Hetthei khat chu achesa Ellha (Oct) nisim 18 nia Khuga Dam JAC le Manipur Sorkar apat PHED Minister Phungzathang Tonsing, IPR Minister TN Haokip chule IFCD Minister N. Biren hocheng in JAC demand jouse Ellha kichai masang’a suh bulhit pehding ana tisa’u ahi.
Hettheiya kinoptona sung’a anajao hochu ahile Khuga Dam phatah’a sahchai ahi masang a thenso louding, Local contractor jouse chung’a bill jouse sorkar in asuh theng ding, ti hohi ahi. Hiti chun sorkar apat agangthei pen’a donbutna aumlou le kiphinna hi khosecheh cheh ding ahi, atiu naban’a IFCD chief Engineer chung’a mosona sangtah jong aphongdoh uvin ahi.
Numei kijoh mi 14 matdoh hita
Imphal Ellha 31: Imphal toulpi sunga mun chom chom akon numei khangthah atahsa kijoh mi 14 Police hon ana mandoh uvin ahi.Imphal West District Police akon thuphon kimu dung juijin achesa pathen nikho chun Imphal toulpi sunga Hotel chomchom akon Numei kijoh mi 14 leh alupkhom pijing pasal ho matdoh ahi chuleh hitobang chondan dihlou ho matdoh nahi malam ajong kichipi jing ding ahi tin thuphon chun aseiyin ahi.
PREPAK 1 kimandoh
Imphal Ellha 31: Tuni jingkah lam nidan 6:30 velchun Mongsanggai vel’a galguh bol ho aume ti het ahi tolhon’in 28 AR 9 Sector hon HQ,IGAR (S) noiya Operation abol nau achun PREPAK thingnoi 1matdoh ahi.Amachu Y.Tomba @ Boyendro Meitei (32),s/o Birendra Meitei, Mongsanggai mun’a cheng mi ahi tolhon’in dohchen ahi jouvin Singjamei Police Station khut a pehdoh ahitai tin thulhut kimu chun aseiyin ahi.
Yaiskul MLA chung’a RYO in kipathu phong
Imphal, Ellha 31: Achesa phatsung’a Yaiskul MLA, E. Suraj in Thambuthong lampi phat sottah manthei talouva umchu ahin semphat nachung chon’a Langva 150 hopdoh na anei nachung’a Rising Youth Organisation (RYO) in kipa thu ahin phong’in ahi.
UCM in Chavang Kut lemna nei
Imphal, Ellha 31: United Committee Manipur (UCM) President Y. Dilipkumar in ahung lhung ding Lho-lhun Chavang Kut golnop nachung’a lemna thu ahinnei yin ahi. Aman aseina achun Manipur sung’a thinglhang mi jouse kilung khat a thahat sahna tuchung Kut in hin peta hen ati.
Chassad khopi AR hon kithopi
Imphal Ellha 31: Achesa ellha nisim 29 nichun 12 AR 10 sector hon HQ,IGAR (S) noiya Chassad khopi sunga Lhang sung Sports adin kichep na materials hopdoh na ananei uvin ahi. Hiche chungchon’a 42 AR commandant in Mission Blind School Heikokpolpi mun’a sum lepai yin kithopi na ananei uvin ahi tin thuphon kimu chun aseiyin ahi.
Manipur Rural Bank in CBS mang tading
Imphal, Ellha 31: Manipur Rural Bank akon thuphon kimu dung juijin Core Banking Solution (CBS) system
kiti khantou dungjuiya Phallha nisim 2 apat kimang pan ding ahitai. Hiche chungchon’a Customer jouse kithopina leh tosot na phatah a neiding in temna aneiyin ahi.
