Ellha 21: Real Madrid’a minthang Cristiano Ronaldo chun Mourinho lamkaina noiyinclubsung’aplayerho’n kipana aneibe uvin ahi, ati’e. Kalennipilaichunhiche‘The Special One’ kiti pa hin Santiago Barnebeu mun’a chun lamkai natohna ahin panin, hitichunLaLigaseason sung’a gol lalna umlou hel in kipat dohna ana neiuvin chule Champions League record hoitah sepdohna jong, Leisemni (Tue) nikho’a akichep nau nukhahpen, AC Milan 2-0’a jona aneiyu tolhonin, ahin nei uvin ahi.

Milan to kichepna’a freekick’a ball khet lutna hin nei, Ronaldo chun Mourinho noiya kichepna anei nachung’a lunglhai naneiyin tuchung Champions League jong aloiho to kitho’a, lahna neiding alung gel aseiyin ahi.

“Mourinho hi a-fuh lheh’e. Hilai mun’a ahunghi kaki pahlheh’e, ajeh chu ana tohsa (experience) hole titles pachanna ana neina hohi kaphatchom piuvin, ama noiya kichuhna nei kanop nathukanaseijingin, kaloiteho jong ama hunghi akipah lheh uvin ahi.

Champions League lahna kanei diuvin jong kakinem in ahi” ti’n Ronaldo chun ana seiyin ahi. Hiche World Player of the Year anala pahin club’a pachanna thilpoh lutna ding in aloi teho’n goljona neiya akichepna ho’u banjom pijing dingintemnalengehnaaneiyin ahi. Chule “Goljona neiding chu athupi pen ahi. Milan toh (Champions League’a) kichepnamatchchukipatepna hahlheh khat ahi, chule lamjui dih in kalson na inei’u avetsah e. Coachpa toh kaki pahlheh lhoninahi” ti’njongaseiyinahi. Ronaldo hin tuchung season’a Madrid ading in hatah’a kichepna, game 10 a goal 6 khetluna neiyin, anapang’e.

Marathon kum 2,500 lhinna chung’a mikhat km 2,200 lhaidoh
Ellha,22: Marathon gal kisatna (battle) kum 2,500 lhinna (anniversary) kin’a ding in German mi social worker Juergen Mennel chu Vanghomni (Thu) nikho nichun, ni 30 sung’a km 2,200 ahung lhaidoh jou in Athens kho ahung lhungta’n ahi.

Kum 50 upa Mennel chu Panathenaic kichepna mun, marble stadium ahunglhun chun Greece culture and tourism minister Pavlos Geroulanous chun vailhun na, kin loupi khat’a, ana neipeh in ahi.

“Hilai kichepna mun stadium loupitah namun kahung lhun hin kipana lentah eipe’n ahi, chule hiche kei adia vailhun lamtona kin kibol hin jana kachang in kaki pahlheh’e” ti’n Mennel chun Reuters ana hetsah in ahi. Chule “Kalhei lai’a thuso media ho’n ei havel lheh le’uvin, hinla kaki thang atpi lheh’e. Hiche dia kichuhna kanei chu ahahlheh in ahi. Kalhai lai chun phatchom khat komle machine bon kihi lou’a, ki ngading hitam, katiji ko’m phatjong ana umin, ahin kalson machalna neina ding’a lungsung kiginna le kigon lhahna kanei jeh in ka banjom jing in ahi” ti’n jong ana seiyin ahi.

Mennel in achenna a-in Heilbronn, Germany lhanglhumlam apat, ni 27 sung’a hinlhai doh ding’a gotna ana neiya ahi’n, hinla ni 3 val in ana lhitjou in ahi.  Hiche Mennel lhaina hi Marathon lhaina ahung kipat napa kumlhin na’a, Ellha nisim 31 ni’a 29th Athens Classic Marathon kin umna ding’a kichep golseh le kin jat tamtah kibolho lah’a pang’a ahi.

Lhajing (Aug) lha chun Greek marathon record nei Maria Polyzou kum 42 nuchun, Spartan te heng’a kithopina thum’a Athen sepoymi Pheidippides in ana lhaidohna km 520 jana peding in Athens apat Sparta gei, chule hilai mun’a pat ahungle lhaikit in ahi.

Hiche marathon lhai hung kipat dan thusim hi BC 490 phatlaiya Greek te’n Persia te chung’a galjona thupha
phong ding’a Pheidippides in Marathon mun’a pat Athens chan gei ana lhaina akonsa hung kipan ahi. Tukum a Athens Classic Marathon lhaina’a, masang a ana umkhalou record ding in lhaina neiding (athletes) mi 12,500 jen, gamdang apat hungkon 80%, alhing in, kum masa a 4,000 toh akikhe lheh in ahi.

