UDMF hin "one Madheshi one pradesh" tin ngehna anei un hinla Nepali congress in agelkhoh poi. UDMF ho hin amijat dung juiya Nepal army ahi Madheshiís ho lahna aum ding jong angeh u ahi. Chuti hen lang hileh Madhest hohi army kilahna a 25 percent amu diu ahi. Amaho hi Nepal phaichamía district 23 a um, ahiuve. Alangkhatna UCPNM in jong Madheshis ho ngehna hi asan peh pouvin ahi. UDMF a lamkai Jitendra Dev in aseina ah avelía kihouna umkit ding ahi ati. UML in jong prime minister kilhenna a koima kapanpi lou diu ahi tin asei uve. UDMF leh CPNUML hon koima apanpi lou dinga ahileh member mi 409 in bou vote 300 amujou lou ding ahi akiti e.
Taliban hon Australia gam’a kisem manchah achoi uve : Report
Sydney, Lhajing 2 : Afghanistan a galguh bol Taliban hon Australia gam'a kisem gal manchah tampi achoi uve akiti. Hiche hi tu thah a mudoh khat chu ahi.
Ginmo umtah khat chu Afghan sepai ho gam dang'a kon'a kichuhna neiho hin gal manchah kipe hohi aguh-a akijoh soníu hitei din thulhutkimu chun aseiye. Wikileaks website a documents kimu dung juiyin achesa kum 6 sung'in NATO makaina a International Security Assistance Force (ISAF) hon Australia gam'a kisem mortar shells, hand-grenade leh adang bomb ho amudoh un ahi.
Hiche manchah hohi NATO hon lam pam'a bomb kikam ho amudoh uleh Taliban ho manchah umna akon a amudoh u ahi tin Sydney Morning Herald thulhut chun aseiye. Australian sepai hon Afghan army ho tampi kichuhna ana peuvin chuleh Afghan police ho to jong na ana tong khom un ahi. Ningkum Ollha chun NATO sepai patrol hon Taliban ho manchah amat doh nauva Australia gam'a kisem tampi jong amudoh un hiche lah a chun AK-47 rifles leh bomb jong apangíin ahi.
World heritage list a China gam’a Shaolin temple jong pang ta
Beijing, Lhajing 2 : China gam'a masang laiya pat Buddhist monastery chuleh martial art Kung fu hung kondohna "Shaolin temple" mun chu UNESCO World heritage list a apangtai. Amun hi central China Henan province a Mount Songshan mun'a um ahin Zen Buddhism monument jong um ahi. UNESCO World Heritage Committee in janhi a Brasilia mun'a kihouna anei akon'a phatsah nahi ana um ahi tin China Daily thulhut chun aseiye.
Shaolin temple hi China gam'a dinga World heritage site a 39th channa ahitai. Hiche lah achun cultural site 28 ahin chuleh natural tourist mun 7 ahi. Shaolin temple mun ahin traditional structures 11 aum in hiche lah achun Shaolin temple, observatory, Songyang academy, Taishi Towers leh Zhongyue temple ho apang'in ahi. China in 2,000 val khanglui thusim aneina a hiche Shaolin temple mun hi culture, religion, customs leh adang dang vetsahna tampi jong aum'e akiti in ahi.
Israel in dan dihlouva hung lut chapang ho nung sol ding
Jerusalem, Lhajing 2 : Israel cabinet in aphatsah dung juiya dan dihlou tah a agam'a hunglut natong chapang 400 val hochu agam cheh a anung sol ding ahitai tin Xinhua thuso chun aseiye. Hinla inter-ministrial committee in aphatsah ho vang umden thei diu ahi. Chuti ahijeh chun chapang natong mi 1,200 lah a 400 tobang chu kinung sol ding ahitai tin Jerusalem Post chun aseiye. Adang ho vang chu8 permanent residency permits kipe diu ahi. Chapang koi hileh kum 5 kijom a um chuleh Hebrew pao tho thei hochu kium sah ding ahi.
Prime minister Benjamin Netanyahu in cabinet kihouna a asei chun hiche hi humanitarian problem ahin chapang ho lunggel ding jong akihe in hinla Jewish state dinmun jong vet angaiye ati. Israel in hitobang'a lunggel aneina hi UN Childrenís Fund (UNicef) in aseina ah Israel in athah beh a gellhahna anei ding chuleh Convention on the Rights of the Child thu gelkhohna anei din temna aneiyin ahi.
Gaza a bomb pohkeh, mi 33 kitongkha
Gaza City, Lhajing 2 : Tunia Deir al Balah refugee camp a bomb apokeh jeh in Palestine mi 33
akitongkha un ahi. Hiche thilso na mun chu Gaza City lhanglam ahi tin Palestinian medic in aseiye.
Hamas manchah choi ho umna munía bomb chu pohkeh ahin hiche koma um nupi khat chu nasatah
in akitongkha in ahi. Adang ho vang chu akiha toh khah aum beh poi. Hamas a security services
in aseina a hiche inmun chu Israel bomb in akap khum ahi ati hinla Israel military spokesman in aseina
a imacha kahe pha pouve ati. Ajeh chu army hon operation abol pouve ati. Hamas ho hin Gaza Strip
ahi vai apoh u ahi. Janhi chun sourthern Gaza Strip a Palestine rocket in S derot mun a rocket ahin
kap jeh un Israel Warplanes hon lethuhna ananei un leiko mun 2 asuse un ahi. Palestine a kon rocket
kikap chun University buiding asuse in hinla koima akitong kha vang aumpoi.
