Hiche lentol achu ngahmun pavilion luitah khat um’a hichu set nalam dinmun’a ana uma ahitai. Natohna kin chu Military Civic Programme noiya gon ahi tolhonin amun le agong suhtohna in gari truck le dozer ho leilhoh lena in akimang khuchel in ahi. Hiche chung chon’a pavilion thah kisah na achun touna chair hojong akito in ahi. Lentol natoh nahi ahung kijo jouteng akimvel’a khangthah ho phatchompi ding manchah hung hiding ahi.
Churachandpur sung’a mipi ho’n hiche AR natoh nachung ah pachatna aneiyu tolhonin, district sung’a khantou machalna natoh naho’a Security Force hon akithopi jingding in jong kitepna aneiyuvin ahi.
CCpur Haosa ho General Assembly ding kivo chon
Lamka, Ellha 21: Phat masa a Chief Council Churachandpur hon ahunglhung ding Ellha nisim 23 jinglam nidan 10:00 teng leh KKL Complex mun’a General Assembly leh Election aneidiu ana kitichu Tipaimukh Area, Singat Area, Henglep Area leh Tuning Area, hoa kho haosa ho boina gelkhoh najal’n anikho tepchon ahitai, ahin amun aphat ho vang kikhel lou ding ahi. Hiche nikho hileh Pu Thangso Baite M.P Jingun a pang ding, Pu T. Hangkhanpao MLA Singat Kinneipa chuleh Dr. Chaltonlein Jinjaum a pang diu ahi.
KMYPC makaina’a 1st Chavang Meet lolhingtah’a kimang
Imphal, Ellha 21: The 1st Chavang Meet 2010 Kangchup Makhom Youth Progressive Club (KMYPC) makaina in achesa Ellha nisim 15-16, 2010, ni 2 sung golseh ajatjat – football, volleyball, Chavang Quiz, talent search chule Chavang Idol 2010, Mr & Ms Chavang 2010 tiho pan na’n lolhing tah in ana kimang in ahi.
Mollem nachunga lunghem na
Imphal, Ellha 21: Sanjenbam Bankimchandra, All India Radio lasa minthang mollem nachunga Apunba Manipuri Matam Ishei Kanglup (AMMIK) in lunghem pina ahin phong uvin ahi.
Alangkhat a Khundrakpam Indrajit Bishnupur District sung’a cheng Vetaran Communist leader mollem nachung’a Communist Party of India (CPI) Manipur state council in lunghem pina ahin phong uvin ahi.
RJD Gen/Secy kikhel ta
Imphal, Ellha 21: Manipur Rashtriya Janata Dal akon thuphon kimu dungjuijin RJD Gen/Secy adin T. Neinei
Bongmol, Churachandpur lhendoh ahi nachung’a Party suh-hat naleh sephoiya malam’a hatah a ahinnei ding kineppi ahi tin party President Yamkholun Haokip akon thuphon akimun ahi.
Leimakhong mun’a Red Shield Division hon computer training centre hong dohta
Sadar Hills, Ellha 21 :Tuni chun milun Haokholet Kipgen (MLA Saitu) leh Dr. H. Borojao (MLA Sekmai) chuleh MDC ho jaonan Major General DS Hooda VSM, GOC Red Shield Division in Leimakhong Mountain Calvary English High School mun’a chun computer training centre khat thensona ananei lhonin ahi.
Chuleh hiche training mun’a hin computer, power supply, printer, training aids, com-puter furniture, ti hohi military Civic Action Programme noiya kibol ahina ban’a Punjab Technical University noiya Imphal Istitute of Information Technology jilkung hon them hilna ahung lhung ding lhathum sung anei diu ahi. Chuleh hitobang tohgon hi khangthah teho chihna hetna lam’a khantou machal atosot nau hung hiding ahi tin AR hoa kon phondoh chu anahin ahi.
RK Sanayaima holdoh uvin lang phongdoh uvin: CPI(M) & AMKIL
Imphal, Ellha 21: Communist Party of India, Manipur state council in Ministry of Home Affairs kom’a R.K Meghen chungchang’a ngehna anei uvin ahi. Amahon aseina achun R.K Meghen hiBangladesh Police leh RAW in amat ahi nachunga gangtah a aumna aholdoh a aphondoh ding chuleh dan dungjuija trail aboldui vin AMKIL toh kithon khoutah in ngehna anei uvin ahi.
Teacher traininga pangcheh ding in CEO in thuphon nei
Lamka, Ellha 21: Chief Executive Officer, Autonomous District Council, Churachandpur akon’a thulhut kimu dung juiyin ADCC noiya Headmaster/Headmistress ban’a Assistant Teacher mi 300 nominate a umhon ahung lhung ding Ellha (Oct) nisim 25, 2010 nidan 11:00 teng leh Synod Hall, IB Road mun’a phase II BRC leh CRC level hon Service Teacher Training 2009- 2010 anei nadiuva hung pangcheh dingin hetsahna ahin nei uve. Hiche training adinga teacher nominate hochu ADCC office mun’a vetthei dingin jong hetsah ahi.
Chuleh amaho chengse chun training um masanga Synod Hall a register/report akibol diu amavang TA/DA vang kipe lou ding, ahin lunch a ding’a nikhat a dangka 40 bou apeh diu ahi. Hiche training hi CRC a dinga ni 5 sung hiding, BRC te a ding’a ni 10 sung hiding ahi tin thulhut kimu chun aseiyin ahi.
