Naga Student lamkai hochun Prime Minister pu aga kimu piu ahi. Thulhut kimu dungjuiya chu Leisemni nidan 6:00am a patsa kilha kanga hi danjong akiseiye. Gah hetding khatchu NSF lamkai hohi Lhaphul nisim 3 nikhoa Oinam khoa kihoukhom nading mun agajot laiuva Mao-Gate muna IRBholeh Manipur police hon alutdiu anajah dau anahi. Ahinla alangkhat na All Naga Students Association, Manipur (ANSAM) kiloi khomhon Lhatun nisim 12 a patsa district council election umding deilou jeh’a bandh abol uchu achelha jing nalaiyin ahi.
Mizoram’n 7th World Blood Donors’ day amang e
Aizawl, Lhadou 14 (NNN): Janhi chun go ajutlheh vangin simlaiho leh athanom midanghon Aizawl khopi a um Chanmari Young Mizo Association (YMA) Hall achun World Blood Donors’ Day toh kisaijin thisan pedingin mi achahkheh jenge. Nilhum keija thisan lahna kinhi Mizoram AIDS ControlSociety (MSACS) leh Association for Voluntary Blood Donation, Aizawl (AVBD) ho makaina noija7th World blood donor’s day toh kisaija kibol ahi. Hichi kina Chief Guest a pang Mizoram’s ChiefSecretary, Vanhela Pachuau ahoulimnaíh Ma-hatma Gandhi leh Mother Teresa aminche nahonchu midang lungsetna aneijeh hon ahi, tin aseije. Midang angaichaho pehdinga kiphaltheng tah a thisan peho chungah alung lhaina aphonge.
MSACS Project Director, Dr. Eric Zomawia chun World blood Donors’ Day hi WHO leh atohkhompi adanghon Dr. Karl Lanstainer, blood donation podoh paleh blood groups jatchom chom mudohpa pen nikho geldohna dinga ahinmanpan ahi. Angai chaho manchah dingin Mizoram ahin blood bank som akikoije. Tu ahin AVBD leh MSACS hin min kiphaltah a thisan apehna dingin natoh jatchom chom Mizoramíh anei hone.
