London,Lhamul 26: Oscar-wining actress Kate Winslet chu director Sam Mendes toh akikhen jouva pat in tulai hin asanga hatah-a dong pasal khangdong model khat toh niseh in aki mukhom lhon jing in chuleh amani hi khat le khat akilungse to lheh lhon in ahi.

'Titanic' kiti film a star nuhin Louis Dowler kiti model pa hi 'American Beauty' director patoh tukum bul langa akikhen lhon jouva pat golnop munkhatía aloiho jalía ahin kihet doh pi ahin chuleh hiche apat hin amani hi suhkhen theiyin aum lhon topon chujongleh aki ngailut nalhon jong hi asang cheh cheh in ahi tin imbd.com thulhut chun aseiyin ahi. ìLouis in tulai hin aphat tam johi Kate toh amang khom in chuleh New York mun'a jong advertise shooting abol namun dung hoa dalha louvin akipui jing in ahi.Amani hin dates jong vei tamtah aneilhon tan chukitleh amani hi akipantil hinalai lhon jong leh akilungse toh lheh lhon in ahi' tin thulhut khat chun aseiyin ahi.

'Amani hin akilungset nalhon hi guh thim'a akoinom jehlhon in cheng thei tah in hinkho amang lhon in ahi.Louis hi mikitah le mipha ahikeo hilouvin thil he themtah le miching tah khat jong ahin ahi.Amani hin ahithei chan'a phat ong neinading ngaito a kivop jing ding adei lhon in ahi.Chujongleh tu nipi sunga hi Cornwall vil ding jong lunggel anei lhon'e' tin thulhut chun aseibe in ahi.

Madonna in Malawi dinga fund raise bolding toh-gon nei
London,Lhamul 26: Pop diva Madonna hin Malawi ten aphatchom pi nadinga gobal fundraiser khat bolding tohgon aneiye tin aki seiyin ahi. 'Ray of Light' hitmaker nu Madonna, hiche gam'a pat a chapang 2 kivah nuhin aman aphudoh Raising Malawi Foundation kiti mangcha in hiche gam'a hin sum tamtah anasung in ahi.Chuleh tujong hin singer nu hin fund holna ding in charity concert thah khat agong kit'e tin Mirror online thulhut chun aseiyin ahi.

Kum 51 a upu singer nuhin hiche charity concert, Walk Out of Poverty tia kiminvo tukum Lhalam(Sep)a umdinga hin U2 frontman Bono jong lasa ding in akouve tin aki seiyin ahi. 'Tohgon lenpen le athupi chu ahileh hiche fundraiser hi leiset chunga alenpen khat hisah ding tihi ahi.Hichejeh chun Madonna in hiche charity concert hi lolhing tah le alenpen khat ahithei nading in anei jouse apodoh in ahi.Chuleh Madonna in hiche nikho hi athupi le alet chan'a sum hunglut hi tamding ahi tihi ahe-e tin thulhut khat chun aseiyin ahi.

Chuleh thulhut chun aseibe na-ah, fans 60,000 tobang hi Blantyre,Malawi stadium mun'a charity concert a hi free ticket kipe ding ahi tin aseiyin ahi.

Ronan keating ajinu toh kihou chamkit ta
London,Lhamul 26 (ANI): Akimu danleh athu umdan in Boyzone star Ronan Keating jinu Yvonne in ajipa hi akichen na lhon hinkho sempha kitle sutoh dinga phat apeh kit hileh akilom in ahi tin thulhut khat chun aseiyin ahi. Tulai hin Yvonne hi Australia gam'ah ajipa Keating le achate 3 toh aum in ahi.Keating hin tulai tah in 'Down Under' kiti 'The X Factor' tobanga hin judge in apang in ahi.Chuleh Yvonne le Ronan hi lhakhat lhing dehchat tobang ana kikhen lhon in ahi tin News of the World thulhut chun hiche In sung mite toh kinai tah-a um mikhat chun aseiye tin hetsah na aneiyin ahi.

'Amaho inkohin Australia mun ah nomtah in insung khat in abolding dol thilho bol'in hinkho amang uvin ahi.Chuleh amani keo hilouvin achate lhon injong hatah in nom asathei lheh uvin ahi. Lhaphul lha a akikhen lhon jouva pat nomtah le kipah tah-a hinkho aman lhon amasapen jong ahin chuleh ahoile a phalang amano ding in jong hatah in ginchat le kinep aum lheh in ahi' tin thulhut chun aseiyin ahi.

Leona Lewis in tour cancel bol 
London,Lhamul 26:Singer Leona Lewis in Australia,Asia chuleh Europe gam tour boldinga tohgon anei chu sot tah anaki lungset pi adongma pa Lou Al-Chamaa toh akikhen nalhon chu apoh natval jeh in aboníin avo haitai tin aki seiyin ahi.

'Bleeding Love' hitmaker nuhin adongma patoh akikhen hi hatah in apona lheh in ahi.Hijeh chun amahin hitia alainat naleh apoh natna hohi adamleh ahaimil'a gellou theiya aum nading in hiche tour hi bollou ding tia agel ahi tin mirror.co.uk thulhut chun aseiyin ahi.

Thulhut khat chun, 'Leona hin UK leg tour jouleh Autralia,Asia leh Europe tour bolding hi lunglut na aneipon ahi.Amahi tun alung thim anompon aphat tamjohi kana in hinkho amang in ahi chuleh Lou toh akikhen hin alung thim hatah in asukha lheh in ahi' tin aseiyin ahi.

'Singer nu hi Lou toh Kum 10 vallang anaki ngai lhon ahi.Chuleh Lewis in mahi ahinkho adinga ana lungset pen mikhat jong ahin ahi.Singer nu hin alungnat najouse hi dalha in tulai hin athah beh in studio alut in la recording abol'e'tin thulhut chun aseiyin ahi.

Germany’s “Love Parate” kiti chunga Fact 5 ho
Reuters: Anoiya thulhon kisun hohi Germany's 'Love Parade' festival,mihem 19 Misem ni a ajeh kihelou kichat'a lhei jeh-a anathi namun chung thu-a fact 5 hochu ahin ahi.
* Love Parade kiti hi leiset chunga techno dance party lenpen ahin,hiche hi West Berlin mun'a 1989 kum'a Berlin bang akisuh set masang lha 4 masanga chu peace,tolerance,kilungset naleh music ngailut naho vetsah na-a ana umpan ahin ahi.
*Tun hiche nikho hi atamjon electronic dance music Trance and Techno, House, flamboyant outfit le energetic dance moves ho bol'in akimang tan ahi.
*Berlin gam'ah 1989 apat 2006 kum chanchun kumseh leh hiche Love Parade kiti festival hi anamang jing uvin million lang val mihem in panlah na ananei jiuvin ahi.Chuleh hiche festival hi lhumlam Germany Ruhr region langa chun 2007 kum chun anaki tol pheiyin ahi.
*1990s lai chun hiche Love Parade festival hi Berlin bang alhuh jouva pat Berlin gam'a ding in Biggest attraction event tin akimin vo in ahi.
*Leiset chung munchom chom gamía kon mihem million khat langval music ngailu hon hiche nikho lehin Berlin mun ah km 6(4 mile) lang alodim uvin jule sa chuleh drugs kitiho ne uvin nomsa tah in alam ji uvin hinkho nomtah in amang ji uvin ahi.

Chuleh gam dangdang ajong Love Parade toh kibang festival hi Zurich, San Francisco, Mexico City, Acapulco,Vienna,Cape Town,Tel Aviv,Syney, Santiago, Rio de Janeiro, Oslo le Budapest mun ho-a jong akimang in ahi.