Amani jouvin phatsot lou helin Sarnabat in 25m standard pistol pairs ah gold athumchan'a amukitnin ahi. Abhinav leh Gagan Narang hin kigoma 10m air rifle ahin 1193 scored anamu lhon toh kilhonin Melbourne record 1189 amani record chu ana sukeh lhonin ahi. World record Gagan in air rifle a chun 99,100,100,99,100,100 agom'a 598 amu in chule Beijing Olympic Gold Medalist Bindra in 100,98,99,100,99,99 agom'a 595 ana score lhon toh kilhon'a amani hin gold medal chu anamu lhonin ahi.
England te James Huckle leh Keny Parr in 1174 in Silver medal amulhonin chule Abdullah Hel Bak leh Md Asif Hussain Khan, Bangladesh in 1173 amulhon toh kilhonin bronze medal amulhonin ahi. Bindra leh Narang Coach Sunny Thomas in amateni chunga pahchatna thu aseitoh lhonin kathil bol jouse hi kagam ngailutna jalía kabol ahin chule hichel lolhin nahi kiloupisah na a gel lou'a ahung lhung dingho joh hi lolhing nadingía phatah gel
angaije ati.
Alangkhat'a Wrestling kichepna achun India mi 3 in Greco-Roman Category ah gold 3 ana mukit uvin ahi.
Amaho 3 hi Anil Kumar (96 Kg), Sajay (74 kg) leh Ravinder Singh (60 kg) in Indira Gandhi Stadium mun'a ana kichem ahiuvin ahi. Ravinder (60 kg) hin amasapen'in Terence Bosson, England pa chu 9-0, one-sided Final in ajouvin ahi. Amahin Nigeria te Romeo Joseph chu semi-final a 8-0 in anajouvin chule South Africa te
Marius Loots chu 4-0 in ajouvin ahi.
Chule Anil Kumar in Australian te Hasene Fkiri chu 6-0 in hahsatah in anajouvin ajeh chu hiche Australia pa misang ahijeh in, hinla phatchom khat jouvin umchan hoilou jeh in Judge pa akonin disqualified ahijouva Anil Kumar in pachan'a amu ahi ati. Hiche category achun South Africa te Balla-Lufu Ka in Silver amun chule Canada pa Eric Fennekes in Bronze amu in ahi. Alangkhat'a India te Sanjay (74 kg) in South Africa te Richard Addinall chu 2-0 in jouvin pachan na amutah ahi. Chule hiche Australia mipa Hasan Shahsavan in bronze amu in ahi. Sangjay in aseina ah chun 'Hichelai mun'a Gold muding hi kalung tup ahi ati.
Chuleh hiche kamu jeh in ka coach pa le ka insungmiten ei tosot jing jeh uvin amaho chung'a kakipah e. Hiche lolhinna dingía hi keiman kum 2 phat sulut in kanaha kichem in ahi. Chule Gold medal kamu hi gamsung'a
dinga kalhan doh ahi ati naban'a jong hitia gold kilajingpeh leh khangthah tam tah in wrestling ahi thanop na ahin nei diu ahi' tin Sanjay in aseibe in ahi.
