Real official website in pathen nia thulhut aneina a aphondohna achun, kum 33 a upa Raul hi Bernabeu muna farewell kibol pih ding ahi ati. 'Farewell party hi nilhah lam nidan 1pm a akipan in ahi. Club president Florentino Perez jong ahung lha in chuleh hiche a chun Raul leh general director Jorge Valdano in press conference jong anei lhon in ahi,' tin club thulhut chun aseiye.
'Nanghon nagel khoh ding uva katahsan khat chu stage khat kichai ding ahitan chuleh hiche toh kitoh a kei geldan in Real Madrid minthanna stage chu kichai ding ahitai,' tin 33 a upa Raul in news conference achun aseiyin ahi.
Kansas City Wizards in Manchester United 2-1 jou
Kansas City, Lhamul 25: Davy Arnaud leh Kei Kamara in first-half a goal khat cheh akhum lhon in, Kansas City muna kichepna ve mipi tampi masang achun Kansas City Wizards in Manchester United chu pathen nia exhibition match achun 2-1 in ajou in ahi. Mipi 52,342, Manchester United ten North American tour abolnao sunga a fans atam neinapen u chu ahin, hiche hin 2001 World Cup qualifying a ave a pang mipi 37,319 chu akhal in ahi. Backup goalkeeper Eric Kronberg in Jimmy Nielsen chu half jou in akhel in chuleh kum 2000 apat MLS title lajou loute Wizards adingin goal nga a save doh in ahi. Dimitar Berbatov in 41st minutes a, defender Jimmy Conrad in gimneitah a asuhkhah jou in penalty khat amu in, Manchester United te goal khat bou chu akhum in ahi. Arnaud in 11th minutes a goal khat akhum in chuleh Kamara in 42nd minutes-a alu a atalut gaol chu Wizards te adinga jona goal chu ahi.
Man United squad a star players panglou ho chu ahile,Wayne Rooney, Rio Ferdinand, Michael Carrick chuleh Park Ji-sung ahiuve. Manchester United in aban a MLS all-stars tehi vahchan ni tengle Houston muna akichep pi dingu ahitai.
IPL teams’ finances hi atheng poi?
'IPL teams accounts statement chunga hi akibah louna um Meithei ahi,' tin ICAI president Amarjit Chopra in Hindustan Times achun aseiyin ahi. ICAIís in amudoh chu, corporate affairs ministry a pehlutna kinei ding ahin, hiche hi financial lam a nehguh leh popular league deals hit ahung umdoh jou lhatun a multi-agency probe hondohna ana kinei chu ahi. Alangkhat a income tax department in league a chanvou nei a pang hochunga tax evasion adingin khol chilna anei uvin, Enforcement Directorate (ED) officials hon foreign exchange transactions linking tax law sukeh ho chuleh teams stakeholders ho chunga kholchilna anei kit uvin ahi. ICAI hin team owners hon financial statements ahin pehlut uva chu auditing dan hi phatah a ajui u hinam tihi vetchilna kinei ahi. Chopra in aseina achun, teams chartered accountants chunga lekha thuboi kisutlutna akimudoh a ahileh ICAI hin action kila tei ding ahi. 'Chartered accountants chunga kibah louna ahiloule thuboi kisut lutna lekhabu akimudoh a ahileh ka member hon hiche kalna a chu kholchilna achejom pih dingu ahi,' tin aseiye.
Financial Reporting Review Board, lamkai hon vetchilna neidinga alhengdoh committee hohin, report chu vetchilna anei dingu ahi. Ahinla, epi hita jongle Chopra in vang etobang action kila ding ham tivang aseidoh poi.
Corporate affairs ministry hon balance sheet chuleh IPL franchises themkhat in Registrar of Companies hotoh kitho a record filed ahin bolnao chunga thulhut na ho chu phatah in phondohna ahin nei uvin ahi.
Rebello hi Indian numei referee lah a senior soccer a referee masapen hita
Kolkata, Lhamul 25: Former Indian women's football team captain Maria Rebello chu pathen ni in ana umkhalou Indian adinga amasapen'a senior level a refereeís muthei dingin in lhendoh ana hitai. Rebello hin Santosh Trophy cluster V match a Delhi leh Madhya Pradesh, Howrah Stadium muna akichepna lhon chu judge ana poh pih in ahi.
