Hiche chapang an noitwi hi test phatah aum jou teng le bou kila ding hichu natna achuh louna dinga phatah a vetsuina um jing ding ahi tin Singh in aseiye. Hiche noitwi peding ho jong chu phatah a
thisan vetna um ding ahi.
Amanu chu tahsa dammona nei hen lang hileh chapang naosen hon akilah son thei ahi. Gam danga noitwi hi kum khat val kikoi thei ahin hinla SSKM hospital ahi lha 6 bou she kikoi thei ding ahi.
Kashmir boina thua Omar in PM leh Chidambaram kimupi ding
New Delhi, Lhajing 2 : Jammu and Kashmir Chief minister Omar Abdullah in tuni teng leh Kashmir boina thua Home Minister P Chidambaram akimupi ding ahi. Abdullah in Kashmir a boina athip na ding'a Centre panpina jong prime minister Dr Manmohan Singh kom'a ngehna anei ding ahi. Kashmir boina jeh in Cabinet Committee on Security (CCS) in tulha sungin nivei pansa kihouna ana nei tai.
Hiche kikhopna ahin intelligence agencies jouse ah thulhuhna ho seikhomna aum in ahi.
CCS in thil umdan asei ban ah kihou chamna aum nading'a aaaAbdullah in ngehna anei jong lunggel
khomna anei un ahi. Abdullah hin political party jouse chuleh lamkai hon sorkar akithopiuva gam sunga chamna le lungmon na athah beh a aumkit nadingíin ngehna aneiyin ahi. Janhi chun kinahna jeh in mi 8 anathi kit in ahi. Police in aseina ah akiphin hon police station meiya ahal lhauvin chuleh bomb leh cyclinder gas jong apohkeh e atiuve. Hiche bomb pokeh jeh in milham 4 athi in chuleh adang mi 25 akitongkha uve ati.
Pune a Friendship Day party jeh a mi 350 kiman
Pune, Lhajing 2 : Pune khopi a Symbiosis Institue a simlai mi 350 tobangíin janhi a "Friendship Day" party Theur kom'a farm in khat a abol jeh un police hon aman un ahi. Hiche simlai numei leh pasal phabep in ju adon un ahi. Hiche hi police kom'a phalna aumlou jeh a kiman uva ahi tin police thulhut chun aseiye. Akiman simlai hochu medical test akibol un athisan uva ju ijat um ham hetdoh na ding'a Bombay Prohibition Act dung juiya kibol uva ahi.
Symbiosis Institute a director Dr Vidya Yeravadekar in aseina ah simlai ho chun hostel authorities ho kom'a phalna ana kithum un hinla aphat masangíin ahung pouve ati. Hiche party chu "rave" party ahipoi koiman kham nathei lou anepoi tin police in aseiye.
Ashoka leh Samrat hotel a security kichuhna um
New Delhi, Lhajing 2: Ahung lhung ding Commonwealth Games a security umdan phatah a akisuh thei nadingin Delhi police hon Ashoka leh Samrat Hotel a security drill ana neiyin ahi. Hiche ahin Indo-Tibetan Border police (ITBP) ho chun pan ana lauvin ahi. Games um masanga security test umna amasapen ahi e. Hiche Hotel teni ai Commonwealth Games a delegates ho um diu ahi jeh a boina aum louna dinga hiche kichuhna hi ananei u ahi. Kichepna ding mun jouse leh delegates ho
lhunna ding mun ho a security atum tum'a um ahi tin senior police officer khat in aseiye.
Pam akon kithopina jong aum in hiche lah-a chun ITBP ho jong apangin ahi. ITBP hohi gal sat ding kichuhna nei ahi jeh un amaho hi ngaichat ahiuve tin thulhut kimu chun aseiye Hotel teni kotpi a ITBP sepia ho aum un, kichuhna chu lolhing tah in ana um in ahi. Gam 19 akon delegates hon Games Village leh Jawaharlal Nehru Stadium a security umdan vet lhahna jong ananei un ahi. Hiche security drill chu achesa Lhamul 25 leh 26 nia chu ana um ahi. Hiche security drill chu delegates 105 in vet
lhahna ananei un ahi. Mundang banga hotel ho a jong security tho nga a um ding ahi. Delhi police in
aseina a koima cha akon gihna aumlou vangin moh umthim thei ahipoi ati.
Police ho dinga bulletproof gari kipe ding
New Delhi, Lhajing 2 : Delhi police ho chu manchah sang tah tah achoi diu banna athah beh in armoured bullet proof 6 achoh be diu ahi. Hiche hi Commonwealth Games um masanga choh doh himai thei Commonwealth Games um masanga choh doh himai thei ahi. Hiche lightweight vehicles ho hi commandos hon amanchah thei diu, akhoh na mun lai laiya amanchah diu ahi.
