Tukhang hin eimite hi kavet hoiselía ahile Kuki ahina seilep mi tamtah kamutan ahi. Koi pen hi Kuki hija, koi pen hi Kuki hilou ham? Het ahah san ahi,Unao Kuki ho tiloi a um in, nang ho Kuki ho tiloi aum kit in chule Kuki ama a bou va gella, Benglam thilsip bang'a sim chah kheh jong umda ahipoi. Hiche tribe ho Kuki a kon in excommunicated ahi tai tia thuso a so jong ana um in ahi. New Kuki hon old Kuki ho Kuki ahi poi atiu hi bol khel /seikhe lenpen ahi.
Kahet khel louleh keima hetdan le mudan na hi old le new Kuki ho hi abonchaova bonafide Kuki ahiuve, Manipur a Kuki kiti hochu Non-Naga ho ahiuve. Meitei le Muslim meitei ho Kuki ahipoi. Kuki ana hi ho chu Paite Tribe, Zou Tribe, Gangte Tribe Simte Tribe, Thadou Tribe, Vaiphei Tribe, Chothe Tribe, Moyon Tribe, Maring Tribe, Kom Tribe, Chiru Tribe, Lamkang Tribe, Khoibu Tribe, Anal Tribe, Lushai Tribe, etc ahiuve. Kuki ahi jeh uva apu-apate ho Kuki minía sepai anapang ahiuve. Hichun avetsah chu abonchauva bonafide Kuki ahinao aphondoh ahitai. Kum 50 chunglam kahitan kaneolai tichu 1960-70 lai chun phung le chang thu jong ana kisei pon, sopi insung khat ihiuve tichu hoitah in kana hen ahi, Kuki sung'a nam lamkai ho mitmona jeh le Naga te political influence hatjeh in Kuki dihtah old Kuki ho joh in Naga anapom uvin, aban' in Churachandpur a Paite, Zou, Simte, Vaiphei, Kom, etc. Kuki nomenclature dalhan Zomi kiti nomenclature joh apom taovin ahi. Chukit le tribe phabep khat in Mizo nomenclature apom kit in ahi. Manipur context a isei teng leh eimite jouse hi Kuki ikiti diu ahi. Mizoram context a chu Mizo ihiuve ti ding ahi. Ajeh chu acheng jouse chu Mizo Gam (Mizoram) a cheng ahiuve. Myanmar (Burma) gamma eimi hohi koiman Kuki atipouvin Chin atiuve. India sung'a cheng eimi jouse hi Kuki ihiuvin ahi. Koiman Chin ahilouleh Mizo, Zomi tin ihe pouvin ahi. British record a hi Kuki tia kisun ahin,tua Mizoram a cheng jouse (Lushai ho) jong Kuki ahiuve. State anamu jeh uva Mizo hung hidoh ahiuve.
Ipu-ipate gam British record na ana umsa hi eikipeding u hitaleh Kuki minía movement a umlou leh eikipelou hel diu ahi. Vannoiya saple lengte chule miching mithem hon ahetpen chu Kuki kiti hi ahibouvin, koiman Mizo/Zomi/Chin kiti ana hebeh seh pon ahi. Kuki kiti hin Tribe tamtah ahop ahin, Nation lentah chu tun atel adah in ibottel uvin, lhaset umtah ahi. Anam min sukeh ho ada ahiuve, ajeh chu asukhel te gaosapna chang diu ahi maije. Tribe recognition holding a phatsah ana hilai (1956) chun Kuki lamkai hon phung lamkai jouse ana kimu piu henlang/Tribe recognition ana bolnao va chun hitin hin ana bolsah uleh phalheh ding ahi. Paite-Kuki, Thadou-Kuki, Zou-Kuki, Simte-Kuki, Gangte-Kuki, Anal-Kuki, Chothe-Kuki, Kom-Kuki etc. ana kiti soh kei uleh Kuki ihinao chu ahop lending ahi. Hichu anabol tan lou jeh uvin, tun boina neocha cha ho le min ikah uva sagu aselut jeh in mi jah da, milhasetna thei thusei doh miho jeh in Kuki ahina dalha-a nomenclature adang kisemthu ahilouleh midang nomenclature jop a um doh tan ahi. Hiche hi Kukite itha lhom nao le ivangset nao len pen khat ahitai. Keivang chun alhase ho jong ka-oimo deh pon ahi. Hinlah min ipi seijong leh inahina hi pailhah theilou ahin, lhaset jong aphachom in kagelpon, Kuki ina hina original pen hi amang thei lou khat in kakilah in kadalha thei pon ahi.
Masang jep (tichu 1996-1999) laichun Kuki nam sunga lamkai kahi ti loi khat in Gangtes excommunicated
from Kuki', Mates excommunicated from Kuki' tin newspaper ho-a ana so/phong uvin, kana jah da jeh in reply kana bolna-a chun 'Gangtes/Mates cannot/can never be excommunicated from Kuki' tin kana so/phong kit nin ahi. Kuki kiti hi particular tribe/community a ahipoi. India sung a eimi jouse (Non-Nagas) hi Kuki ihi soh kei uve. Adih a dihlou thu aboitengleh koima Kuki a kon'a kilep thei umlou hel ahi. 1992-1995 sunga a kiophung koichang hijong leh Kuki kahipoi anati vang uva thitei tei ana hiuve.
Muntin, gamtin na tichu India gamsungle Foreign gam'a kana kholjin na ho-a hin midang hon Mate-uki tin eina heuvin ahi. Kuki a kon'a lhase hohi oimo ding ahipon, amavang amahon akihet diu chu kalung neo jeh a lhase-a jam doh kahi ti kihet uhenlang, boina kato teng leh Kuki min'a hi thina ding hihen, sochatna ding hijong leh kato kamu thou thou ding ahi ti kigel dohuhenlang, ahinao masa phaten kijop uhenlang hileh khonunga Kukitedingathilphapenhinte. Achutilouva alhaset den'u leh lhahsam najoh hiding ahi.
Chukitle, Kuki hi pu-min, pa-min jong ahipon midang ten eina kounao/eina hetnao min ahitah jeh chun
hiche Kuki kiti thucheng hi Nation khat ahitan, amaa bouva kisan/kilah chule midang Kuki hilou dan'a
gel phung le chang thu hasei mi jong Kuki namsung a umda ahipoi. Hiti hohi boltah lou ding, seitah lou
ding ahi. Thu kisei 'Do's and Don'ts' hohi inah sah lou jeh uva asalai iso khah jing u ahi. Kuki achom beh
a kilah a midang hop theilou hon nangmaho geldan na Kuki gam muding natiuleh gamla cheh cheh ding ahi bouve. Ima jouse hi ëUnityí ngai ahin, mi kithopi, mipanpi ingaichat leh mi convince bol them angaije.
Ngalchang jong achang in aphatheipoi, humpi jong chutima ahi. Achutileh population a majority hon minority hohi aman chah je helou va, nangma ho imalam jouse a naki tun tun uleh ima boldoh poute. Kuki jong hi kichang lah tum umda tahen, mijouse Kuki ahin, mijouse Kuki hitheilouna hi geldoh a, nung koulut ngai ahi. Achuti lou leh leiset khang kichai jong leh eiho dinga ana-umsa State/Country chu inei thei loujeh uva midangte a hipeh ding ahiye. Pohnatna lentah khat kanei khah jeh a kahin sei ahin, asim jousen ana hethem uvin.
The writer of this Article is the eminent educationist and erudite scholar. Recipient of National and International Awards and Honours
