Imphal, Phallha 1 : Chin-Kuki-Mizo Lholhun Chavang Kut chu angai bang'in Manipur sung'a muntin ah lolhing tah in ana kimang in ahi.


Hitichun Cultural lam leh nungah mel hoi kitetna toh lasahna jat chom chom'in loi le pai, u le nao toh sim le mar chuleh so leh lhum'a kilungkhat tah in ana kimang in ahi. State level       

Kut      1st Bn. Manipur Rifles Ground Imphal mun achun jingkah lamíin Manipur Governor milun Gurbachan Jagat Jin-gun hinale milun TN. Haokip (Minister PHED and IPR) Kin-nei hina, milun Rishang Keishing le Chavang Kut lolhingtah a kimang ta milun DD Thaisii (TD Minister) Jin-ja um hina tolhon'in India planning commission apat B.K Chatturvedi chule hetthei milun tampiín ana lem uvin ahi. Hiche golnop kin gon a Jin-gun milun Gurbachan jagat in aseina achun Kuki-Chin-Mizo hin golnop loupi tamtah aneiyin hiho lah achu Chavang Kut jonghi khat ahi, chuleh hitobang KUT hi lho-lhun gasoh jal'a Pathen thangvah na ahina ban'a khovei teng phatthei thahbeh thumna ahin, chuleh hitobang Kut hin lunggel chomchom gelkhom na seikhomna aum nachung'a kilungkhat tah a chamna leh lungmon na aumjing thei nadingía khantou na lampi jotna ahi tin anaseiyin ahi.

Milun Gurbachan Jagat in aseibe na achun hitobang kilungkhat tah a chamna pum'a golnop kimang hi Manipur sung bou hilouvin India sahsolam gamkai jouse'n jong hesoh'u henlang juisoh keileu kadeiyin ahi. Chule ihetma bang uvin culture kitihi hindan chondan, hamle pao chule lunggel lungput to kijopmat ahijeh in malam'a hitobang culture semhoi nale vetsuina hi phatah'a tuapat khangthah ho hilchah phat ahidan anasei naban'a kilungkhat kitihi ni 1 ni 2 kahía lamdoh thei/muthei thil ahilou jeh in ol olía tuapat hitobang golnop hin lhangsam tahen, anati'n ahi. Amaín athusei chai nalamía aseina achun phatsot tah Manipur sung'a jatkhat le jatkhat kihet khelna ana umho sumil im, khentum na beihel in malamjohía hitobang golnop kut chung'a natoh hatna, kilungkhatna, chamna, kithopina, ngaidam theina, Pathen beltheina tihohi jildoh utin Manipur sung'a kikhelna polut taute, anati'n chu in Governor Gurbachan Jagat in kithopinaín dangka lakh 1 anape'n ahi.

Alangkhatía janía kimang programme chu Manipur Chief Minister O. Ibobi Singh Jin-gun anahin, milun Gaikhangam (MPCC President) Jin-jaum anahi in chule milun Phungzathang Tonsing (Minister Power, Hort. Sc. Tech) Kin-neipa anahiín, sunía cultural chomchom in kin-gon ana jephoi bang in jan achun Mizoram apat lasathem tampi le Miss Kut kitetna chun ana jemhoi lheh in ahi. Hiti chun Chief Minister in Kut lemna anei nachung'a ahoulimna achun Manipur sung'a jat le nam tampi kihal'a itih'a pat kichengkhom jing ahin, hiche chungchonía Jat le nam chom chom hijong leh 'Unity in Diversity' tia kicheng khom jing ahin hijeh chun tuchung golnop kin loupe hon chamna leh lungmon na hinpolut tahen tin Chavang Kut kipapi nale kithopinan dangka 3 lakhs apen ahi.


Hitichun lasahna Mizoram akon lasa minthang tampin mipi lunglai ana suhal in chuleh Miss Kut kilhen najong ana um in ahi. Achai nalamía thuso geitah a kimu dung juiyin tuchung Chavang Miss Kut adin nungah Devia Chingtham lhendoh anahi tan (1,00,000/- cash prize chuleh 1st runner-up adin nungah Kimkhanthem Haokip lhendoh anahin (75,000/- cash prize) chuleh 2nd runner-up adin Khuraijam Brajeshori lhendoh anahi tan ahi (50,000/ - cash prize.

Hitichun mipi asang sanga kikhom hochun hitobang hoi kitetna chu ana venom theilheh uvin ahinlah achaina Miss Kut kilhen nachung'a abang khat kinep nabang ahi tahlou jeh in anaum uvin ahi. Chule Imphal tailou a jong Moreh leh Kangpokpi mun'a jong thupi tah in Kut anakimang'in ahi.