Police in aseina a hitobang armoured capsule gari 6 ho chu Delhi police special cell a manchah hiding ahi. Hiche armoured vans ho chu mi 6 tou thei ding chuleh achung chu meithal koina phatah umding ahi. Hand grenade leh bomb dang danga kitoh khahna aum lou dinga ballistic carpet um ding ahi. Hiche gari chu AK-47 rifles akon meichang lut jou lou ding ahi. Anung langa Camera aum in chuleh driver pa kom'a LCD screen um ahi. Akom avel a thilsoh jouse kimu thei dinga ahi.
Private schools hon Lhajing 15 jou teng fee kal sah ta ding
Mumbai, Lhajing 2 : Mumbai a private schools hon ahung lhung ding Lhajing 15 apat athah beh a fee akalsah diu ahitai. Hiche fee kal ding thu hi Lhamul 15 nia chu state sorkar resolution a phat sahna ana um ahitai. Hiche school fees kal ding thu hi kum 3 jou she leh kal hin tia phatsahna ana um ahi. Hinla akal masanga Parent-Teachers Association ho phalna aum ding in aseiyin ahi. Achesa ni 10 sung chun Private school 2-st. Peters School leh Kurla a um St. Jude School chun fee ana kalsah tai.
Forum for Fairness in Education a president Jayant Jain in tupet ahi school hon fee kalna dinga pan kila ding ahi ati. Chuban leh schools hon fee akal thei na dinga court a stay kibol ding ahi ati. Alangkhatna, St. Peters leh St. jude a simlai nule pa hon fee kal chu demna anei un fee kikal sah chu kipe deh lou ding ahi atiuve. Deepak Trivedi in aseina a ka sum hou hi moh she a mang thah thei lou ding ahi ati. Tu lha khat leh scholl fee 500 kikal sah hi agomía simlai khat chunga dangka, 1850 lha she leh kipe ding ahi tai tin Jain in alungnop louna thu aseiyin ahi.; Hijeh a chu school hon academic session akipat apat fees akal sah lou din ngehna aneiye.
Thilman kal jeh a Parliament toukhom boina kichai ta
New Delhi, Lhajing 2 : Kal khat sung thilman kal jeh a parliament toukhomna ana boi jing chu tuni chun akichaitai. Opposition party hon vote lhah ding ngehna anei-u chu ahaisan phat uva Inpi teni toukhom na chu angaiya chelha thei pan ahitai. Lok Sabha a lamkai Pranab Mukherjee in all-party meeting akou akon kicham nahi ana umdoh ahi. Thilman kal thu hi jing teng leh Lok Sabha a seikhomna um ding ahitai. Hiche jou teng chuleh Speaker Meira Kumar in lekha simphongna anei ding ahi.
Sorkar in resolution ho ajih chu opposition party hon phatah a velvetna nei din agong'un ahi. Hiche
kilolna achun "Comman man" thu aumpoi tia adeilou u ahi. Tun vang thilman kal jeh in milham ho atongkha lheh e tia akisei phat in alung'u anom tai tin opposition lamkai Sushma Swaraj in thuso miho kom'a aseiye. Thilman kal hi angaiya umdoh thil ahin koima chan asuh tang thei lou ding ahijeh in Congress in "inflationary pressure" joh man ding atiu ahi. Tua sorkar leh opposition ho kihou cham ahitan Inpi teni in toukhom angaiya chelhapan ding ahitai.
Gandhi kivuina Rajghat Kuki chanu 1 Imphal cemetry a kivui kom’a institute hon ding kiphal lou
New Delhi, Lhajing 02 : UNESCO in akithopi dinga kisei institute khat Gandhi kiveina Rajghat kom'a semdoh ding kiti chu Commonwealth Games leh mi thupi ho ahung ding jeh in toh molso a umthei lou dingin aumtai. Ajeh chu Gandhi Smriti leh Darshan Samiti a Vice-Chairperson chuleh Gandhi tunu Tera Gandhi Bha Hacharjee in phat chom khat ding hijong leh Gandhi kivuina kom'a mun apeh lou ahi. Mahatma Gandhi Institute of Education for peace and Sustainable Development (MGIEP) chu nampi pa Gandhi kivuina kom'a mun ana thum u ahi. Hiche institute hi Gandhi penni Ellha nisim 2 teng apen kum 141 birth anniversary man teng leh hondohna nei dinga tohgon anei u ahi.
UNESCO in hiche institute um ding hi ana phatsah ahi. Hiche nading chun HRD ministry a Secretary (Higher Education) Vibha Puri Das in Bhattacharjee henga ngehna ananei in ahi. Gandhi Smriti leh
Darshan Samiti a chairperson chu Prime Minister hi ahi.
