Kangpokpi, Phallha 1: Tukum 2010 Chavang Kut chu Manipur gamsung munchom chom a ana kimang tolhon'in Kangpokpi Thomas ground mun ajong District Level Kut Committee noiyin lolhing tah in ana kimang in ahi. Hiche Kuki-Chin-Mizo lolhung kut golnop achun milun N. Biren Honíble Minister (IFCD & YAS), Manipur Jingun in apangin, milun Thangminlen Kipgen (Hill Area Committee, Chairman) Kin-neipa chuleh pu Henkholen Sitlhou Kut pa hina in kingon chu thupitah in akimang in ahi. Hiche nikho hin ultural show Chin-Kuki-Mizo akon vetlhah ahi naban ah Nepali, Liangmei, Thangal, Maram, Poumai leh adang dang akon in jong vetlhahna ana um in ahi. Mipi ho sulip ding leh thanopsah nading in lasathem- Jingkal Bongnoi, Lenchung, Kakai Kipgen,Merinda, Lhingboi Singson leh adang dang in jong lasahna anei uvin ahi.
Hitobang kin a Jingun in houlim aneina ah phat chomkhat Sadar Hills mun'a ahiding bangtah in Kut ana kimangthei tahih jongleh tuchungía Nagas, Meiteis, Nepali hojong jaona a lolhingtah a akimanthei hin malam'a phatah a kilungkhat tah a imachal pidiu ahi tin temna anei naban ah kithopina in dangka 50,000 apeh tolhon in jan lam in Miss Kut kilhenna jong ana um in ahi. Nungah melhoitah tah in ahoinau leh athepnau mipi ho kom'a vetsahna ananei utoh kilhon in tuchung District Level Kut Kangpokpi, ading'a Sadar Hills Miss Kut adingin Miss Kimi Misao lhendoh ahin, 1st Runner-up dingin Miss Chinneilhing Lhouvum chuleh 2nd runner-up a ding in Miss Lhingdeinei Kipgen lhendoh anahi tan ahi.
About author
Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.
