YAS Director akon hetsah thuphon
Imphal Ellha 5 : Director of Youth Affairs and Sports, Khuman Lampak akon'a thulhut kimu dungjuyin
Sweeper-cum-maali adia Form analha ho jouse ahung lhung ding Ellha nisim 7 nidan 11:00 am teng interview adia document ngaicha jouse toh Director/YAS Khuman Lampak Sports Complex office a hung cheh
din hetsah thuphon ahi.
Kangchup Area Chavang Kut um ding
Imphal, Ellha 3 : Ahung lhung ding Phallha nisim 1 (Nov) teng leh Kangchup playground mun'a kum 20 masangía pat angaiya ana kimang jing 'Kangchup Area Chavang Kut 2010' chu loupitah a kimang kit
ding ahitai. Hiche ni hileh 'KUT' kimanlo najeh thusim hilchietna pu chon pa chon thona leh 'Chavang Lanu' kilhen na jong um ding ahi. Munchom chom'a um haosa, upa, japi lamkai, nungah, gollhang ho hiche Kut jemhoi ding leh lolhinsahna ding in Kut Committee in ngaisah tah a atepnau thulhut akimui.
DC in Haosa ho thuhilna nei
Lamka, Ellha. 5: Kuki Inpi Churachandpur Office tuibuong mun'a tuni jingkah lam nidan 11:00 chun Samulamlane TD Block noiya MGNREGS, Grading "B" Village 61 Grading "C" Village 6 hoa Kho Haosa holeh Secy hose Pi Jacintha Lazarus IAS Deputy Commissioner in thuhil na aneiyin MGNREGS natohna hoitah a na tohding natong hoilou ho Agency kilheh thei ahidan apho toh thuhilna aneiyin ahi.
GoI thalheng hon Lamka khopi villha ding
Lamka, Ellha. 5: Vivek Mehrotra IAS, Secy Ministry of Minority affairs, Govt of India leh Ameishing Luikham IAS Joint Secy Ministry of Minority Affairs, Govt of India teni chu Lamka khopi sunga kholjinna
aneilhondi to ilhon a jangeh lhonding ahi. Nisim 7 nikho leh Churachandpur sung'a MSDP/MOBC 2009-2010 fund a na kitong ho vetlhah na anei lhon ding ahi.
