anahikhasa D.P. Panmei hin economic blockade hin Manipur state economy hi akhup athallin aleh jengin, thinglhang mitehin achesa kum somthum kum somli sunga tribal ten kachanding dollu “rights” eipeuvin tia angehvang uva tuni changeijinakisel mangpeh e atin ahi. Amahin crore tamtah tribal te khantouna dinga kikoihi kipedoh louvin phaicham miho dinginjoh akihei mangin, Manipur sorkar hin thinglhanga tribal ho khantouna ding agelkhohpoi tin aseije.
Panmei hin ‘Autonomous District Councils (ADC) kiti India Sixth Schedule noija umkhu donlou hellin akikoijin alangkhatnah Manipur (Hill Areas) District Council (3rd Amendment) Act, 2008 noija ADC election tribal miten adeilou sa saova kibolhin tribal mite rights atongkhai’ tin aseije. Nam tamte meilhei hon namphu a ADC election, 2010 tribal hon adeilou vang uva aumsah uhin khonungleh thilpha ima hinpolut ponte. Ajehchu, hichi a konna thilphalou hung umdoh dinghi hin kikham joulouding ahi, ati e. Panmei jonghin tua Manipur sorkar’n tribal ho natoh pehna dinga 100 point roster system kibolkhu lekha a bou umma ahin atah invang ima aumpoi. Tribal mitehi nam tamjohon dihloutah a akhutnoi uva eikoi naovahin kiumsot theiponte. Ageisang masanga thildihlou hohi suhdih dingin phante, tin aseije.
D.P. Panmei hin thinglhang miteh Manipur gam hopsomlah a hopko tichu 22,327 sq. km toupha hohi kum sottah amaho akivaipoh theina dinguva chamlhatna akipeh louleh akhangtousa midangtoh kitetthei pouvinte, tin aseiben ahi.
Thingnoimi 5 kipedoh kit
Imphal, Lhadou 14: IGAR (South) Mantripukhri kingon nanoiyin Lhadou nisim 14, 2010 nikhon Party chom chom a pat thingnoimi 5 hon manchah pum in kipehdohna kin anei piuvin ahi. Hiche kin ahin
Pu. Y Joy Kumar, DGP- Manipur Police le Major General CA Krishnan, IGAR(South) jong ahung lhahonin ahi. Ahung kipedoh thingnoimi hochu ahile KCP (MC) a konna mi 3, amaho chu SS Lt. Kiran, SS Sgt. Angom Ibouchauba chule SS Cpl. Thomba ahiuvin chukitle PULF (Umar Farooq) hoa konna mi 2 amin
uchu ahile Md Samir alias Inao le Md Allauddin alias Romeo ahiuve. Ahung kipedoh hoa konna manchah kimu chu ahile AK 47 Rifle 1 le 9 mm Pistol 4 ahi.
Hiche thua panla hi HQ IGAR(South) noiya 9 Sector Assam Rifles ho ahiuve. Amahohin thingnoimi ainkote toh kihou toh uva milah a lhatsah nading adeisah danho asei nauva konna hichan hunglhung ahi tin thulhut chun aseiye. Hitobang lunggel lhah hoil- ou jalla lamvaiho ahung kipehdoh nadiuva lampi ahinsem pan u ahi tin Major General C A Krishnan chun aseiyin ahi. Chuleh hiche pasal khangthah hohi japi lah’a ahung kipeh lut jal uvin alemna thu Y Joy Kumar chun aphong doh in ahi.
Medical Directorate in hetsahna nei
Imphal, Lhadou 14: Ahung lhungding Lhadou nisim 20 nikhoa Manipur MBBS/BDS entrance examination 2010 gon ahitoh kilhonna koi kiloi khomna hijongle hiche nikho niteng Bandh/General Strike le adang kiphinna aumsah louhel diuvin Y. Yaima Singh Director of Health Services Manipur in hetsah letemna ahin neiyin ahi. Chukitleh hiche nikho nileh mopohna nei officer ho, thalheng ho, invigilator holeh candidates hon mobile phones le electronic manchah ho exam hall le R & DWing complex Lamphel vel dunga apohlut lou diuva jong temna ahin neiyin ahi. Nisim 19, 20 le 21 Lhadou nikhoa pat hiche thupeh hi juidingin jong hetsahna ahin neiyin ahi.
