experimental devices neo cha cha apangin ahi. Satellite 5 ho chu aum na ding dol polar orbits a akikoi uve tin Indian Space Research Organisation (ISRO) director S. Satish in thuso kiho koma aseiyin ahi. Satellite ho kikapdoh na mun chu Chennai akon 80 kms a gamla Sriharikota munahi. India hin ahung lhung ding 2016 teng leh vantham jolía mihem asol doh kigot ahi chuban leh multi-billion-dollar commercial satellite kapdohna a pan lah tei agot ahi. Ningkum Lhajing lha chun moon mission anasol in hinla phat chomkhat jou in amang tai. Ahin hiche mission akon data kimu dung juiyin lha thah sunga twi aum e akiti in ahi. India in achama space programme hi 1963 kuma achepi pat ahin chuche apat chun acham in satellite asemdoh in chuleh kap jong akapdoh thei tai. Hiche jeh chun sum tampi lut louvin thil akibol thei tai.
Kashmir a all-party kikhopna um ding, PDP pang lou ding
Srinagar, Lhamul 12 : Tuni teng leh Jammu and Kashmir chief minister Omar Abdullah in party jouse kikhopna akou ding ahi. Hiche kikhopna ahi gam sunga law and order thu seikhomna anei diu ahi. Hinla
main opposition party Peopleís Democratic Party (PDP) in kapan lou ding ahi ati. Alangkhatna prime
minister Manmohan Singh in temna anei vangin anom pouve. Bharatiya Janata Party in vang kapan diu ahi
atiuve. BJP hin state legislative assembly member 87 la a hi member 11 anei ahi, abon ahi Jammu gamkai akon ahiuve. National Conference leh Congress banna Communist Party of India-Marxist (CPM) leh Democratic Nationla Party ho jong pang diu ahi. Hiche kikhopna ahi masanga chief minister anahi Farooq
Abdullah jong pang dingin akiseiye. Hinla PDP leh Panthers party vang pang lhon lou din akisei lhon e. Milham 2 kitha jeh a Jammu and Kashmir ahi kiphinna sang tah ana umdoh ahi. Boina asan cheh cheh jehin curfew ana um in chuleh army hon flag march abol un ahi. Thu aphat dom phat in curfew jong akilahdoh tai.
Maoist hon Congress lamkai 1 abulu uva lunggelpodoh pa leh top activist ho akikhut jop e : Police
Raipur, Lhamul 12 : Achesa Lhamul nisim 8 nia Chhattisgarh Congress lamkai in Maoist hon abulu uva
mi 2 atha nauva pang dinga ginmo mi 6 hochu police hon aman un ahi. Hiche buluna a lunggel podoh a pang pa toh top activist Nandini Sundar, Arundhati Roy, Medha Patkar chuleh Himanshu Kumar ho akikhut jop uve tin police in aseiye. Maoist ho buluna a lunggel-ngaito podoh pa chu amin Lingaram Koropi ahi tin
police in aseiye. Hiche thu hi dih mong hinma tia inspector general of police, T J Longkumar adoh nauva aman
Dantewada senior superintendent of police SRP Kalluri thusei chu adih mong ahi ati.
Congress lamkai Avdhesh Singh Gautam in Raipur akon 450 kms a gamla Nakulnar kho a um chu Maoist mi 150 leh akithopi mi 150 vel in abulu u ahi. Hiche buluna achun Gautam insung mi 1 leh anatong 1 athat un, Gautam chapa panna in mi tamtah akitongkha in ahi. Police in aseina a Koropi hin New Delhi muna media course anabol in chuleh Gujarat leh Delhi muna galguh bol a kichuh na ananei in chuleh Dantewada a NGO
abol in hijeh a chu Patkar, Sundar, Roy leh Kumar hotoh kihe kha ahi ati. Hitobang thu hi kholchilna aum nadin state police headquarter muna lekha akithot tai tin Bastar police in aseiye.
Maoist hon Bihar a mi 11 puimang
Bhabua, Lhamul 12 : Manchah choi Maoist galguh bol hon Kaimur district a Loda kho a mi 11 apuimang unchuleh licensed meithal jong alah peh un ahi. Director General of Police Neelmani in aseina a Maoist mi 60 hon kho mi ho chu janhi jan achu apuimang u ahi ati. Tu hin Special Task Force leh CRPF hon combing operation abol un chuleh senior police officials ho jong amun a aum uve ati.
Patna muna go aha juh jeh a angaiya hinkho man tongkha
Patna, Lhamul 12 : Patna khopi a janhi apat go ajuh jeh in mun tampia twi avei in angaiya hinkho man atongkha lheh jengin ahi. Met department in aseina a go jih chu 82.8 mm alhingin chuleh ahung lhung ding pungkal 48 sunga jong go ju jing nalai din akiseiyin ahi. Chenna mun hoa twi khup chan in avei in hijeh chun hahsatna tampi aum in ahi. Patna khopi tilouvin jong state sunga mun dang danga ajong go aha juh in hijeh
chun loubol ho din alangkhatna kipa umtah ahi akiti e.
