Maoists hon sepaiho athajing uhi ingaitoleh amaho huitup dinga sepia kisolhi thildih hiponte tihi akimudoh
theije. Maoism kitihi vaicha, genthei tribal miten kachan diuva lom imacha kamupouve atijeh uva meithal adopmu ahi. Sepai ijat sollut jongleuhen hichi alungel uhi noimangthei ahipoi. Sepai ahalut channa thisan hasoding tina ahibouve. Kitha kimat hi hoikom hamkhat beh a hi suhtang angaije. Ajehchu, economy khantouna dinghin chamna angaije. Hitobang boina suhlhapna dinghin kihoucham khella aphajo umponte. Tua akingai chahi Jharkhand, Orissa leh West Bengal a sorkar hohin Maoists hohi akihou piuva alung nopmo naohi avetsui pehdiu ahi. Maoists hon thisan asonao chunga hin them kichansah thei pouvinte, hijongleh ibolla khanset abollu ham ajeh kholdoh ding akulle. Maoists hon kihoutheina dingin operation eibolkhum houhi ladoh un atiuhi sorkar hin agelkhohpeh dingin aphai. Sorkar jonghin milham holeh sepia ho Maoists ho khutna amoh
thilouna diuva avetsui dingin aphai.
Maoists hohin meithal akidop vangun thu a galsat ahiuvin, amahohi suhthip ding itileh dokhang chunga kihoulimpi a athuhi lhapding ngaija ahi. Maoism kitihi lungel ahijeh in akithat theipoi. Thachai thei hileh Congress sorkar’n Siddhartha Shankar Ray lamkaina noija huheltah a anabol uvachu kichaidiu ahitan, ahinlah huhamtah a akibol phat uchun tuni a Jharkhand tia ihetnu munna gammanglah akhun akisel bepmun ahi.
Maoism chungchang thuhi hetna alhahsamjeh in kum 42 jen athusim uhi gahtahlang dingin aphai. Ihet bangun amaho galbolhi 1967 kuma Naxalbari munna loubolho kiphina a konna hung kipan ahi. Communist Party of India (CPM) hin China te Communist hi apomjeh in 1962 kumma India leh China akisat jongchun China te apanpin ahi. CPM hohin capitalism hi agalmi a agel ahi. India hi capitalist ahin China hi Communist ahi. CPM holeh Maoists ho dinmunhi kibang chet ahi. CPM hohin West Bengal a sorkar ahinsem phat uhin Mao Tse Tung’n achepi Communist hi pomdet chahkheh ding atitaove. Kum phabep jouvin Maoists kahiuve phondohna aneijun ahi. Hijehchun, All India Coordination Committee of Communist Revolutionaries tuni a Maoists tia kihe hohi 1968 kumma ana kiphutdoh uva ahitai. Alang khatnah, Andhra Pradesh a hin Naxalbari nung juihon T N Reddy lamkaina in CPM ho ahindou taovin Andhra Pradesh a CPM sepia akehkhat tobang hin party adalhaovin Andhra Pradesh Coordination Committee of Communist Revolutionaries hi ahinphut taove. Hichiva konhin 1980 kummin K. Seetharamaiah hin People’s War Group ahinphut dohtai. Maoists hohin ei kisunem nante, hijongleh kagalbol uhi thithei louding ahi atiuve. 1960 kum vella huhamtah a akibol uchun amahohi ajam mangun oltah in akigomkit uve. 1980 velchun amahohi faction tampin akeh un, kumsom lang pihi ahat joding kichunan akidou uvin, achainan Maoist Coordination Centre (MCC) hi ahat pennin ahung chomdohtai. Sorkar hin hicheng thilsoh pihi aven amaholeh amaho kithatchai tahtao atiuchu agelkhellu ahidanhi ahung kilang paitai.
Amaho sunga akinahnao akichai phatnin PWG leh MCC hi ahat pen ahi hontai. 2004 kuma CPI (Maoists)
tia ahung kigop honchun Maoists hohin meithal dopna hihen political lang hijongleh hettheitah in ahung machal
taove. Bengal lhumlanga pat Bihar chan, Jharkhand, Chhattisgarh, Orissa leh A.P. a Telangana gamkai sungah
Maoists ho thaneina hi anikhantai. Maoists hon mipileh sepaiho tatle tatlouva abulu jeng uhi ivetleh sorkar hin mipiho “liberated zones” ahin avengbitjou tapoi tihi mudoh thei ahi. Maoists ho hatna gamho a mipi hohin Maoists ideology hi adeijun, akihinso nao gammang sorkar’n khantouna ding tia alah kigothi huhna dinga meithal adopmu ahi tihi thunei vaihom hohin asangnom pouve. State hin tribal ho chenna munho a gammang chuleh asunga haosatna thei thil umhohi sorkar’a ahi tin, khantouna dinga na atoho – industry phudohna hihen chuleh adang dang ho a konna phatchomna thei aum tengleh tribal hohi ageldohji tapoi.
Alang khatnah, Maoists hohin ahatnao gamsunga industry ho a konhin sum adongun meithal , meichang nengchetnin akikoijun ahi. Hijehchun, sorkar hin Maoists ho hatna jouse a hi industry leh mining hohi akhading, chujou tengleh galguhbol Maoists hohi kihoupi dinga akouding ahi.
