Karkhana le Mill ho lah a hin North East India a um'a alhom'e. Nagaland a Paper semna, chini semna aum'in, adang aum behseh poi. Manipur in chuto bang ho jong aneijou poi. Hiche ho hi atum'a mi themkhat nei thei ahilou jeh in eimiten aneiya jong aum hihlaiye.
Mill lah a anei baipen rice mil ho vang anei iumsau sau nauve. Rice Mill hohi seikham ahipoi.
3. Technology Thildang dang Neina Lam'a Vetna:
Technology thil akitile khantouna thil jouse seithei ahi. Gari, Karkhana ho jong apang cheh thouve. TV ho hi
minei nei ineijou thou tauve. Mi nei banga ineijou louvu khat chu Computer neiya hi eimite 10 lah a 1 jong hijou ponte. Tunigei hin aneiya alhom lheh nalaiye. Mobile Phone ho vang hi aneiya itam thou tauve. Namdang nei jat hijou hih jongle anei tamtah ium tauve tithei ahi. Eimite lah a vaicha dehset ho vang hin gamkhangtou
ho nei imacha inei thei hihlaiyuve. Thinglhanga avaicha dehset eimi ho hin alhom pen'a TV jong neilou ahiuve. Khosung khatía TV nei khat le ni bep umna jong um nalaiyinte. TV umlou helna kho jong um nalaiyinte. Lou khoina khawlbu nei gari ho, tractor len le neo ho neiya jong um behseh hihlaiyinte. Chang atna khawl ho vang amukha jong kium behseh loulai ding dan ahi. Type writer ho bep vang hi kho tamjo a um maithei tante. Thinglhang khoa Computer umlouna tamjo nalaiyinte.
12.2. Vannoi Khantouna le Kukite.
Kukiten State tum ineilounau ajeh hithei hi ichen cheh behseh jeh-u hi himai theiyinte. Lamchom khat'a vang
chu ilhom behseh jeh uva hi State neikham ihilou laiyu ham khat ahitheiye. A ipi chu hile mun khat'a abilíin
anakicheng le kinei hihlai jongle State del theiyin kium khat tante. Ichen cheh u hi ngoh thei ahi.
State ineilou jeh u hin Kukite hin vannoi khantou na delphah jou chi ahihih laiye. State neijou louva vannoi
gamlen hoto kitekah ding chu nuijat aum nalaiye. Akitekah lona pen vang chu vannoi khantouna le namlen
ho phah ding igot theina diuva kigel'a ahi. Eimiten vannoi khantouna iphahlelna hou chu veu hite
(1) Country seiphah ahilou dan chu District jong ineidoh joulouvu tobang ahinalaiye.
(2) Vannoija Karkhana (factory), Industry ho khat cha ineihih laijuve.
(3) Min vanlaija lenna, Helicopter aneinunga hin India leMyanmar a hiche hohi mimal neithei ahibehseh hihlaije.
(4) Sum le pai thua hin vannoi mite molvum ageitah le eimite molbul igei nalaiyuve.
(5) Golseh lam'a hin World Cup (Soccer) ho Olympic ho, World Lawn Tennis, Championship le adang a pangkha ium mang hih laiyuve. Mary Kom World boxing a agapan chu kisim thei vang ahidem? State neileu hen ama tobang adang jong umdoh be be thei ahi.
(6) Politics thua jong hin midang ipha thei hih laiyuve. Ajeh chu State tum ineilou jeh un milah a alhomjo ihina munía ima aki hijoupoi. Alhangpia sei din vannoi khantouna phajou thei ihihih laiyuve.
12.13. Khantou be nading Tohthei ho Achomlam'a Vetna.
Abul lam'a kivesa le kive loulai khantouna dia tohthei ho veu hite.
1. Eima Chan dia Lom Thilho Delna : Ichennau gam ho a hin milhomjo (minority) ihidoh jeh un ichan
diuva lom eikipelou tamtah umtheiyinte. Eiho suhkhel masa chu ahile munchom cheh a ichen cheh jeh uva
muntinía milhomjo (minority) ihidoh-u ahi. Hijeh hin ichan diuva lom loikhat ichang thei hih laiyun, loikhat
eikipehda lo e tithei ahi. Vetsahnan ikithethang jeh un iumnau mun tamtah a ilhom jeh un district delkham
jong ium behseh pouve. Ahilou le India a cheng ho se hi thinglhang mi dan'a gotchep ihinau aum'e. Hiche
ho hitheina dia hi bolthei umíam ti vet angaiye.
(1) District le state delna ding hin chenkhombe angaiyin ahi
(2) Ichan dia lom dang kichang louho a hi thuso a soding ham, kholhang sapía del ding ham khat hinte.
Seina thei theiya hasei ngai ding ahi. Hitobang thil loikhat hi thipbeh a iumjeh a eikipelou jong aum nomjie.
Hijeh a chu lamchom chomía seina thei theiya sei ngaiya ahi.
a. Sumkolveina Habol ding : Tulaikhang hin sumkolvei boltheilou nam hi nam noinung le dalhah a
umcheh cheh nam ahinomíuve. Sumkolvei kiti hi dukan bol, le sum holna jouse seina ahitheiye. Van-
noiya chen theina ding a namdang phah pehna dingin sumkolvei bol tei angaiye. Mijousen sorkar natoh
amuthei poi. Hijeh chun sorkar natoh khelía sum muna phapen chu sumkolvei hi ahi. Sumkolvei hi insung
khatía akehkhat hilthem sohkeiya habolía bol ngaiya ahi. banjom nalaiding...