Kichepna kichai phat chomkhat jou in, AFC's Elite Panel of referee a apan nathei dingin Asian Football Confederation thalhenga Singapore akon hung hon themvetna agonao achun Rebello apang in ahi. Test a lolhinna anei hi, Rebello ama adinga jong alolhinna masapen chu ahikit in chuleh Indian women referee lah a elite panel a pang masapen chu hiding ahitai.
Fish in ATP Atlanta Championships lata
Atlanta, Lhamul 25: Mardy Fish in pathen ni in agam chankhompi American John Isner chu 4-6, 6-4, 7-6 (7/4) in ajou in, kum sunga ama adinga title ani channa ATP Atlanta Championships chu alatai.
49th-ranked Fish hin grass tournament Wimbledon kichai jou kal tulha sunga Newport muna title alah jou-a aban a alahna chu ahikit. Hiche jona anei hi vetnom umtah American pa adinga kovei kijom a jona aneina chu ahi. 'Kakipah lheh in chuleh kanatohna a lolhinna kanei chu ahi. Ka carer sunga hitobang kipana hi kahin nei kha poi.' tin Fish in aseiye. Amahin last 10 matches chu jona anei
chuleh a career sunga dingin apatna in kumkhat sunga tournament ni kijom in jona anei in ahi.
'Nisa noi a kichepna ahi, hah salheh jongle chun naki chep pi pa sanga nangma le nangma naki thunun angaiyin ahi. Kichep kichai kon in lhahsamna kanei in chuleh jan a kichepna ahijeh chun weather chu kaki topi poi. Third set sung nidan nga alhin kah in nom kasa in, ahivang in hiche achun ema kada lhah nompoi. Hiche chu asat jeh in thahatna ngaicha kichepna khat chu ahikit-e. Kichepna dingin ahah lheh in chuleh mipi jong agenthei sah in ahi. Tuhin kaki tahsanna asang lheh in ahi,' tin Fish in aseiye.
Iraqi soccer federation in president thah ding lheng doh joulou
Iraq soccer federation in anivei channa in nini sung lut in pathen ni in president thah ding chu lhendoh jouna aneikit tahih uvin, hiche hi world soccer body FIFA in khunung changei a ajui ding uva dan ahinsempih u ahung sodoh jeh ahi. Political lam a boina anei uhin federation hi alhahsam sah ahin, ahung kikhen nao hi US in ana nokhum jou kum sagi jou a kikhen thangna ana nei u chuleh multi- thnic Iraqi squad hon Asia Cup lahna ana nei u kum thum joua kipan chu ahi.
FIFA in angai chat chu government in national soccer federations lam a kikumna anei louding tihi ahin,chuleh Iraq hi nivei suspend ana bol kit ahitan, federation in kilhenna athahbeh a neiding tia anopnao ahin phondoh jou in tunaicha a lhakao a ban ana bolnao chu asuh hai pih uvin ahi. Shi'ite Prime Minister Nuri al-Maliki government hin sport bodies top officials ho atohmun uva kon in haisa
ding ana go in, hiche chu Sunni-led Saddam Hussein government lui hitoh kikhut jopna anei dingu ham ti ginmona ana nei jeh ahi.
Hussain Saeed, president Iraqi Football Association hi Olympic Committee Saddam chapa Uday in control anabol a senior official khat chu ana hi in, Shiíite-led government in atosot Falah Hassan hin atet ahi. Amani hi Iraqi national team players lui ahilhon e.
Federation hin pathen nia chu president thah lhenna anei ding chu ahin, ahivang in Arbil, Iraqi Kurdistan muna thalheng mi 25 bou ahung lhah jeh in anivei channa in vote ana la tahih uvin, hiche achun FIFA in security reason a vote lahna hi kinei ding ahitai tin gellhahna anei in ahi. Misemnia vote lahna dinga kigong chu thalhenga hung mi alhom jeh in ana suhai tauvin ahi.
