Lamka, Lhajing. 13: India te chamlhat le zalen muna nikho ahung lhunding toh kilhonin kin-gon bulhit nading in kigosadem in aum tauvin ahi. Lhajing nisim 15 nikholeh Lamka Public ground muna I-Day lopna kinchu chelhading in akigongin ahi. Ms. Jacintha Lazarus, IAS/Deputy Commissioner, Churachandpur a kon'a thulhut kimu dungjuiyin hiche nikho teng chule natohpha neiho chunga kipa vetsahnan mipi maiya dop sangna kinei ding ahiíatin ahi. Hiche dungjuiya chu ëAppreciation award for Best performing village on development work' kiti hugol noiya CCPur District sunga kho 5 in asan diu ahi tinjong aseiye. Kho 5 kilhengdoh hochu ahile Lamka block a patsa Headquarter Veng, Tuibuang Block apat B. Vengnuom, Saikot Block apat Muolvaiphei, Samulamlan apat Ngarian leh Sangaikot block apat Langvon kho ahiuve.

Hichetoh kilhon a khosung le vengsung chule japi phatchomna dingtoh kilhon'a kipehdohna neiho jong mipi masanga kidomsang ding ahi tinjong thulhut DC nu a kon in akimun ahi. Amaho chu ahile; G. Haukhomang, Chief Advisor, YPA, GHQ; Nangsianpau Shoute, President CYA GHQ; Lallawmliana, President, YMA Lamka Branch; Kamthang Haokip, Information Secretary, KKL GHQ; Zothanmawia, General Secretary, HYA, GHQ; T. Goukhomang President, SYO, GHQ; T. Khaizamang, General Secretary, ZYO, GHQ; leh Biaknu w/o (L) Pumkhai, Founder President YVA, ahiuvin amahohin ponsan asan diuvin gotsan aumtan ahi.

Chuho toh kilhon in mi 18 chunga Appreciation Award jong aneingal diu ahi. Hiche award chu category 4 a lhendoh hiding ahin Bravery award a dingchun mi 2 lhendoh ahin ama tenichu Thangzading s/o K. Routluang of Lower Chappel Land leh Henkhkolien S/o Satthang Haokip, Ngoiphai village ahi lhon-e. chukitleh Blood donation toh kisai a Hmangkhum, President HYA, Jt. Hqtrs leh Young Mizo Association, Lamka Branch chunga Appreciation Award jong neipai ding in akiseiye. Chukitleh official duty leh Excellency in sports toh kisai a mi 14 jong kipaman pehdohna umding ahin amaho chu ahile; Lalvullien of Rengkai, Lian Thomte of Simveng, Thangkhohen, SO, BDO/ Tuibong block, HT Thongkhokai, LDC, dist cooperative officer, L. Nunmawi, chowkidar, Dist, cooperative Officer, Goukhanthang, Primary Teacher, Phungkhothang, Govt. H/S, V.Jamkhanmang, SO, PWD, A.Nimai Singh, SO BDO/Sangaikot Block, Vanlalzawnga, EO (development) S D O / H e n g l e p , T.Ngulkhanthang, BDO/ Vangai, Arun Kr.Verma, Lam- bu DC office, Lunkholal Chongthu, LDC, SDO/Singngat, Lhunkholet Haokip, EO (Development) SDO/ CCpur leh Nangginlian, Head Lambu SDO/CCpur hochengse ahiuve.

AR hon Civic Action Program chepiu
Imphal, Lhajing 13 : Tunin Community Centre Maphou mun ah 13 Bn BSF makaina in Civic Action Program amang uvin ahi. Hiche kin chu vailam nidan 9:30 velíin akipan in Senapati District hopsung'a BSF holeh milham ho kah a kihet them nading leh machal nading'a ana kimang ahi. Hiche kin achun Rk Mishra, Commandant 13 Bn BSF in alamkaiyin chuleh Maphou leh Moirang Purel a Headman holeh Secretaries hojong ahung pang uvin ahi. Commandant pa in ahung kikhom mipi ho kom ah ahung lhung ding 63rd Independence Day kinit dingtoh lhoníin lemna aneiyin chuleh alhangía mipi holeh security force kikah a kihet themna amachal nading injong akinepna aphong in ahi.

13 Bn BSF akon'a thulhut kimu dung juiyin Commandant pa in Maphou a Computer Training Center a man dingíin 5 KVA generator set 1 leh Maphou Primary School, New Maphou Kuki Sewing Training Center, Moirang Purel Ever Bloom English School chuleh Moirang Purel Boys Hostel a don ding tui ahah jeh in rain
water harvest system khat cheh jong ana hopdoh peh e akiti. Chuban ah Maphou Primary School, Moirang Purel Ever Bloom English School leh Moirang Purel Village Football Club ho ading'in football item leh uniforms lhingset jong ana peuvin ahi.