Doupau Kholhou 
Kuki te hi gal hang, Galbol hat tia min eihet ban nah Naga te jao na ichen khompio nam dang hon eina kichat jinguh ahi. Masang laichun isopiu Nagate hi kitoh lou te ana hiuvin, Khojet Khovei gal lin ana kinei un, hat ding dei jeh in agal teho dou dingin Kuki te ana thalah jiuvin ahi. Hiti chun agal ujong anajo peh jiuve. Kuki te hi gal hang chu ihi nauve, ahinla khang kikhel dung juiyin, gal bol them seh seh in lolhin na apethei
tapon, idea hoi inei uh angaitai.

Meilhei thuchih in 'U-akangba Sing oinei mi apangba Lal Loinei' ana tiuvin, Sapten, ìIts Idea that moveís the worldî anatiuvin ahi. Meilhei thuchih Mingol gal lamkai jin akipan sah e kiti pen chu eiho ichang khauvin, Naga movement thu ah agam nei ten Nagate akichat jeh un, idea thutah khengin Nagate nang din gal lamkai jin eipan sah jing un ahi. Sopi te ching thei uhite. Nagate toh kidoulai thusei ding hileh koi along lhai um ding ham? Ecclesiastes (thuhilpa) 3:8 in 'kilungset phat aumin kihot phatjong aume; Gal kisat phat aumin, kicham phat jong aume.' Anati banga chu kidou phat chu kichaija ikicham u ahitah jeh in ikidou lai uva ithoh na hou, ilung nat nahou mijouse het dinga newís a iphon uhin phat chomna, leh khantou na ima cha ahin lhut ding aumpon, apha chomlou di gal iki holdoh lo kit diu, icheh chao nakah lah uva icheh chao be cheh kit diu ahi. Chuleh Khohelou numei chapang tamtah ihung thilo kit diu, In le lou neilou jeh a lha leng vaija ium kit diu, ibel diu state nei malah a SADAR HILLS DISTRICT jong del doh joulou ten belding inei lou diu minoise leh chot pha a ihung um kit diu hi musa ahi.

Isopiu Nagate ahileh eiho toh te thei ahi pon a lungah nadiu Nagaland state anei un, Manipur la himona anei ujong leh lhamong le lung mong tah a Nagaland state a hailhung thei u ahi. Eiho Kuki te ihimou leh hoi lai ijot dingu ham?

Hijeh chun, Naga issue/movement chung changa Kuki te dinmun dinga phapen chu (Silence) thipbeh a um (Silent spectator) hi ahi. Muivah chun apen na mun Somdal aphah nop leh phan tin ada leh haitan te. Aphah di deilou state Government or agam nei ten akham leh kham ahimaije akhamjo leh apenna mun phah da'n tin akham jou louleh aphah ding ahijenge. Mini kinah na a ikin na umloupi a khat igapan pi leh ipan pilou pen pa'a dinga agal kihi ahi, Muivah chun apen na kho Ukhrul Somdal agaphah jeh a Kuki te man na umlou aphah lou jeh a jong Kuki te ipun nao um chom lou ding ahi. (Silence is Golden)