Amahi hi Belgium muna khup leh sports injury specialist Marc Martens in avet ahin chuleh vanghom ni jingkah in amahin nidan keh tobang arthroscopic operation ana bol in ahi. 'Ahung kithah chep thei kit nadinga amahi lhali tobang akichol ngah angaiyin ahi,' tin Martens in Reuters Television achun aseiyin ahi. 'Ahivang in thil pha lam a kagelkhat chu, masanga banga hoitah a kichep jouna anei kit ding ahi,' tin aseibe kit e.
'A nervous lheh in ahi ajeh chu a carrer ading in surgery kibolding ahiloule kibol louding tihi kigel lhahna anei na dinga hahsatah dinmun khat chu ahi. Achaina in hiche tilou hi ama akithopi ding adang aum lou chu ahin kigel doh in ahi. Achesa lha in anatna ahung kibe cheh cheh dan in ahin hedoh in chuleh achaina in akichem jou tapon ahi.
Brazilian Kaka, achesa kum lang-a akisuh khah jeh in ana kichem thei pon ahivang in South Africa muna World Cup kichep theina ding in ahung damdoh kit in ahi. Amain Carlifornia muna Realís pre-season training camp chu ada lha in Belgium mun chu ana jontan ahi.
Carlsbad muna Vandeweghe in Zvonareva jou
Carlsbad (California), Lhajing 6: American teenager Coco Vandeweghe in Russia Wimbledon finalist Vera Zvonareva chu vanghom ni in Mercury Insurance Open second round a 2-6, 7-5, 6-4 in ajou tan ahi.
Vandeweghe, ranked No. 205, nuhin ginchat loubeh in Zvonareva, world's No. 9 ranked player nuhi ajoi in, tournament a hoitah in kipatna aneitan ahi.
Kum 18 a upa Vandeweghe in Zvonareva chu set nina leh athum in ajou in chuleh a carrer chomcha sunga jona lenpen in aneitan ahi. Vandeweghe, main draw a pantheina dinga qualifying matches thum jona nei nuhin, WTA a carrer masaa 15 vei akichepna sunga 13 vei jona anei jou in, kijom in nivei jona aneitan ahi.
Third-seeded Zvonareva hin set masa a Vandeweghe's serve thum vei kijoma jona anei jou hin ama adinga beilam tah jona chu hiding dan in ana um in ahi. Vandeweghe in serve abol in chun, amanu in 5-2 in trail ana bol in ahi.
Vandeweghe in 5-3 match achun serve abol in, ahivang in Zvonareva in break point thum chu ana jolou phat in 5- 4 in lead abol tan ahi. Ahivang in Vandeweghe in aban kichepna ama match point masapen achun ajou tan ahi. Vandeweghe hi quarterfinals a Russia Svetlana Kuznetsova , Italy's
Sara Errani 6-1, 5-7 (5), 7-5 a jounu hitoh kichem ding ahitai.
Top seed Berdych, ATP quarterfinals lut ta
Washington, Lhajing 6: Czech top seed Tomas Berdych, Wimbledon muna runners-up ahi jou in, vanghom ni in Kazakhstan's Andrey Golubev chu 6-3, 5-7, 7-5 in ajou in ATP Washington Classic quarterfinals alut ta.
Spanish third seed Fernando Verdasco leh 62nd-ranked Belgian Xavier Malisse, US Open tuneup teni jonghi, go in kichep kipatna ding phat pungkal li val a avaigei sah jeh in $1.4 million hardcourt tournament achun ama chal lhon tai.
Achesa lha a ama adinga apatna Grand Slam final a Rafael Nadal khut a alel jou in, ninth-ranked Berdych, akipatna pen a top seed pahin abanle Malisse, US fifth seed John Isner 6-4, 3-6, 7-6 (7/5) jou pahi akichep piding ahitai.
'Ama along gim lheh in chuleh amahi top seed ahi. Season hoitah kanei jeh in lelna ding ema kanei pon chuleh epi hungsoh em tihi kavet ding ahi mei-e,' tin Malisse in aseiye.
