Kuki te dinmun
Phatle nikho chedungjuijin dinmunjong akikheljingin ahi. Tu le tua eiho Kuki te dinmun hi kavetle ahingla hingal lou athila hingal lou, Pathen lekhabun aseibangin sa la nasapon dap la na dap pon alumheobep nahin kakam ma konna kakhondoh dingkon nahitai kitihi eiho chunga umma ahitai. Ajehchu tulaitah'a Manipur boina lah a ium naova dinmun kichehlouva ium uhi datmo umtah ahi. Seiteidinga khohle mijousen
amuchu ipiham itile tu chung Meilhei te le Milongte kiboinahi ahin eihojong umthimbeh jongleuhen eisuhkhah thou thouvu ahi.
1). MDC Election :
Milongte dinmunchu ahile thaneina beijin MDC election umtheiponte tihi ahi. Eiho dinmunchu ahile kum 20 val thaneina VI - Schedule ina thum uchu kimuthei louhel ahiphatna election umhenlang akilhengdoh hotoh kithon kithumle aji uminte tihi ahi. Ilunggel lu phatecha isei khom uva milong hotoh pan ilahkhom u ngaija ahi.
2).Muivah Ukhrul visit:
Hiche thuahi eihonjong totally oppose ibollu ngaija ahi. Ajehchu amahi eiho sumang dinga anei thingnoi manchah jouse manga einasuhmangsau ahi. Hitobang michu Manipur adehía eiho Kukite lah a mun aneipoi ti vetsah ngaija ahi.
3).Economic blockade:
Thil deikhat muna dinga economic blockade kibolhi adihloudan iphonnu ngaija ahi. Hiche blockade hin koi athi chompon Manipur la umjouse atohkhah cheh ahi. Hiche kisei point thum hoa hi ipidinga eiho Kuki chaten idinmun u kicheh tahía iphon ngamlou uham. Thudih toh ipi compromise ibol pidiu um maham. Olle hitiho seiding le aphong dohding lamkai inei lou uham. Min achingle athem amanchah a khonung ding aki semgam ahitan eihonvang ihinkhou semding gam le nam ngailu tah inei lou u hitam. Koiman ngaida hih hen adih kiseihi hetthem ma Kukite khonung hi geilheh tajongle vision kichehtah hohi ijachatpi loudiu hangsan tahía iphon dohdiu ngaija ahitai.
Lhunkhohen
Chief Tujangvaichong Village.
Editor Henga Lekhathot