Goa soccer kichepna ho’a cheerleaders um panta ding
Panaji, Oct 21 (PTI) : Goa khosung ho’a football kichepna tournament ho’a kichepve mipi ho lunglutna
lading le vetnom ding in, cheerleaders ho’n pan ahin neipan diu ahitai.

Jose Gomes, Secretary, All IndiaCheerleadingFederation (AICF) chun “Khangthah chapang tampi kichepna tournament jatchom chom’a cheerleaders panmun a apang in sum lona aneiyuvin ahi” ti’n PTI heng’a aseiyin ahi.

Ahin Gomes chun aseina’a hiche kichepna invang IPL kichepna’a cheerleaders von kivon lhombeh seh hotobang hilou ding, “phatah’a von kivon na aneidiu ahi. Hiche kichep golseh hi golseh phatah ahijeh in, minu le mipa tehon jong acha te’  ahinsol’u ahi. Hiche hi kichep jontha’n na ahipoi. Chule kivon nading lampang (dress-code) phatah in federation in aneiye, von kivon duhdah louna umthei ponte” ati tolhonin, “Khangthah chapang kum 12’a upa injong cheerleading panmun a pangthei ahi” ti’njong AICF Secretary puchun ana seiyin ahi.

Janardan Bhandari, AICF’a executive member chun “Goa mun’a cheerleading kitetna (competition) ana kineina achun Maharashtra akonsa hungkon team in pachanna aneiyin ahi” ati’n, chule tulai hin khangthah
tamtah in sum (pocket money) holna in cheerleaders panmun a pan na aneiyuve, ati.

Rooney in potdohna aneile Man U te kum 20 vaihom thaneina bei ding ahi: Mancini
London, Ellha 21 (ANI) : Manchester City manager Roberto Mancini chun Manchester United te striker
Wayne Rooney hin club dalha’a potdohna tobang hin nei khale kum 20 phatsung football kichepna’a United vaihom thanei na kichai theiya ahi, ti’n ana sei’e. “Ama hi keiho ading’a Carlos Tevez bang’a United ading in
player phatah khat ahi.

Rooney akilhaso khah ule player thupi poimotah acha’n diu ahi. Chule United a Rooney, Tevez, Cristiano
Ronaldo holoi ana kicheplai’u geldohna kaneiye – ama ho chenghi leiset chung’a attacker nasapen ana hiuve, ti katah san’e. Hinla club khatseh in kum 15 val lang goljo pachanna aneijing theipoi, phatle hinkho ahung kikhel ji’n ahi. Phatsot tah goljo pachanna hin neijing ding tichu ahithei lou ahi” ti’n ana seidoh in ahi.

Mancini chun ahung lhung ding Tolbol (Jan) lha phatsung kilhehna transfer window’a lahlut peina neiding in kigotna kaneipoi, atichah kheh in ahi. Chule United to kihou matna (contact) umtam tia thu dohna achun Mancini in “A’umpoi, aum naisai poi, anai saipoi... kaki mupi khah hihbeh’e. Amahi United adia player phatah le poimo tah ahi’e. Amahi Fernando Torres, Lionel Messi le Carlos Tevez hobang in player tha hattah khat ahi. Kagel dan in leiset ahung kikhel jing in, player ho’n anop’ule kumseh’a ateam’u alhehthei’u ahi. Ahin kei lunggel invang Rooney hi Manchester United’a umnalai meithei in kagel e” ti’n ana seibe in ahi.

Club khonung dinmun ding thu ima jahna Chief Executive David Gill akon’a aneilou phat in Old Trafford dalha ding in Rooney chun suhchet na ana neita’n ahi, akiti’e.

Third ODI kichepna a kiven nalam hatah’a kisulen ding
Panaji, Ellha 21 (PTI) : Ellha nisim 24 nikhoa Australia le India ODI kichepna a-thum (3) nale anukhah achaina pen Nehru Stadium, Fatorda mun’a aum tengle boina ima a’um nalou ding in venna tohgon hatah’a suhkhou ahi nading in (security arrangement) aki gong in ahi.

Hiche’a ding chun tower 4, amasa pendia gotna a’umto lhonin, kichepve mipi holah’a boina semthei ho mandoh ding in mi 100 (plains clothes’a) kikoi ding ahi, ti’n GCA Presidebt Dayanand Narvekar chun
aseiyin ahi.

BCCIguidelines dungjuiyin kichepna mun stadium pam’a pansah, kiselna (bunkers) kikoi ding chule stadium sungle polam mun poimo dom ho’a CCTV jong kikoi ding ahi.

Kivenna security lam hatah’a kisulen ding, kotmun (entry point) jouse’a thih matdoh nathei (metal detector) ho kijang’a, ahunglut jouse jong kimei (frisk) ding ahi. Chule, numei ho’n sakhao le mobile phone ho akipoh lutthei diu, ahi’n camera hovangkiphalloudingahi, ti’n Narvekar chun aseibe in ahi.