Hiche to lhonna chu passenger koi hileh apaht a hung lhung ho huikong vaigei jeh ahilou leh flight cancelled aumía ahileh amaho chu airlines in sum ale dit ding ahitai. Hiche hi ahung lhung ding Lhajing 15 apat che pan ding ahitai. Hiche hi foreign carriers ho India a pansa ho jong ahop tha ding ahi. Hinla weather umdan ahoi lou, twi let jeh, airline natong ho kiphin jeh, air traffic control kishuhlou, civil war, natural disasters, bomb pokeh leh adang dang ahileh airline hon an nehna leh lhunna napeh lou ding ahi.
Ladakh a go ahajuh jeh in huhdoh natoh chelha thei lou
Srinagar, Lhajing 7 : Ladakh a go aha juh jeh in huhdoh natoh chuleh kithopina imacha aumthei poi tin army hon aseiye. Lhang hoh twi let jeh in Ladakh a mi alhompen in 114 anathi tai. Chuleh mi tamtah akiholmo un ahi. Foreign tourist phabep jong asuboi un ahi tin foreign ministry chun aseiye. Leh town a airport chu akihong in hiche akon chun disaster response teams, doctors leh kihou matna manchah ho ahin polut un ahi.
Hiche huhdoh natoh na ahin sepai mi 6,000 val in pan alah u ahi. Hinla go aha juh jeh in dei bangin natoh ache lha theipoi tin army spokesman chun aseiye.
Ladakh gam hi Pakistan leh china toh kigamgi ahi. Pakistan gam a jong twi let jeh in mi 1,600 val athi in chuleh mihem 12 million val atongkha in ahi. Leh khopi hi 3,505 metres (11,499 feet) sanga um ahin go hat tah ajuh jeh a twi hunglen ahin hiche jeh chun munkai (bon nang kitol) in in tampi, telephone towers leh sorkar office tam tah asuse in ahi. Highway jong mun tampi a ase in hijeh chun tourist miho agenthei lheh jeng uve akiti.
Mumbai kom’a panama kong 2 kitat to, mi 33 kihuhdoh
Mumbai, Lhajing 7 : Indian Coast Guard hon panama kong ni kitato na jeh in asunga tou mi 33 ho ana huhdoh un ahi. Hiche thilpo kong tni chu Mumbai Harbour kom'a tuni jingkah lam'a chu ana kitat to lhon ahi tin official thulhut chun aseiye. Kong teni chu MV Khalija-III chuleh MSC Chitra ahilhon in Jawaharlal Nehru post Trust (JNPT) komía kinga dinga aumpet a kitat to lhon ahi tin Indian Coast Guard official khat in aseiye. Kong teni chu 200 metres a sao ahilhon in, akitato lhon jeh in them khat asoi e akiti.
MSC Chitra chu JNPT akon a ung kipat doh ding agot pet ahin hinla akitato lhon phat in prong Reef Lighthouse mun'a aum den tai. Indian Coast Guard hon SOS message amu mu un adel pai un ICG Kamala Devi chu huhdoh natohna a amangcha un ahi. Kong teni a mi 33 ho chu huhdoh in aum un amaho chu ICG tug Vamsee-III a akichon tauve. Koima akitongkha vang aumpoi.
Indian Coast Guard hon helicopter amangcha un thilsoh chu phatah in vetsuina anei un ahi. Ginmo umtah khat chu Kong khat joh sanga chu navigational manchah phalou himai thei akiti e. Hinla athu hi Directorate General of Shipping leh Mumbai Port authorities in kholchilna anei lhon ding ahi.
Margao bomb pokeh thua Goa minister ajou aseiye tia akiman hon sei
Panaji, Lhajing 7 : Margao bomb pokeh na hung changa Goa home minister Ravi Naik in police ho toh kitho khom'a athu hi adih na bang tah-a kikhol lou ahi tin akiman mi 4 hon asei uve. Mi 4 ho lawyer a pang Sanjiv Punalkar in aseina a district leh sessions court a lekha asep in chuleh Naik chunga thil dihlou jouse photchetna pum'a kipe ding ahi ati. Hiche thu hi sub-judice ahijeh in Naik in imacha kasei loudingahitinaseiye. Punalkar in aseina a athu hi akisei vah louva ahileh minister pa kingohna ho hi mangthah thei ahi ati e.
Bombpokehjehaanakiman mi 4 hochu Vinayak Patil, Vinay Talekar, Dhananjay Ashtekar leh Dilip Mangaokar ahiuve. Amaho hin athu aki kholchen loi nadin NIA Act noiya lekha ana pelut un ahi. Hiche NIA Act noiya hi athu chu special court a trial um dinga kisei ahi. National Investigating Agency(NIA) in mi 12 ho chunga chargesheet filed ana bol ahin tuchan in mi 4 hi matdoh louvin aum jing nalaiye. Amaholah-aginmomi 2 chu bomb pokeh na a athi lhontai. Amaho taona lekha chu ahung lhung ding lhajing 13 kisei ding ahitai.
Badal in development natoh na dia 129 crore phatsah
Chandigarh, Lhajing 7 : Punjab Chief Minister Parkash Singh Badal in tuni chun Patiala leh Sangrur
districts teni a assembly constituencies jouse dinga development schemes a din dangka 128.97 crore
apahtsah tai. Patiala district adin 51.70 crore ahin Sangrur district adia 47.70 crore ahi.
Hiche sum hi lampi semna, latrines, civil natoh chuleh sorkar school ho semhoi na ding ahi. Hiche lah-a chu 24.35 crore chu tahsa damthei na lam'a manchah hiding ahi. MLA ho panna a hiche sum kithopina hi Badal in anei ahi. Chief Minister in Patiala leh Sangrur district a Deputy Commissioner teni jong natoh avetsui lhon din thupeh aneiyin ahi.
Kijomatna lampi ho sempha dingin Mandi Board a secretary pa jong akimupi in ahi. CM in PUDA a senior officers ho to jong kihouna aneipi in chuleh local body leh district administration a mopohna neiho jong akimupi
