Taj heritage hin agom in room 285 aneiyin, Ravi Shankar chule 5,000 sq ft. Tata suite chu Pathen niteng kihong pan ding ahitai. Galguh bol hon abulu jouva konía dangka 175 core lutna kithah sem phat ahi. Company in insurance akon in dangka 180 crore ana mu in ahi. Sales and Marketing, IHCL a senior VP Ajay K Misra in aseina a hiche building foundation chu apha sel nalaiyin hinla room sung ho chu kihthah sem ahi ati. Hiche thah semna ahin contractors 20 tobangin pan analah ahi.
ISI hon India a boina sem dia Maoist ho mangcha
Bangalore, Lhajing 13 : Pakistan a ISI hon India gam sunga boina sem dingin Maoist galguh bol ho amangcha un ahi. HIche hi Karnataka state a India mi 2 akimat doh akon a kihe ahi tin police in aseiye. Amani chu Vinay Kumar (30) chuleh Devaiah ahilhon in ahi. Amani hi Dawood Ibrahim gang lah-a pang chhota Shakeel makaina noiya Altaf in atha lah lhon ahi tin Bangalore City police Commissioner Shankar Bidari in aseiye. Vinay chu Karnataka Hassan district akon ahin chuleh Devaiah chu kodagu district akon ahi. Altaf chu ahileh Dakshina Kannada district akon ahi.
Altaf in aseina a Chhota Shakeel in eiman chah-a Maoist ho toh kihou dinga eingase u ahi ati. Maoist ho
sum peh-a India sunga boina asemna diuva einganse u ahi ati. Altaf in hiche jeh-a chu masanga aloi teni Vinay leh Devaiah chu amanchah son a Maoist lamkai ho chu Dubai mun'a kimuto dinga asei ahi. Altaf thupeh dung juiyin amani chun Maoist lamkai phabep Andhra Pradesh munía ana kimu pi lhon in ahi. Hiche jeh chun Altaf in Maoist lamkai 3-Ram Kripal Pande, Shivakumar Kunta chuleh Shridhar Pasham ho dinga Vista leh ticket ima angaito in ahi tin Devaiah in aseiye. Dubai akon Hyderabad two way tickets chu Uranus Travel and Tours a internet in booking akibol e tin Devaiah in aseiye. Hiche tickets leh Visas ho jong chu matdoh ahitai.
Apohkeh thei 600 tonnes po truck kihol mo
Bhopal, Lhajing 13 : Rajasthan factory akon apoh keh thei 600 tonnes truck 61 in apoh chu hoilai mun ajot u
ham akiholmo tauvin ahi.
Hiche apoh keh thei ho chu Madhya Pradesh Sagar district jon a hin kitol ahi tin police hon aseiye. Sagar Inspector General anvesh Manglam in thuso miho kom'a aseina a hiche apoh keh thei thil chu Rajasthan Explosives and Chemicals Limited (RECL) Dholpur akon truck 61 in Sagar a 'Ganesh Magazine' dinga ahin poh u ahi ati. Hiche apoh keh thei thil chu achesa Lhatun apat Lhamul sunga hin kipo ahi. HIche ho chu abon'a dangka 1:30 crore man ahi akiti e. Manglam in aseibe na a anu khah pen'a hin kipo chu Sagar mun masang jep a chu hung lhung ding ahitan, hinla athil leh truck ho chu khat cha ahung lhung poi ati. Aman aseina a hiche thil ho chu midang kom lhung hi tante ati.
Madhya Pradesh Home Minister Uma Shankar Gupta in truck mang ho chu akikhol in ahi ati. Hiche jeh chun Police team 4 Rajasthan, Andhra Pradesh leh Maharashtra mun'a akisol e ati.
Goa Church in dan dihlouva twikol gam resort company kom’a joh
Panaji, Lhajing 13 : Goa a um Church khat in twikol gam neo khat resort company kom'a ajoh doh e tin kholchilna aumin ahi. Hiche mun chu Mandovi vadunga Vanxim kho ahin Panaji akonía 20 km gamla ahi. Kho mite hon Chruch leh thunei vaipo ho akitho khom un hiche gam neocha chu Bangalore a um luxury resort company komía man bait ah-in ajoh doh uve tia ngohna hi anei u ahi. Hiche twikolgam'a cheng mi atamjo chu mi vaicha ahiuve. Maggie Silveria in aseina a keihon kangeh pipen tah uchu akijoh lou ding chu kadeisah u ahi ati.
Hiche gam chu lou bolna a akimang chapoi tia mipi hon deputy collector henga ngehna anei jingo ahi. Achaina in hiche gam chu Goa a um Archdiocese khut a ana um tan ahi. Maggie kiphinna chu ajona in NGO phabep ho Gakuved, Goenchea, Goamap, Xetkarancho Ekvott, Colva civic, Consumer Forum leh Chinchinim citizens hon press conference abol uva gam kijoh chu demna nasatah ananei un ahi. Goa Agricultural Tenancy Act, 1964 noiya loubol mi koi hileh lou mun kum 3 kijom a abol leh aneipan thu anei lou ding ahitai kiti dan um ahi. Hiche twikol gam'a hi in 78 um ahin family 55 tobang chen a kivah ahi.
Eastern Railways in APIK mangcha a miphalou ho matna nei ding
Kolkata, Lhajing 13 : Train sung mi gucha-michom ho matdoh na dingin Eastern Railways chun Anthropological photo Indentification kit (APIK) kiti amacha un ahi. Hitobang manchah hi eastern railways chu amasapen ahinalaiye. APIK software akon in hitobang gucha-michom hochu amel-amaiso ho phatah-a khol doh thei ahi. Mi khat maiso semdoh na dingin pung kal 2-3 alut jouvin ahi tin Eastern Railways a Chief Security Commissioner SC Sahu in aseiye.
Sahu in aseibe na a achesa lha 4 sung chun miphalou mi 10 ho hiche software akon in akiman doh uve ati. Hiche software phatah-a manchah ahithei nadingin RPF mi 6 kichuhna anei un computer hetna jong akijil uve ati. Train sunga miphalou ho suhthip na dinga ipi natoh um am tia adoh nauva Sahu in hiche gucha michom hohi Jasidih-Jhajha Kiul lampi a hat uva ahi tin hiche mun ho a security akihat sah e ati. East central Railway in jong RPF ahin sol in chuleh Bihar military police jong pan ala uve tin Sahu in aseiye.
