Department in aseibe na a Kashmiri in Al- Qaeda kithopina anei jingeati. HuJI terrorist group ahi tia phondohna aum to lhon in US Under-Secretary for terrorism and financial intelligence Stuart Levey
in aseina a Al-Qaeda leh akijop pi ho doudal na dinga thil phatah khat ahi tin aseiye. Levey in aseina
a leiset chunga galguh bol ho hin kho hepha lou milham ho tampi hinkho abeilo in ahi, hiche jeh a chu hitobang kiloikhomna neiho suhmang ding ahi tin aseiye. Kashmiri hin HujI "313 brigadeí a lamkai ahi tin masang jep a kiman LeT operative David Coleman Headley in aseiye.
Kashmiri mandoh ahilou leh that aum leh $600,000 peh dinga Pakistan sorkar in ana phondoh ahi. Amah in Marriot Hotel a kibuluna a mi 50 val anathi na a pan ala in chuban leh Pakistan president anahi Pervez Musharraf jong ana that kigo in ahi.
Taliban ho toh kihou din Pakistan kigo sadem kahiuve : Zardari
London, Lhajing 7 : Pakistan president Asif Ali Zardari in aseina a Tehreeke-Taliban Pakistan (TTP) ho toh chamna aum thei nadinga kihoupi dinga kigo sadem a um jing kahi ati. Pakistan a boina aum jeh in milham mi aja asim athi tai. British Prime Minister David Cameron toh joint press conference abol na a Zardari in Taliban ho toh kihouna dingin kot akikhah poi ati.
Cameron hi masang jep a chu Pakistan in galguh bol ho akithopi e tia demna ananei ahi. Galguh bol hotoh kihouna dingin itih hijong leh kot akihong jinge tin Zardari in aseiye. Taliban ho toh kinoptona ana umsa ahin hinla amahon ana sukeh uve. Tua jong kihouna chu aban kijom ding ahi. Alangkhatna Taliban hon sorkar phut lhuh ding atiu hi ichan hijong leh lolhing lou diu ahi. David Cameron leh Zardari in galguh bol ho suhmang ding thu a kinoptona anei lhon in chuleh gam teni kihetna jong hat sah ding anom lhon in ahi.
Indo-US kitho khomna dia US Senate in kilolna phatsah
Washington, Lhajing 7 : India in 63rd Independence Day aman ding to lhonna US Senate in kilolna ananeiyin chuleh leiset chunga democracy (mipi vaihomna) lenpen teni kigolchatna suh hat ding in kilolna chu ananei un ahi. US society a India akon American a cheng mihon pan alah u nasatah in
pachatna anei un hiche jeh a chu Senate in India toh pan thakhat a lah jing dinga kilolna chu anei u ahi. Hiche kilolna chu Senator John Cornyn in apohdoh ahin chuleh Senator Christopher Dodd in panpina ananei ahi.
Achesa phallha 2009 kum'a prime minister Manmohan Singh lemna ankong asemna a US president Barack Obama in gam teni kigol chatna hi 21st century a dinga het thei tah khat hiding ahi tia ana seiphong sa ahi. Hiche apat chun India leh US kithokhomna akhangtaou jingin civilian nuclear power thua jong kinoptona ananei lhon in ahi. Gamteni kitho khom nahi khat le khat kitahsan tonal eh kija tona a umdoh ahi. Tun jong vannoiya counter-terrorism, mipi vaihomna hatsah ding, human rights tahlang ding scientific research lam'a kitho khom ding chuleh adang dang tampi a pan khom din akinopto lhon in ahi. Indian simlai hohi tupet a US a atam pen ahiuvin 15 percent alhing jouve akiti.
Pakistan Sindh province a twi let jing jeh a mi tampi kichon doh ta
Karachi, Lhajing 7 : Tuni chun Pakistan authorities hon Sindh province a twi let jing jeh in mi tampi ahuhdoh un mun chom'a aum sah tauve. Tuchunga Pakistan gam'a twi let hi achesa kum 80 sunga dinga alenpen ahina laiye. Hiche jeh chun mipi ho president Asif Ali Zardari chunga along nom'o
lheh jengun ahi. Ajeh chu agamía hahsatgenthei aum pet in donse louvin ama Europe a kholjin in ache mang hel in hijeh a chu ama political carier atoh khah tei din aum'e. Pakistan twi let jeh a thi hi mi 1,600 alhing tan chuleh mihem millions a sim atoh khah ahi.
Meteorologist Hazrat Mir in aseina a north Sindh province mun'a twi hat tah in alongin hichu jing teng leh Sukkur town lut ding ahi ati. Sindh province a mun nem a cheng mihem 350,000 ho akichon doh tai. Twi let na mun;a genthei thoh ho kithopina natoh ache lha jingin hinla go ajuh jing jeh in gentheina akibe lap cheh cheh in ahi tin Provincial Disaster Management Authority a director general Saleh Farooqui in aseiye. Aman aseibe na a twi let jeh a mipi hon inmun adalhah uleh go ajuh jeh in umnading ahe pouve ati. Pakistan a twilet a genthei thoh ho kithopina in Malaysian sorkar in $1 million aphongdoh in ahi.
China gam’a Sana khuh meikon jeh-a mi 16 thi
Beijing, Lhajing 7 : Eastern China sana khuh kilaina mun'a mei ahung kon jeh in asunga natong mi 16 athi uve tin Xinhua thulhut chun aseiyin ahi. Gansemni nilhah 5:00 pm velía anei ahung kah pet chun asunga natong mi 300 val um ahi. Hiche thilso na mun chu Luoshan sana khuh ahin Zhaoyuan city mun ahi tin official thulhut chun aseiye.
Athi ho chu atamjo huitheng aum lou jeh-a thi ahiuve. Tu chan in mi 7 ho hung potdoh thei louvin aum nalaiye. Misemni jingkah lam 8:30 am in meikah chu asumit un hinla hiche sana khuh a kolphe meivah vang aumthei hihlaiye. Ahung pot thei lou natong ho chu kihou matna aumtheiyin amaho huhdoh nadin natoh achelha jinge. Leinoi Cable akon mei chu hungkipanahitinakiseiye, hinla achen-achai het ahi hih laiye. Sana khuh neipa chu police in aman un thudoh anei un ahi.
