lha sunga asol lhon ding ahi. Hiche hin India dinga lha sunga thil asem aum na avetsah ding ahi. 5 pace Research Institute (IKI) Moscow a scientist Aleksandr Zakharov in aseina a India thilsem lha sunga aum ding vetsahna khat hiding ahi tin aseiye. Hiche Mission hi Russia a Luna-Resorce akiti in chuleh India gamía Chandrayaan-2 tin akihe in ahi.
India a kisem Lunar orbiter chuleh Russia sem landing platform teni jong pang ding hichu India in asem single rocket a kapdoh hiding ahi. Hiche ahi TV Camera jong umding ahin chuleh India in jong miniature manipulator asem a robot velía nel ho phataha akhol theina dinga tohgon anei u ahi. Hiche mission hi ahung lhung ding 2013 teng kisol kigo ahi. China in jong change-3 spacecraft asol kigot ahin koi joh masa ding ham akihe chen hih laiye.
Ama sa jo jo chun leiset a manchah kisem lha sunga umthei ding asol anichanna hiding ahi. Amasapen chu 1976 kum in Russia in Luna24 spacecraft anasol in Lha sunga nel phabep jong ahin po in ahi. Hiche mission hin twi um am ti akhol ding ahi.
Afghan akon US sepai toldoh ding avaigei nadia Obama henga ngehna neiding
Washington, Lhajing 13 : Afghanistan akon US sepai told oh ding aphat vaigei sah dinga US army in president
Barack Obama henga ngehna anei diu ahi tin thulhut akimu in ahi. Lhamul apat Afghanistan a US leh NATO
sepai ho command abolna a General David Petraus in gal mun'a kon sepai tol doh ding aphat atep chon nadia Obama henga ngehna anei vah ding ahitai tin Telegraph thuso chun aseiye. Military in aseina a achesa 2001 apat Afghanistan a galguh bol ho adou vangin lha 12 sungin bou machalna aumbep e ati.
Obama leh British Prime Minister David Cameron in aseina lhon a ahung lhung ding Lhamul 2011 apat NATO sepai ho Afghanistan a kon kitol doh pan ding ahi ati lhone. Hichu 2015 teng abon'a toldoh soh dinga kisei ahi. Hinla mi tampi in Iraq akon sepai kitol doh jong ama val in Afghanistan a jong hi kitol doh vah tei ding ahi tin lunggel anei un ahi. Lhajing lha kichai teng Iraq akon sepai kitol doh jong amaval in Afghanistan a jong hi kitol doh vah tei ding ahi tin lunggel anei un ahi. Lhajing lha kichai teng Iraq a US sepai ho gal kon lou diu ahitai. Hinla Iraqi army Chief in US army ho hi kum 10 tobang umbe nalai leh anom in ahi.
Leiset chunga Cyber-Criminal nasapen khat kiman ta
secret Service and Justice Department chun aseiye. Horohorin hi achesa phallha a chu federal grand jury in credit card semthu jeh-a mat dinga anahol sa ahi akiti-e.
Amapa hi "Bad B" tin online a akihe in, Secret Service in aseina a amapa hi leiset chunga Cyber-Criminals minthang nga lah-a khat ahi. Internet site a um le pai din mun hio aguh a khol le a pang ahin dan dihlou tampi a kingohna anei ahi tin Secret Service a assistant director Micheal Merritt in aseiye. Amapa hin credit card ho aguh a online criminal sites ho a akoi ji ahi. Court document in aseina a Horohorin hin leiset chunga amasapen fully automated site abol doh in koi hileh hiche website kichoh jouse chun bailam tah-a aman chah jeng thei ahi. Hiche website chu Badb.biz ahin US mi 1 million ho akon thu alah son ahi akiti-e.
