British te minsah Kuki kiminvo nahi KUCI, KUCI, tina anahin ahi. Bengali paole pan KUCI, KUCI, tia British te anasei peh najeh chu Acham-cham'a khosa te koima vaipohna noiya umlou nam mite atina chu British te paokam oso lhah kamcheng lodoh chun CI, HI, KI, a akamcheng koudoh jeh chun KUKI, KUKI, FREEDOM, INDEPENDENT, chamlhat nam ihiunau Brirtish Government injong eina hetpeh u ahitai.
Tua Meitei, Naga hon chele-le pem le-le gamchom'a kona Manipur gam hungpem lut tia authors/lekhasun hon eisut pampai nahohi geographical condition helou ahiuve. China South-west Himalayan Mountain Bul Gamkai sese le tu Indian Nothern Himalayan mountain bul gamkei jouse hi (Khul) ipen nau gamkai anahi ahin, tu in international/national gamgin eikhen ujongle ileiset gam u inop nop'a ichen le-le nau ahin, gamchom'a kon ikichon doh naujong History a akimupon gam leiset dang ajong ihindoh nah u umponte. Hiche Lekha sun hohin kigam mideh setsah hina akitah lah nomjeh uva aseiyu ahibouve.
Hitia agam leiset lo masa nam mite tia isut hoitho cheh ding itiule hinsei tem ing-nge! Khul gam ipennau gamkai sung civilization B.C khanglai chun koi Scientist, Astronomy, America, Russia, British, etc. ho sang in Pu Ngambom lhasung ah ana lenglut in melchih nan thingjabong ana lham in ahi. Leiset keu hilouvin lhasunga jong
ina vah le-le un ahi.
Khonunga chile nam hungpeng doh hohi jonga kon, Ngaova kon, Thinghom, Songhom'a kondoh tia seichah
a pule paten ana nei u chu ahiuve. Pu le paten nulou, palou, chaga, suh le kol chilhah apung in aching sen ne
anatiu chu tua nam khang tou itihou hitan te, khang-upa apeng masa, mimasa ho chilhah hi apungpon alung ujong amo-in anopkaiyuvin ahi, atiu chu tua eimite hi, hitan te.
2. Kuki te hi nam len nam kitup pu le pa khan guiya kisut dim - dem'a pa j..g lha a mihem lu anasimu ahin, insung khat mipa chale sonlepah neitam hon, kho anasat uva ana haosa uva gam le go heng le kom, ananei
uva, chon le han anabol uva pu min pa-min na ana kimin lah uva akon doh napa chu akhang akhanga mangthei louva guile boh, phung le chang minía hung umdoh cheh, chilhah kitup tah a ineiyu ahijeh in (ihistory) khangui
thusim toh kilhonin tun nam lhasam tah hijong leuhen (Royal Family) namlen nampi ihiu ahi.
Kuki te lah a kimin lahna neilou kondoh na nam lhah khangui chavei kahi tia hinpodoh hohi kipam peideh ponte. Ajeh chu Isiempau Pathen injong Abraham, Issac, Jacop akou teng le ason achilhah she hilouvin, nasoh na ganchate toh tin anaseijin ahi. Lheh khen louvin achilhah insung kon in anasim thajin ahi.
3. Chuleh Meitei ten gamchom'a kon'a hung pemlut namho tin eisei ujongle athusim u lekha them hon ahoi hoi nadinga asut u ahibouve Hindu te Mahabharat thusim jong hi (Fiction) mikhat chih nain asut thu thusim chu a history uva tahsan tah a ahin peh-u ahi.
Ei Kuki khang thah lekha them hole simlai honjong Meitei lengte gal jam'a akisel le-le nagam jouseu tua alenggam poh nauva akisut thei uleh eihon jong inam Kuki History sun hoi utin choisang ding hagel u hite.
Haosa honjong ihaosat nagam leiset hijat tampi gamkeh sunghi kachen nagam u ahi tiseh hilouvin adih tah in agam leiset hi keihoa ahi tin panlan, phong doh utin milhep lhah nanoiya anmal tolkhe loh tapoute.
Ipu ipa teuvin thingkho le malcha ana kanbeh uva kilung toh tah a Kuki gam le nam a dinga hinkho tampi anachan uva haosa kivaipoh naseh seh eina huhdoh peh uhi, British vaipoh nung injong Indian government
injong khonunga haosa gam leiset kivaipoh na thunei nahi self administrated unit khat na ihung umdoh nathei
diuva Indian constitution articles 244, le 230 chule 239(c) chukit le six amendment article 371c akon'a jong
igam u kivai poh nadiu eina suh det peh u ahi.
