Bekham ahinkho thusim le a carrer vetlhahna nei heute:
Masang ahinkho: Beckham hi kum 1975, lhaphul nisim 2 in London khopi a ana peng in ahi. Kum 1991 in football lam a kithem chuhna ana neipan in chuleh Manchester United a kum 16 alhin in ana kichem pan tan ahi. Hiche club in lolhinna nasatah ananei kum 1995 sung in amahi regular player khat ana hitai.
Amain amasapen'a season lhung keiía kichepna anei in chun club hin Premier League leh FA Cup anigel in ana la in ahi. Kum 1996/97 campaign sung in amain halfway line akon in goal ana khum in, kichep patna nikho in
Wimbledon te jona ana nei uvin ahi.
Kum 1999 in team hi ana machal cheh in, Premier League, FA Cup chuleh Champions League title thum hi ana lataovin ahi.
England:
Beckham in kum 1996, lhalam nisim 1 ni in Moldova tetoh World Cup qualifying match ana neinao achun England ading in kichep patna ana nei in ahi. Kum ni jou'a Colombia tetoh final akichep nao achun goal ana khum in ahivang in second-round a alel chung uva Argentina midfielder Diego Simeone ana suhkhah jeh-a send off ana hi jeh in France akon in inlam a minsetah in ahung kile in ahi. England muna, alel u chu Beckham nasatah in angoh uvin chuleh tabloid newspapers nasatah in ana dem kit in ahi.
England Captain ahung hina:
Kum 2000 phallha a Italy tetoh friendly match anei nao akon in Bekham in England captain ahin tuh pan in chuleh kum kit in Greece tetoh akichep nao'a 2-2 a akibah jou uvin injury-time a free kick in goal ana khum in, kum 2002 World Cup finals ading in lolhinna ana neitao vin ahi. Quarter-finals a England te Brazil khut in ana lel uvin ahi.
Kum 2006 in, Portugal te khut a World Cup quarter-finals a ana lel jou uvin Bekham in England captain ahina akon in haina ana neitan ahi. Chomkhat jou in Beckham team a akithah chep kit in chuleh 115 vei England captain atuh in, hiche hi England outfield record chu ahi. Wembley muna kum 2009 ellha-a Belarus tetoh akichep uhi amain international lam'a achaina a kichepna anei chu ahi. Beckham hi akisuh khah jeh in kum 2010 World Cup a akichem jou tapon ahi. Capello in team advisory role a akilhon pi ding in ana tem in ahi.
Vahchan ni in England manager pain ama carrer kichaina ding thu aseiyin ahi, ahivang in Wimbley Staium muna tukum kichai kon lam le friendly match a amain in farewell a kichepna anei ding in anop pih in ahi.
Club thah a akichepna:
Beckham in kum 2003, lhamul in United akon in Real Madrid a dangka 25 million pounds ($41 million) in sign
ana bol in, chuleh kum 2007 league title alah nading uvin nasatah in ana kithopi in ahi.
United States a soccer promote bolna ding bid in mega-money deal a lhamul kum 2007 aakon in Los Angeles Galaxy a ana kichem pan tan ahivang in team hi alhasam lheh in chuleh ningkum end-of-season playoffs achun panmun ana nei tahih uvin ahi. MLS closeseason sunga amahi England a aum theina ding in Milan a loan in nivei ana um in ahi.
Field pam a ahinkho:
Beckham in Victoria Adams hi Spice Girls pop group member a apan lai kum 1990 kum kim lang chun ana kimuto pi chuleh hiche akon in amani hi ahung kingai lhon in, perfect media match-up couple tinjong ana kihe lhon in ahi.
Achapa lhon masapen Brooklyn apen jouvin Beckham leh Adams lhamul 1999 kum chun ana kicheng lhon in ahi. Lhalam 2002 kum chun achapa lhon anina Romeo ana peng in chuleh Bulte 2005 kum chun achapa lhon athumna Cruz ana peng in ahi.
