Hiche kigihna suhlhap ahi masang a churachandpur sung'a News jouse aphat tep umlouva sodoh hilou dingin MHJU thulhuh na chun aseiyin ahi.
GILGAL Camp hondoh niteng anomchan chethei
Lamka, Lhajing. 25: Pu Isacck Kuki Information Secy (IPR) Kuki National Front (S) (KNF-S) akon'a thulhut kimu chun asei nah ah KNF(S) KNO Arms Wing Designated Camp 'GILGAL Camp' hondoh na umding ahitoh kilhon a koitobang mipi ahungnom hoa din nisim 27 jinglam nidan 7:00 leh D. Phailen Bazar mun'a mipi adia Gari aki gongin ahungnom jouse hung lhathei din temna leh hetsahna ahin neiyin ahi.
Data Capture Format thua kichuhna um
Lamka, Lhajing. 25: Research Evaluation Monitoring & Supervision le Sarva Shiksha Abhiyan Churachandpur ho toh-gon nan Churachandpur District sung'a Education Institution 2010-2011 hopsunga
Information Data Computer a koilut dingdan kijil na 2 Days Orientation Prog on Filling Of Data Capture Format kiti noiya kigongchu tuni jinglam nidan 10:30 chun Synod hall I.B Road mun'a H. Damzakam DI, District Project officer SSA/CCpur in hon dohna aneiyin ahi. Hiche training ahin Primary jilkung hole College jilkung ho apang uvin chule Lulun Gangte le N. Biren Singh tenin Thuhilna aneilhon in ahi. hiche kithep chuhna hi jingikho geiya chelha nail ding ahi.
Gandhi memorial Model H/S kithenso di
CCPur, Lhajing. 25: Kumdang laiya Gandhi Memorial high school tia ana kihe Molnom khomun'a um chu Directorate of Education (S) Govt of Manipur in tukum a patsan Gandhi memorial Model High school tia akhel utoh kilhon in jingnikho nidan10:00 le Pu L. Jayanta Kumar Singh Honíble Minister of Education Transport and Sericulture, Manipur Jingun hina noiya hondoh nakin um ding ahi. Hiche kin'a hi Pu T.N Haokip Honíble Minister PHED &Tourism Manipur kin neipa a pangding ahi.
ZEO in Scholarship Examination umdi hetsah
Lamka, Lhajing. 25: Zonal Education Officer, Pu Joseph Lalrothang a kon'a thuphon kimu dung juiyin ahung lhungding Phallha (Nov) nisim 21 tengleh Churachandpur District a Scholarship Examination um ding ahin
hiche a Exam kibol dingho chu State Level National Talent Search Examination 2010-2011, Class VII Simlai hoding'a ahin, Govt School, Aided school, Govt Recognised school ho a, 2010-2011 a Class VIII simlai hitei ding ahi atin ahi. Chule State Talent Search Examination 2010 a jong umding ahin hiva chu 2010-2011 academice Session a Class-VII simlai hiding, Govt. School, Aided School, Govt Recognised hoíaStudent hiding ahi ati.
National Means-cum Merit Scholarship Examination 2010 hi 2010-2011 Academic Session a Class VIII simlai ho dinga kibolding ahin, Govt school, Govt Aided School, ho hiding, Simlai Chapang Kendriya Vidhyalaya, Novodaya Vidhyalaya leh Private school hovang hiche NMMS Examination a pangthei loudiu ahi ati.
Hichea pang nomhon ZEO Office phat sung'a nisim 25 patsa manbeiya Form kihom panding ahi ati. Hiche Form lajousen Lhalam (Sept) nisim 15 chan'a Office muna pehlut ding chule Ellha (Oct) 30 a pat Phallha (Nov) 5 sung'a Admit Card kihom pan ding ahi ati.
