Pathen lhacha ho nam ngailu ahinom e :
Tunin houna tonghohi alhangpia nam ngailu nahi nom un, Pathen chu ngailut ahijeh in Pathen natong dinga kipedoh hohi nam ngailu ana hiteiji ahi. Hijeh chun nam ngailu khat
hi na a na nam sung nahoubung sunga ding vision-mission naneicheh diu katahsanin, hijongleh ken itobang bang vision mission naneiju chu kahejoupon, keijong houna tong vang chu kahipon, hijongleh nam ngailu nam natong (social worker) khat hi na in vison-mission chu kaneijin tunia hi seithem hih jongleng hichehi kineppi umtah houlamkaiho koma share kabol nom ahi. Inam ngailutna jalla kaseidoh hohi angaina nakol sunga alutcheh nadingin jong kahung taokit ahi.
Tunia church pan lah danhi lhagao thu bouseh ahi :
Tuni channa i society sunga church pan lahdan le church in aboipi pen Pathen helouho Pathen thu seipih
ding ahesa ho lhagao lama til khouding mapui ding tihohi ahi. Hichehi adihpoi kati ahipon hicheho chung chonna Pakai lhacha lamkaiho henga kataona nomchu humanitarian social service inamsung ihoubung sunga angaichat khoh dehset na mun ho a neokhat khat beh ibol theidiu ham ti ahi. Humanitarian social service iti teng a hop alenin thiltampi kiseina ahitheijin, hijongleh tunin eiho nam sunga ngaichat khohdehset munho a ding
bouvin gel u hite.
Vannoi gamdanga church ho panlah dan :
Vannoi muntina church tampin lhogao thubou aboipi pouvin tahsa le lhagao agoma akhantou theina ding
natoh thil gon aneicheh uvin ahi ajehchu tahsa le lhagaohi kikhen theilou ahijeh ahi. Eiho jong lhasam lheh nalai
jongleu hen christain ihunghi kal u kum 100 alhingtan ahinlah tunichanna iboipi penuhi lhagao thu lam tilou thildanghi jaobehseh in akimupoi.
Vaicha genthei meithai chaga punna :
Eihohi alhangpia vaichate lhasamte chu ihung hijing nauve, hinlah masang jepchun meithai-chaga genthei
inle-lou neilou khutdo (beggar) tabanga hinkho nei isociety sunga ana tambeh sehpoi. Hichehi Kubi society
hoina(good)point bhat anahi, boima hetpih louva eimacheh ngalchangpa banga olmo na beihel a anakhosa
ihiuve.
Hinlah vangset umtah in sopi Nagate toh ihung kiboijun, abanin sopi Paite hotoh inakiboikit un, abanin thingnoimi ibol jeh uvin eiho le eiho kitha kimat inahabol kit uvin hicheho jeh in nubei pabei(chaga), jipa bei(meithai) tampi ahung umdoh in, abanin meichang in atoh khah loi, bomb thang kichot khah loi akhut bong akeng bong tibukim lou tampi aumkit tan, mipa khat natong theitalouva akisuh lem tah le anop ada kibanga amabou hitalouva aji acha a family pumpi moh vangset jeng tina ahijengin hiti hin vaichatjeh seh seh hitalouvin vangsetna sangtah siociety chungah alhungtan ahi.
Chaga meithai genthei ho aveding umlou :
Tunin isociety sunga chaga - meithai ijat umtam, vangset jeh a tibu kikim lou aji acha vah thei talou mi
ijat umtam ti akihejoupon, ahivangin tamtah aumtai tihi mijousen ihet u ahi.
Meithai atam tah jeh in meithai khangdong jep ho kivah dan ahahsat jeh in tampi atahsa joh a neh le chah kibol
aumtan, chaga tamjeh in chapang khqngthah thingnoija lut nom apung jfngin, thingnoija lut mi atamchana natonglouva kivah sumle pai hoi (those tuidu) tampi umdoh ding ti na ahikit in boina leh hahsatna akibelap jinge.
Chaga genthei vaichat apun tah jeh in lekhasim chapang tampi drop-out (simjom talou) ahitan, lekhathem theiding miioupi tah soh theiding mitampi lahlou asohtan hitihin gentheina le vaichatna vangsetna ho multiply (ajat simtheilou khop a kibelap) ahjingin koima aveding akhohsah ding umlouvin muntin gam tin eimiho chenna jouse hahsat gentheina van chan sangin akitungdoh in chaga meithai vaicha genthei vangsetna jat chom chom toh ho kithopi le panpi ngalchan apeng peng jenguvin koima la amaho pen gin jading aumtapoi.
Church tilou adang inam sunga pan lathei society umlou :
Hitobang din mun ilhun tah jeh vin koimadang la ngense ding aumdehpoa eima change level a (individual level) ima boidoh ding jong aumtheipon, hijehchun inam sunga kitoikhomna lah a ahoipen, ahatpen, adetpen, athuneipen chule ahaopen chu church kiloikhomna hohi ahijengtan, (KBC, KCC, ECA, CH.BA, TBA chule adang dangho) hicheho tilou kiloikhomna dang kineppi thei aumdehpon, achutile midang dang gamtin kihop jou tahih jongleh, eima church sunga member ho kithopi ngaicha dehset ho dinga policy, plan & progm ineithei diu ham, nertheija pha hilou ham ineiju leh ipi adih mo nading um am ti ahi.
Tunin church lentah tah haotah tah ho to krtekah thei hih jongleu hen akham khama neocha cha themcha
cha a kitoh khom (kidongkhom hohi) phabep khat beh hi chaga genthei meithai chule vangset na toh hodin-
ga tohgon khat a ineithei lou diu ham, ineithei tengule akham khama van gam keo hilouva leiset hinlcri sunga
jong itohga imutei tei diu ahi,
To be continue....
