Tukum'a ding in Engineering entrance exam, IIT- JEE, AIEEE le adangdang ho akichai tan, tah chapa le tahchanu ijat ham in jong ina pieh teidiu tahsan ahi. Ahin kumseh leh Kuki chapa/chanu engineering thanom itam vang uvin ipi branch hi keiding in aki thuh dem, ahiloule itobang branch hi aphadem tiho helou tamtah ium uvin, amaho ding gelkhoh najal in branch lhending dan ho le
angaicha dang dang hetding a poimoho kah in tahlang in anoi a bang hin ana veu hite.
Computer Science & Engineering
Computer lampang hi nalunglut em? (Computer game le internet katina ahipoi) Computer mangcha'a thilthah pohdoh ding natha nom em? Computer a kon midang bolkhahlou experiment naboldoh khah em? Mathematics le logic making skills nathep em? Puzzles nalunglut em? Good IQ (Intelligence Quotient) nanei em? Hiche ho nadonbut thei leh computer engineering hi nang a ding mongmong ahi. Hiche branch hin logic making skills, good aptitude, innovation and hard work angaichat ahi. Chule Information Technology toh syllabus content themkhat bou in akikhe in, placement le job opportunity jong akibang cheh in ahi.
Electrical & Electronics
Switchboard khu nahondoh a nasemkhah tah em? Insung a electrical appliances ho ki function dan nahet nom em? Computer CPU bangkhun ipiti naa atohthei ham tiho nahet nom em? Sensors le Transistors lampang toh kisai ho nahetnom em? Robot khu iti kisem ham ti nahetnom em? Hitobang ho'a nathanop/nathep leh hiche branch hi nabolthei ahi. Electrical le Electronics jong hi syllabus neokhat bouvin akikhe in, college tamjo'a separate branch in akikoi in, abangchun branch khat in akoikhom uvin ahi. ëElectronics is subset of Electricals' jong akitin, placement le job opportunity lampang hi college hoi/hoilou in apo in ahi.
Mechanical & Production Engineering
Car le Bike tiho design ding natha nom em? Niseh kimanchah nahoía thil umdan ho nahetnom em? Physics hi nalunglutna subject ham? Mechanics lampang athah semdoh ding natha nom em? Engineering skills ho midang phatchomna ding a na manchah nom em? Thil kisemdoh dan ho le ki function dan ho hetnomna neimi nahim?
Achung a kisei ho nadonbut thei leh nang a ding'a hiche branch khel hi umlou ahi. College atamjo a mechanical
le production hi branch chomchom in umjong le syllabus content hi akibang tobang ahin, college khenkhat a chun combine in akibol in ahi. Tulai hin computer science le electronics bang lomlom in job opportunity tamhih jong leh mechanical hi evergreen branch ahijing in ahi. Imajouse hi eima chung a kingam ahin, mechanical
branch ding hin hard work le talent angai in, job opportunity jong atam in ahi.
Civil Engineering
Insuong (building) sahding natha nom em? Thilsah lampang a talent neimi nahim? Thilsah (inn le adangdang) lampang a mihetthei nahi nom em? Inn thupi kisa ho namu teng iti kisah ahidem tiho lungvulna nanei ji em?
Achutile hiche branch hi nangía dingía kithuhtah hiding ahi. Tulai hin civil engineering a hin job opportunity ahoi
tapoi tia geljong atamtan, adihlou ahi. Mipontho nahi a talented mi nahileh hiche branch a jong job opportunity dimset ahi. Vannoi titahlou India in jong khantouna lam amano jing toh kilhon in gamsung infrastructure semhoina ding in civil engineer ho akingaicha jing-e. Engineering branch lhending dan isei tauvin, college/
institute lhending dan jong hetlou apoimo jieh in themkhat gah vejep uhite. Tulai hin engineering college
jong tamtah aumtan, college iti lhending ham tia boijong idimset diu tahsan ahitoh kilhon in, a lhending dan
phabep apoimo ho veu hite.
Infrastructure: Infrastructure iti teng, classroom, administrative building, workshop, computer labs, laboratories etc ho kiseina ahi. Hiche ho kitupna/hoina college chu lhending ahi. Ajiehchu kum 4 (for B.Tech)
sung jen nahin simna ding a hiche ho poimo ahin, college building amoh thupi maimai bouva velouvin, infra-
structure joh akitupna navet ding apoimon ahi.
Faculty: College khat chu good infrastructure maimai in ahitheipon, infrastructure ho phatah le ahina bang a manchah ahitheina ding chun faculty angaicha kit in ahi. Hijieh chun college faculty ho tichu, professors,
readers, lecturers, teacher-student ratio, visiting faculty, teaching experience etc tiho navettoh chet ding
angai in ahi.
Facilities: Facilities akiti teng, library, internet, intranet, hostels, seminar halls, dispensary, student
clubs, gym etc ho kiseina ahin, hiche ho jong hi kum 4 nasim sung a nahin ngaichat ding ahijieh chun
apoimo in ahi.
Placement: Hiche hi apoimo pentah ahi. Ajiehchu placement hi college infrastructure, faculty le facilities ho'a ahoi/ahoilou a kingam ahi. Chule college ranking le company ho'a student past performance, individual talent and personality etc tiho a jong kingam ahijieh chun branch wise le company wise a placement record ho hetding, ahoina chu lhending ahi.
Extra Curricular Activities: Hiche jong hi apoimo khat ahi. Thuchih khat in, 'All work and no play makes
jack a dull boyî ati bang in, personality development aum theina ding leh kisuhlip jing na ding chun college
annual function, sport function, student club, seminars and workshops, industrial training, social activities etc
ho umna/hoina college jong lhending apoimon ahi.
Location: Hiche hi poimo behseh hih jong le na college chu industrial or software hub vellah a um ahileh nang dingía industrial training le placement teng hung phachom ding ahi. Ahin hiche hi athupi pen ahipon achaina a vetding bou ahi.
Achung a kisei ho hetna ding chun anoi a kipe ho khat penpen a kon information lah thei ahi: College website ho'a kon hetthei Senior ho dohthei aum jong leh doh ding. Nasimna ding college chu visit thei ahijong leh visit
in Counselor ho jong nadoh thei ahi.
Achainan, tulai college hoi itiu, IITs, NITs, BITS etc hohi achung a kiminphah infrastructure, faculty, facilities etc ho ahoijieh a minthang ahi. Chule koitobang branch dihlou ahiloule atheplouna kilhenkhah ham chule rank hoilou jieh a branch adeiloulam bolkha aum jong leh lunggim ding ahipoi, hiche email id: mangboi_hk@yahoo.co.in or contact no. 9899994198 a nahin contact thei u ahi.
Best wishes to all the Engineering aspirants of Tahchanus and Tahchapas!!
