bol e. Chuleh Indian simlai ho chu inmun akon pot doh louvin ka um tauve ati. Amrit Das in aseina a ka inban tah u chu meiyin aka in hinla keiho kapot thei pouve ati. Lampi a kinahna aum jeh in akipoh thei pon chuleh airport a huikong hung tou ding jong ahithei poi.
Chuleh Jalalabad khopi a um Sumita in simlai kahi jeh in sum kanei tapon alangkhatna Kolphe meivah, twi leh gas ho akimu jou tapoi ati. South Kyrgyzstan muna nam le nam kikah a kitha kimatna jeh in mi 113 athi in chuleh adang mi 1000 val akitongkha e ati. Kyrgyz ho leh Uzbek ho hi in lampi a car ho meiyin ahal un, dukan achom un chuleh kailhang munpi ho akikhah in ahi.
Kyrgyz interim sorkar in Jalalabad muna curfew akoi in chuleh police le sepai ho chu thal kap nading
thupeh anei un ahi. Southern Kyrgyzstan muna sumkolveina mun ho akikhah in chuleh neh le chah
chuleh lou le ai akimu jou tapoi. Boina suhthip nading in collective security Treaty Organisation (CSTO) in peace keeping contingent umsah ding jong angaito un ahi. CSTO ahi Kyrgyzstan, Russia, Armenia, Belarus, Kazakhstan, Uzbekistan leh Tajikistan ho apangun ahi. Amaho hi masanga Soviet Union um jouva kisem doh kiloi khomna khat ahi.
Manipur blockade hongdoh dia centre in sepai hin sol ding
New Delhi, Lhadou 14 : Naga kiloikhom na phabep in Manipur a national highways teni a blockade abol ni 65 ache nungin centre in lampi hongdoh dinga security forces ho ahin sol ding ahitai. Blockade aum jeh in Manipur a thil tampi ngaichat ho akimu jou tapoi. Home Secretary GK Pillai in thuso miho koma blockade hondoh dinga central forces kisol ding ahi ati.
Het ding khat chu Lhatun 11 nia pat Autonomous District Coucil election bol ding deilou jeh a Naga kiloikhom naho hin NH-30 (Imphal-Dimapur) leh NH-53 (Imphal-Silchar) lampi atin u ahi. Pillai in aseibe
na a hiche chung chang thua Nagaland leh Manipur Chief Secretary teni vahchanni leh kimuto lhon ding ahi ati. Blockade um jeh in chapang neh ding an, lou-le-ai, chuleh niseh a ngaichat thil ho kimu lou ahitai.
