Algeria hotoh group khat in aum khom uvin, hiche group lah ahi asangpen na ahung pan dingu ginchat aum in ahi.
Achesa quarter-final a Brazil leh Portugal khut a ana lel u chu, England hin tuchunga hi gel phahlou na anei ding u ahi.
Force India ten Renault te jouthei nalai
New Delhi : Force India chairman pa Vijay Mallya hin a team hon Renault te hi constructors championship ah, hin jou naovin te tin kinepna le tah san na lentah anei in ahi. Chujong leh Sunday's Canadian Grand Prix hi India team dinga ajonao ahung kipat na ahithei nading kinep na lentah anei in ahi.
Renault te hi tutun fifth place a aum un, 73 ahi uvin chuleh Force India te sang in 41-point in atamjou ahi. Ahin Mallya in aseina ah, phat agei sang naipon dal phah thei ahi nalai e tin asei in ahi. ‘Tulai hi hoitah a kigon na aki neilai tah ahi. Tuchung a hi ahithei chan a point tamtah score bol e hiche championship a hi fifth position din mun lah thei nading in hatah pan kila ahií tin Mallya chun asei in ahi.
‘Renault te del phah nading agamlha tapon ahi, amaho phah nading phat kilem tam tah aum nalai in ahií tin Mallya chun aseibe in ahi.
World Cup sunga British player dinga sex phal hilou
Washington, Lhadou 9 (ANI) : British soccer team hohin akichep u tu naichat a um FIFA World Cup South African mun a umding hin ahoile aphat nading in tohgoh kivaipoh chomkhat anei uvin ahi. Hiche chu ahileh footballer hohi sex akon a aki dalse dingu hi ahi. English squad a mopoh na nei hochun aseina ah, English squad hohi ajiteu leh adongma hotoh match khat jouseh leh khat vei bou kimu to naphat kipe ding, chuleh iti ham khat a match ho hi jona anei lai chan uva akimuto nau kisu lhom cheh cheh ding ahi tin asei uvin ahi. British player jite leh a dongma teu hi jan geh thei lou dingu chuleh sex hi hatah a kham ahin ahi.
Hiche dan asuhset nalou dinguva hi coach pan a room cheh uva camera kikoi ahi phatea a vettup na
aneiding ahi, tin jong official hochun asei uvin ahi.
Nani World Cup a kichem thei talou ding
Johannesburg : Alengkou veilam anat jeh a Portugal winger Nani hi World Cup a kichem theilou ding ahitai, tin Leisemni in Federation in thulhut anei in ahi.
‘Test akibol jou in amahi World Cup a pangthei louding ahitai ti hetchen na kanei uvin ahi,’ tin thulhut chun asei e. South Africa a kache masang u Gansemnia Lisbon muna kithem chuhna achu Nani hi kisu kha ahi. Flight sunga katou sung uvin amain aphat cha a adamdoh ding chu kinepnaanei in ahi. Nani apan louding hi alang ho ndinga vangset umtah khat chu ahitai. Winger pahin Premier League leh Champions League a Manchester United ading in kichepna nasatah in ana nei in ahi. Amahi Benfica’s Ruben Amorim in akhel ding ahitai, tin Federation chun aseibe kit e.
Adang Portugal squad lah a Boithim a um nalai hi Pepe ahin, amahin Ningkum Ollha achu akhup ana kisuh khah ahin, tuhin ahung damdoh tan ahi. Hiche apat chun ama akichem naipon ahivang in doctor pain kal masa inchun kichem thei ahitai tin ana phondoh in ahi. Portugal hin Lhadou nisim 15 le Group ‘G’ a amasapen a Ivory Coast tetoh kichepn anei dingu ahin, hiche ahin Brazil leh North Korea jong apang in ahi.
Spain in Poland 6-0 a jou
Fernando Torres in goal khat ana khum in Spain te chun nomtah in Poland team te chu last World Cup warm up match leisemni a akichep naova chun 6-0 in anajouvin ahi. Ahin European champion pachu kitong kha lou ahilouleh kitong khalou ham tin lung opkai na ana um in ahi. Ajeh chu amahi half masang chun ajet lang mal akisuh loujeh in anadom doh un ahi.
Minute 14 chun David Silva in goal khat anakhum in ahi. Playmaker Torres chu 39th minute chun amalphe akiloi mat jeh in anapot doh in chuleh amahi Vahchanni leh Barcelona muna Scan anei dingin gin chat aum in ahi.
ëDoctor hon ipi ham ti chu avet dingu ahin, Hinla amahi hi atam jon ima tilouvin ahungpot ji in ahiî tin
coach Vicente del Bosque chun asei in ahi. Xabi Alonso in Spain third goal chu 51st in anakhum in, Pedroin 81st a khat anakhum masang chun Torres in 76th minute chun khat anakhum in ahi.
Azharuddin in BAI chief tohmun atet kigot Badminton association nomlou
New Delhi: IPL a boina ahung umdoh jou toh lhon in, kum 10 val lam cricket Match fixing a hungboi jing pahin tua Indian Badminton lamkai ding ahin gel in ahi. Tua Congress MP, Mohammad Azharuddin in Badminton Association of India a lamkai tuh ding agot hi state 28 sunga 22 tobang badminton association in anop lounao aphondoh uvin ahi.
BAI a Lekha kithot chun aseina a, state sunga association atamjo in Azharuddin in hiche tohmun lona ding agel akon haina anei ding in akisei in ahi ajeh chu math fixing jeh a BCCI in amahi ahinkho lhum kei adinga gotna apeh ahitai tin akisun e.
Moradabad MP pahin kal masa achu BAI chief tohmun loding athanopna chu ana phongdoh in ahi. Amahin nomination hi Lhadou nisim 13 nia sport federation’s annual general meeting a abol ding in akilom in, apoimo a ahileh elections jong anikho achu chelha ding ahi.