4. Ahin lah, Hiche Kuki te gamtum neinathei ding dinmun hohi, Meitei ten suhmang ding agot nau tuchung
Manipur assembly a thinglhang gam phaicham toh neikhom ding thu hi akhat veina ahi tapoi. Chule suspension of operation jeh in Manipur sunga (crimes) jouse Kuki thingnoi mi kilep na in anei uvin asungah, phaicham thingnoi mi supply nopnan anei tauve.
Designated camp jonghi thanghoi tah asohdoh tan, camp sunga hoitup chet na phaicham thingnoi thinglhang gama akisel nathei dinga alungel u ahi. Ajeh chu centre government security toh operation ache khom thei nalou ding le thinglhang gam toupha thingnoi force a chenkhom thei natei teiding hi ahi avet sah na chu, Sajik tampak gamsunga akho sah u gancha avah uva, aji acha ana kipui lut uva, chule haosa ho kom'a hilai hi koigam ham? Tia adoh uva kagam ahi tiho gotna apeh u, atha hochu gel doh jing angaiye.
5. Thinglhang MLA hon Ibobi thupoh doh chung thua kamkhat jong keh ngam louva I-um uchu hoilai tah chu
thinglhang gam thalhenga Assembly member ding'a Ikilhen doh phat chom nau Ipiham?
Thinglhang gam ithunei nau mipite thalhenga ihung kilhen doh nau gamle nampi a dinga ipanthei lou uleh M.D.C bon silent na sixth scheduled ahilou jeh a ahop uleh M.L.A jong scheduled area, excluded area Hill Regulation, outer Manipur, centre government president thanei nanoiya um state a protemp ma beh mai
mai ihinau hi silent boldoh a freedom of speech dan dung juiya Indian citizens cheh nam danga politician hon eitau le eiho politician honjong itadiu, scholars, journalist hon anop nop uva ithanei nau asut chavei got uva anot mang nadinga centre government kom'a memorandum ase se ukhu, koiman inahsah lou uleh (GoI) in Kuki te aumtapoi tia agel diu I M.P Pajong congress party (M.P) bou hiding chuleh scheduled tribes ihinau hi chomlou kah jouleh unspecified/OBC a ikheh suh dingu ahitai.
Tua phaicham chengten Manipur Fulfledge State (GOI) in kapeuve eitiuvin thinglhang gam achomin anot doh uve tin akiphin un, thingnoi le public, social organizations hon umthim louva agel khoh pen u ahi. Manipur Governor in thudoh gamnoi mi hokoma anadoh nah achun territory, statehood, fulfledge state (8 scheduled) 11, 12 scheduled National University, National airport, Kangla ipi aban alhinglou umham? Atile, scheduled area thinglhang gam neihoptha sah pouve.
Area thinglhang gam neihoptha sah pouve tin anadonbut uvin ahin, Governor pan napu napa khang laiyu le
British record chule Indian hetpina toh kilhonna Meitei phaicham min thinglhang gam toh lengvai kanapoh thapouvin thinglhangmi thinglhang gama thinglhang mihon dan'a atum'a kivaipoh na leng vaipoh tobang mama a ana um ahiuve tin anasei peh uvin ahi.
Adih e fulfledge state alhingpoi atiu chu amaho dinga alhingsa ahin six scheduled aumlou jeh a thinglhang mite dinga lhing loulai aih. Manipur kiti hi phaicham Kangleipak, Poirei Leipak, a cheng Meitei te gam seh seh anakisei na ahipon thinglhang gamhoi thing le song songmantam thing gai, bego, sana kon na le agam ga sana songmantam sodoh thei tina ana sei uchu hoilah phaicham poirei leipak Kangleipak, pat lah nen lah a (Sana) Kondoh theiding ham ? Ngale thangjing, Thoroi, atiu, le tuilou vah chang anaphanan ahi.
Tununga semthu bolthu, jou nau ving'e tia akhang akhanga aleng gal jam she uleh lungset khoto tah a agal teu inasat peh uva ina huh doh naho hi tun amahon asepaiyu asoh u, Aleng gam u vaipoh nanoiya inaum dan un kihil nan anei tauve.
