L. Seikholen
10. Thaset jeh a Vaichatna.
Kukite hi anam hina in natong lou behseh ahipouve.
Ahinla mi gunchu mong mong le mi pontho ihiule ihilouvu vetna dang vet angaiye.
(1) Kukite hi mithasete ihiuve ti muna thei chu khopi a cheng a a-inko ko a mikhat sumsan a kivah ho hin toh
ding akihol pouve. Aneh thei thei nah jeh un moh houlim, moh um, moh chele moh vale bol'a atam lheh-uve.

Hiche ho hi mi gunchu akiti thei poi. Mi gunchu ahilou ule, mi thase hijenglou diu ham?
(2)Mithase ahidaníu vetna dang khat chu ahile natong loi khat jong chu tohding aumlou teng akipah thei uve.
Toh ding aumlou teng kipah thei ho chu mi thase ahiuve.
(3)Lou natong ho jong hi aphat neiya natong bou ahiuve. Aphat valía natoh ding umjongle a nidan kitep
vekeu a bangin bou na atong jiuve. Hiche jong hi thase natoh ahi. Kol le vai ho lah a kisei khat ahile miho chun
phat aum chanía na atoh jeh in gol to kivop phat, lenkhom phat, nungah hel phat jong aum thei poi tin amahon aseiyuve. Hiche a kona chu ivetle eimite hi mithase ihiu akihe theiye. Hijeh chun ivaichatíu hi ichan ham
geiya hi ithaset jeh u hinte tidin aume.

11.Natoh je Theplou jeh le Toh ding Lhenkhen khel jeh:
Vaicha tamtah chu natohje theplou jeh le kivahna ding phajo kilhen khel jeh a vaichauva ahitheiye. Loi khat
chun natoh aga um behseh lou moh cholna akilhen khah jeh uva vaicha den ahithei uve. Kukite vaichat hi hi-
tobang thim chu ahitoh e.

12. Kichon le le Thinglhang loubol jeh a Vaichat denna.
Eimite hi akhang khanga changlei bolna a kichon le le thinglhang lou bol ihijeh uva vaicha den ihiu hinte. Ajeh chu thinglhang loubolía kingam nam ahaodoh mong a jong aumkha poi. Thinglhang loubol a kum khat kumni hung hao tobanga kilang ho jong koima ahaosot jipoi. Thinglhang loubolía kivah jing ding hitale mi atamval'a thinglhang gam aumlou teng vaicha kit thou thou diu tina ahi. Chule thinglhang loubol atamjo hin kum khat sunga lha 9 tobang na atohjiu ahi. Ahinla atamjo hin kum khat nehkham chang akimu ngai pouve. Tolbol lha a kipat na atong choldeh jiuvin, loi khatin lha 4, lha 5, lha 7, lha 9 nehkham bep bou aki at doh jiuve. Hitia chu kum khat nehkham kimu jing louva lha them khat nehkham bou akimu ji jeh uva vaicha den ahiuve. Atoh la tong kumlhung, kum khat nehkham la kimu jou jilou ahijing jeh uva vaicha den den jeng ahiuve.

13. Kivahna pha Hetlou jeh a Vaichat denna.
Eimite hi kivahna phajo le sum muna thei ho a kivahje ihetlou jeh uva vaicha den ihiuve. Ajeh chu igamíuva
kivahna pha tamtah aumíin kol le vai ho ipe doh gam tauve. Ichennau khopi dom jouse ivetle kol ho ngeníin
dukan, hotel le sum muna dang jouse abolíun isum jouseu amaho achang gamji un amaho state langa athot
thot jengun ahi.

14.Igam neisun Phachom tah a manje Hetlou jeh a Vaichatna.
Kukite lah a hin gam nei haosa ho jong amoh hao doh pouve. Hiche hi igam nei hou ga sohtah a manchah
je ihetlou jeh uva ivaichat deníu ahina khat ahi. Na gambeh nei sunga chun thingphung 100000 tobang anaphut le chun tulamía hi nahao thei ding ahitai. 1970 vel chun anakiching vah hen lang thinglen, vongthing, dolthing, leihao (manou), adang dang tamtah anakiphut le tulanga hi haodohna a manthei ahitai. 15.Insunga Natong louva An ne a Atam jeh a Vaichatna.

Mun tamtah a cheng eimite hi inko khat sunga hin natong louva anne ne jeng a thinghin gohin a hing atam
jin ahi. Tekah in khopi sunga cheng hohi inko khat lah a hin khat touvin sorkar na atoh jeh a um aum jiuve.
Hitia chu mikhat natoh jeh a ainko ten aneh hu dan'un aume. Amau sum ahijeh chun ahitheiye. Ahin adihlou
khat aume ti het angaiye. Tong louva ne atamjeh a vaichat umden denía ahi.

16. Sum Suhmang Be bena thei Thilchoh jeh a Vaichatna.
Eimite lah a hin sum suhmang be be nathei thil choh jeh a vaicha den jong kium theiyinte. Tekah khat in
maruti car ho, gari kang ni ho, mobile phone ho, CD le DVD khawlbu ho, le adang dang choh jeh a sum
suhmang be be jeng kitaminte.

banjom nalaiding........