Aizawl, Ellha 31 (NNN): Achesa Ellha (Oct) nisim 26 nikho apat Mizoram sung’a khantou machalna hungve centre apat Press team mi 6, tichu VV Tripathi (Desh Bandhu), Surendra Prasad Singh (Dainik Jagaran), Ajay Tiwary (Rashtriya Sahara), Arun Kumar Khare (Hari Bhoomi), K. Balchand (The Hindu), Rakesh Kumar Singh (The Pioneer), Brajendra Rehi (Media consultant) Rakesh Kumar (photographer) chule Sudhir Tiwary (Ministry of Rural Development Deputy Director) hocheng in Mizoram gam’a khantou na umho apahcha lheh uvin ahi. Hiche chungchon’a Mizo te’n eijen dan’u jong kalung’u alhai lheh uve, tinjong ana sei uvin ahi.

Indira Awaas Yojana chung’a state lunggel atosot nau pumin IAY noiya kimu hohi tamsahbe ngai ahi, ajehchu
inn 1 phatah’a sahsoh nadingin fund alhom’e, anatiu naban’a Centrally Sponsored Scheme (CSS) fund jong aphat to akitoh tapon hijeh achu centre in 100% a asuhtam beding angaicha’e, ajehchu Mizoram hi gamdang bang’a state income kineppi thei ahipoi, ana tiuvin ahi. Hiti chun Press team hohin PMGSY, MGNREGA
chule SGSY hojong ichan’a kimangcha hinam tiho jong vetlhahna aneiyuvin ahi.

Mizoram Bru ho kinung le tadiu
Aizawl, Ellha 31(NNN): Mizoram Bru Displaced People Forum hole Bru Displaced Welfare Organisation hon Mizoram sorkar to gam a kile kit, Repatriation process chung’a kinop tona neiding ana ngeh uvin ahi, Chule hiche agam uva kilekit ding tohgon hi Phallha (nov) nisim 8 nile kipan ding ahitai.

Hiti chun thuphon kimudung juiyin Bru hoheng’a Mizoram le Tripura sorkar in Repatriation umdol dingdan ana hetsah uvin, hiti hin 1997 kum jouva Mizoram apat Tripura anajon ho gam le kho chule veng ijakai thahsep nadinga ngehna ananei utoh lhonin tua Tripura mun’a Refugee camp mun 6 val lang umho ding’a ijakai Mizoram sorkar in agontup danho jong thuphon chun aseiyin ahi.

Alangkhat’a Tripura Chief Minister Manik Sarkar in aseina achun Mizoram apat hungvahlut mi 35,000 hohi
Mizoram in abon’a akinung lahlut masang’a Tripura boina umjing ding ahin, hijeh hin central sorkar hoto
jong nasatah in lunggel khomna akinei jing’e, ati. Hetthei khatchu hiche Bru kiti hohi 1997 kum sung’a
Mizoram gam’a namkhat le namkhat kidouna chung’a ana jamdoh ho ahiuve.