Berdych, French Open semi-finals alhung jou nading lampi in Wimbledon a Roger Federer ajou in
chuleh Andy Murray chu Roland Garros a ana jou kit in, Wimbledon opening round a Golubev chu hahsatah in ajou kit in ahi.
Triple jumper Idowu in CWG a pan lading
London, Lhajing 6 (PTI): World leh European champion British triple jumper Phillips Idowu in Delhi muna Commonwealth Games mega event ahi pan alah ding ahi tin hetchetna aum tan ahi. Idowu, kum 2009 a world title leh achesa kal sunga Barcelona muna European Championships a gold mupa
hin aseina achun, kaloi themkhat in security chunga kichatna nei ujongle kinvang tukum Commonwealth Games ahi pan kalah ding ahi ati.
'Pan lahkit a ka title chu Avella lahkit ding tihi kagal dot jing chu ahi,' tin kum 31a upa athlete, achesa kumli langa Melbourne muna gold medal anamu pahin aseiye. Aseina achun, England te ponlap hi Ellha tengle kadop sang ding ahi ati.
Amasapen'a major championship gold chu Melbourne muna Commonwealth Games a kana la in, hijeh chun hiche event hi kei adinga apoimo tah khat chu ahi,' tia Beijing Olympics silver medallist pain asei British media akon thulhut kimu chu ahi. Hiche Games aloupina hi sprint king Usain Bolt, Jamaican Olympic 100 metres champion Shelly-Ann Fraser, cyclists Chris Hoy chuleh Bradley Wiggins hocheng in hiche event a pan lahlou dinga kigel lhahna anei jou uvin alha sam tan ahi.
'Keiho team a athletes Olympic leh World champions hojong apang in
chuleh team hi akibe na ding in lunggel jong kanei uve,' tin Hunter in aseiye. ' Gam sunga top athletes ho pan lahna thei ding mun ahung umdoh in chuleh Delhi hin gam ejat hamkhat a khangdong thepna neitah ho ahung kihetdohna dingle multi-sports Games ahung lhung ding kum 2012 London Olympics a hetthem theina anei nadingu phat kilem chang khat ape in ahi,' tin aseibe kit-e.
IOA proposal bol chu govt. in chomkhat kah dinga khah
New Delhi, Lhajing 6: Indian Olympic Association in kum 2019 Asian Games bid bolna dinga proposal abol chu government in chomkhat kah ading in akhah tai.
Union sports minister M S Gill in vanghom nia Rajya Sabha a aseina achun, 'Indian Olympic Association in kichen tah a aseilhah lou, Asian Games host bolna ding hi, ministers hon phatah a gelkhomna akinei jou teng gellhahna kinei ding ahi. Aban jom in, IOA in proposal bolna dinga lekha ahin se hi santhei chu ahipoi ati.' Government hin Commonwealth Games adinga kigotna chunga boina tamtah ahung sodoh jeh a hiche hi gelkhohna aneilou chu himai thei inte. Alangkhat a IOA, Suresh Kalmadi lamkaina hin, government in athanop na chu mudohsah hih jongle, India in kum 2019 Asian Games games host bolna dinga bid hi boltei ding tin nasatah in government jolna anei uvin ahi.
Ginchat phah louvin, Asian Games kumli jouseh a um hi, Commonweath Games toh thakhat a aum ding deilouna jeh in kum 2019 ahi vaigei jep ding ahitai. Adang a vang kumli jouseh a umkit ding ahi.
Games adinga kigonna chunga avel lah a thangdeh duh mudoh thei a aum nalai i nehguh atam jeh ahin, hiche a suhkhel neiho chunga agan nathei channa government agency in action alah ding in Gill in temna aneiyin ahi.
Rajya Sabha a thudoh adonbutna achun, agencies in gangtah a action alah nading leh "koi hijongle nehguh neijouse amatding uvin" temna aneiyin ahi.
