Tunin kuki society in an gaichat khohpen chu lamkai pha lamkai kitup ahitichu kinielna beija mijouse het ahi. Tunia iboinahou, ikhantou theilou nahou, ikithutoh theilou nahou,
ikimithip nahou aboncha thildangjeh ahipon lamkai kitup umloujeh a hiti ihitauve. Tunin eimiten gal khatcha isat joupouve. Eihon tahsatah a gal douding ineipouve, eiho sat ding gal tah beh jong umtaponte hijongleh gal tampi ineijuve hicheho chu vaichat gal, khantou louna gal chule kitolouna gal hohi ahi tunichana isatjou lou u chu. Vaichat gal kal a khoh jo ding gal dang aumpoi, hijeh achu lainkaipha lamkai kitup aumlouleh vaichat gal ijolou diu ahi. Tunichanna vaichat gallin eijo jing jengu ahin, eihon lungdon manin avaicha ding monga Pathenin eihin sem danuvin iseidoh tauvin, lungdon manin van gam a khut na sahlou inn hoitah tah nomtah tah ho galdot a Ieisetna lunglut talou dingin ikihil hil jeng tauve. Vaichat gal sat jouloute dingin van gam a inn hoi ijat umjongleh kilhung joudeh lou maithei ahi. Ajehchu mivaicha milhasam hon kitahna thudihna hinkho aneidoh joujipon pathen lah theidol tah hinkho aneijoujipoi.
Tunia eimite ngaichat khoh penchu lamkai pha lamkai kitup hi ahin, lamkai pha lamkaidih tah ineidoh tenguleh thil jouse hi het manlouva jan mang tabanga aphalam a hung kikhel jeng ding ahi. Hichehi tahsan lei ding ahipoi, kimoh sei sei ahipon mundang gamdanga sohsa thil ahijeh a lung ngamtah a kiseithei ahibouve. Lamkai pha chun doithu (mitphel doi) achoija thiljouse mitphet kah louva akhel sohhel ding ti ahidehpoi ahivanga phat sotpi lut lo va kikhelna khat hung lhung ding ahi tithu ahi.
Lamkaipha umna leh umlouna society chu nasatah a kibanglou ahi. Lamkai quality tamtah iseihouchu abonchan kinei joutah hih jongleh akhoh dehset ho beh neitei ngai ahi. Hiche jeng jong eiho society sunga umlou ahi. Hichehohi paisa a chohthu thei ahipoi, mikoma gapalah theijong ahipoi, chihna thepna sangtah neijakon jong ahipoi, sumle pai neijeh a jong hithei ahipoi, phungsunga mitamte khat hikhah jeh a jong hithei ahipoi, ML A khat hidohjeh a jong hithei ahipoi, ahin koitabang kingai tomna sangtah neija nampi phatchomna ding bou va natong thilbol dinga nung chon louhel dinga kigel lhahna le kipehdohna aneithei le bou lamkai dih amkai pha chu hung hi- dohthei ahi. Langkhat a chu thil hahsatah chu ahipoi, mipou pou khat jong lamkaipha lamkaidih hidoh thei ahithouve, ahin lungsunga pienthahna dih- tah nei masah chu ahi akhohpen chu.
