aphong'in ahi.
Imphal, Phallha 1 : Manipur government noiya MPSC in Medical officer lahna ananei nachung'a Zeliangrong community sungía lolhinna/pachanna na nei jouse Zeliangrong Students Union Manipur (ZSUM) in kipa thuphon ahin neiyin ahi. Thuphon chun lemna anei nachunga Zeliangrong community choisang ahiu naban'a
malamía ponthotah leh gunchu tah a natoh ahin jop diuvin tilkhou najong aneiyin ahi.
Critics Forum kiphudoh ni kimang
Imphal, Phallha 1 : Critics Forum Manipur akiphudoh kal kum 5 lhinna chu MDU Keishamthong mun'ah Deputy speaker Th. Lokeshore Singh Jin-gun hinaleh professor IS Kangjam Kinnei hinan Manipur sunga
kilung khat tah a khantouna chepi ding thuhil pumíin lolhing tah in ana kimang tan ahi.
Fishery project officer inn a bomb kiseplut
Imphal, Phallha 1 : Manipur sung'a Bomb a kigihna leh kikichat sahna aumjing tolhin'in tunin Fishery Department noiya Project officer Leisangthem Kumar (57), S/o Iboton kiti Hoirangoithong Makha Maibam Leikai innmun achun melhet louhon Bomb 2 ana seplut uvin ahi. Hitichun Bomb khat chu inn pamlam'ah anachun chuleh khat chu Insung'a achun ahi, hichetoh kilhon chun Singjamei police hon Bomb chu phatah in ana ladoh tauvin ahi.
Hitia mipi ding gellou natoh chu vengsunga um minu hon toumun kiphin anabol utoh lhoníin minu khat in hitobang chondan helou natoh hi koiho natoh naham agang theipen'a ahung kiphong diuvin temna anei naban ah maban teng mipi ding gelna ah hitobang anung sokit louna din temna jong anei uvin ahi
