BSEM akon’a hetsahna
Imphal, Lhajing 11 : Board of Secondary Education Manipur akon'a hetsah kimu dungjui in Boad of Secondary Education na- toh kilah nading'a driver/ Grave IV written test chu ahung lhungding lhajing nisim 22 nidan 9:00 am apatsa 10:00 am gei board office munía umding ahi. Koitobang hetchen na neinom hon boad office mun'a kidoh thei ahi tin thuphon anei uve.
KKL Complex mun a General meeting umdi
CCPur, Lhajing 11: Andrew M. Haokip, Education/Secy Kuki students' Organisation (KSO) Henglep Sub-division a kon na hetsahna kimu dungjui yin Henglep Sub-division a um District Council noiya natong Head-master/Headmistress, Assistant Teachers ho jouse ahung lhungding nisim 14 le KKL Complex mun a General meeting um ding ahi toh kilhon a Zilkung jouse thonlou ah hungjao chehdin hetsahna ahin neiyin ahi.
Kuki Inpi(SH) in suhthengna hinnei
Sadar Hills, Lhajing. 11: Achesa nikho hoa Kuki National Council (KNC) min'a mun phabep hoa sum demand kibol a akithah lut nading mun Chungkam Haokip, President Kuki Inpi Sadar Hills ktit chu hetphahna kanei pon tin Pu Chungkam Haok-ip in suhthengna ahin neiyin ahi. Aman aseina ah, "Keima KNC toh imacha kimatna kanei pon hichehi keima minset nadinga kibol ahi chuleh Kuki Inpi Sadar Hills President kahina a kamin kichon sah hi kiloi khomna jalouna ahií tin thuphon aneiyin ahi.
KYKL mi 4 Delhi khopi a kiman
Imphal, Lhajing 11: Tunin Sukhchain Singh Mehta Chawk, Shivaji Enclave, CNG petrol pump kom West
Delhi mun ah Special Cell, Delhi Police hon KYKL (MDF) thingnoi mi 4 jingkah lam nidan 1:00 vel chun ana
man uvin ahi.
Akiman mi 4 hochu Longjam Momocha Singh alias Deepak alias Langonba (24), s/o late L Dorendro Singh,
Uyumpok Terapur akon KYKL (MDF) S/S project officer, Sagolsem Somananda Singh alias Mahesh (28), s/o S Juges Singh, LangathelKeithel Macha akon Prepak ana jaosa, Maibam Radheshyam Singh alias Foreign alias Boris alias Dekora (26) s/o M Sanatomba Singh, Uyumpok Litan Makhong akon KYKL (MDF) S/S 2nd Lt leh Sapam Shyamananda Singh alias Piktru (28), s/o S Angouba Singh, Nambol Phoijing Awang Leikai akon KYKL S/S deputy project officer ahiuvin ahi. Police ho in amaho akon'in laptops 2, mobile phones, KYKL (MDF) demand letters 20 leh ATM cards hotoh amatdoh tha uvin ahi.
