Hiche nikho apat chun Games chu kum 4 seh leh ana um jing in ahi (1942 leh 1946 kum in World War II jeh in Games ana umpoi). 1930 apat 1950 chan chun Games hi British Empire Games tin akihei, 1954 apat 1966 chun British Empire leh Commonwealth Games akitin chuleh 1970 apat 1974 chun British Commonwealth Games tin ahung kihe kit in ahi. Commonwealth Games hung kitilo nahi 1978 Games, Edmonton mun a hung kiseipan ahitai.
1930 Commonwealth Games achun kichepna khat bou ana um in ahi. 1998 Games, Kuala Lumpur achun cricket (50 over game), hockey (men and women), netball (women) leh rugby 7's (men) kichepna jong aum pantai. 2002 Manchester mun achun hockey, netball leh rugby 7's aumkit in chuleh 2006 Games, Melbourne achunbasketball ajaobe kit in ahi. 2010 Commonwealth Games,
Delhi mun ah hockey, netball leh rugby 7's pan kit ding ahi.
Manchester 2002 Games achun amasapen a ding in 'elite athletes with a disability' (EAD) hoa ding jong medal agonpeh uvin ahi. Hitobang EAD (tibukim lou) kichepna, swimming, table tennis leh powerlifting chu Melbourne mun ah jong ana um in ahi.
Commonwealth Games, Phallha 9, 2007 ah Glasgow (Scotland) in ana vailhun chu 2014 Commonwealth Games teng amaho gam in alah kit diu ahi.
1930 apat 2010 Commonwealth Games um naho veuhite:
Hamilton, Canada (1930), gamkai 11 (countries), akichem (athletes) mi 400.
London, England (1934), gamkai 16, akichem mi 500.
Sydney, Australia (1938), gamkai 15, akichem mi 464.
Auckland, New Zealand (1950), gamkai 12, akichem mi 590.
Vancouver, Canada (1954), gamkai 24, akichem mi 662.
Cardiff, Wales (1958), gamaki 35, akichem mi 1122.
Perth, Australia (1962), gamkai 35, akichem mi 863.
Kingston, Jamaica (1966), gamkai 34, akichem mi 1050.
Edinburgh, Scotland (1970), gamkai 42, akichem mi 1383.
Christchurch, New Zealand (1974), gamkai 38, akichem mi 1276.
Edmonton, Canada (1978), gamkai 46, akichem mi 1474.
Brisbane, Australia (1982), gamkai 46, akichem mi 1583.
Edinburgh, Scotland (1986), gamkai 26, akichem mi 1662.
Auckland, New Zealand (1990), gamkai 55, akichem mi 2073.
Victoria, Canada (1994), gamkai 63 , akichem mi 2557.
Kuala Lumpur, Malaysia (1998), gamkai 70, akichem mi 3633.
Manchester, England (2002), gamkai 72, akichem mi 3679.
Melbourne, Australia (2006), gamkai 71, akichem mi 4049.
Delhi, India (2010), gamkai 71
Commonwealth Games Federation a President hohi General Assembly (Commonwealth Games Associations) a member hon Commonwealth Games umjou teng leh alhendoh jiu ahi. Tu tua President, Hon. Michael Fennell OJ, CD in Commonwealth Games, Kuala Lumpur 1998, Manchester 2002, Melbourne 2006 leh Delhi 2010 kijom in ahinpo in ahi. President thanei nachu ahileh Executive Board meetings leh General Assembly akouva chukit leh Commonwealth Games hondoh naleh khumkha nading'a Commonwealth a luboh ho akouji ahi.
Commonwealth Games Federation a president hohi Constitution dung juiya kilhengdoh jiu ahi.
Commonwealth Games Federation a chairman/president ho veuhite :
1930 Hamilton, Canada, Chairman: Sir James LeighWood K.B.E., C.B., C.M.G.
1934 London, England, Chairman: Sir James LeighWood K.B.E., C.B., C.M.G.
1938 Sydney, Australia, Chairman: Sir James LeighWood K.B.E., C.B., C.M.G.
1950 Auckland, New Zealand, Chairman: Sir Arthur Porritt, Bt., G.C.M.G.,K.C.V.O., C.B.E., F.C.S.
1954 Vancouver, Canada, Chairman: Sir Arthur Porritt, Bt., G.C.M.G., K.C.V.O., C.B.E., F.C.S.
1958 Cardiff, Wales, Chairman: Sir Arthur Porritt, Bt., G.C.M.G., K.C.V.O., C.B.E., F.C.S.
1962 Perth, Australia, Chairman: Sir Arthur Porritt, Bt., G.C.M.G., K.C.V.O., C.B.E., F.C.S.
1966 Kingston, Jamaica, Chairman: Sir Arthur Porritt, Bt., G.C.M.G., K.C.V.O., C.B.E., F.C.S.
1970 Edinburgh, Scotland, Chairman: Sir Alexander Ross.
1974 Christchurch, New Zealand, Chairman: Sir Alexander Ross.
1978 Edmonton, Canada, Chairman: Sir Alexander Ross.
1982 Brisbane, Australia, Chairman: Sir Alexander Ross.
1986 Edinburgh, Scotland, Chairman: Sir Peter Heatly, CBE., DL.
1990 Auckland, New Zealand, Chairman: Sir Peter Heatly, CBE., DL.
1994 Victoria, Canada, Chairman: A. de O Sales, CBE.
1998 Kuala Lumpur, Malaysia, President: Hon. Michael Fennell OJ., CD.
2002 Manchester, England, President: Hon. Michael Fennell OJ., CD.
2006 Melbourne, Australia, President: Hon. Michael Fennell OJ.,CD Queens
Baton Relay :
Queens Baton Relay hi Commonwealth Games ading'a poimo tah 1958, Cardiff a hung kibol pan
akhang khang'a hung kichepi peh khat chu ahi. Queens Baton Relay hin Commonwealth gam a mipi ho kum 4 jouseh leh kichep golseh lam'a kipumkhatna avetsah in ahi.
Melbourne 2006 a relay chu hetjing thei khat chu ahi. Ajeh chu Queen Baton in gamkai 71 chu kum 1 val Commonwealth gam ho avil in ahi.
Kum che dung juiyin Queens Baton Relay in Commonwealth gam ho kipumkhom dan avet sah in
ahi. Tuchung Delhi 2010 Baton relay hi asaopen leh amachal pen jong ahi.
Delhi 2010 Baton Relay hi achesa Ellha 29, 2009 kum chun Buckingham Palace, London a Her Majesty Queen Elizabeth II in Baton chu India President, Smt. Pratibha Devisingh Patil khut a ape in, Patil in Dr. M. S Gill leh Mr. Suresh Kalmadi teni khut ah apeson in ahi. Mr. Kalmadi in Baton chu
Olympic air rifle champion Abhinav Bindra khut ah ape in ama in Queen Victoria Monument vel'a chomkhat alheipi in chujou in relay akipan tai.
Baton choi masa hochu Lord Sebastian Coe, Kapil Dev, Sania Mirza, Milka Singh, Dame Kelly Holmes, Vijender Kumar leh Susan Gilroy ho jong apang in ahi.
Queen Baton hin Commonwealth gam jouse ajot ding ajona a India gam a hung lhung ding chuteng
India states 28 hochu ni 100 sung asuhlut ding ahi. Ajo nakeiya Jawaharlal Neru Stadium mun'a XIX Com- monwealth Games Opening Ceremony teng (England Lengnu) Her Majesty's message chum ipi jah ding'a simlhah na um ding ahi.
