1975 kum'a MITS Altairs kiti ahungpot doh toh lhoníin Bill Gates leh Allen in BASIC kiti computer programming ahin manchah pan'a software khat MITS Altair ah manthei ding chu ahin semdohpan lhon tan ahi. Hiche manchah thei software chu Altair Basic tin domestic leh International ah ahung minche in ahile amani in jong software firm registered bollou lai chu 1976 kum'in New Mexico ah Micro-soft tin registered ana kibol'in ahi.
Microsoft hi 1977 changei chun partnership agreement na hung kibol peh ahin, hiche kum jou apatsa chun Microsoft Corporation min'a athah beh a registered akibol kit in ahile Gates chu President ahin chule Allen chu Vice President anahi. Ahin phat chomkhat jouvin Allen hin Vice President pan mun chu alha ong a Board of Directors in apang in ahi.
MS DOS poimo dan leh PC Market jousea Microsoft hung kimangchah dan :
Altair BASIC hi Microsoft dinga abancha a lolhinna ahitoh lhonna Gates in asemdoh jouse ahinmangcha peh
in, ama company adingin registered ahin thahbol doh kit in ahi.
MS BASIC hi Altair BASIC sang'a akiman dan anop joh phat'in company phabep ho :
GE, Citi bank chule adang dang hon Altair BASIC khel'a MS BASIC ahin mang chapantan ahi. MS BASIC hi jillai hon tuchanin programming jilnan amang uvin chule hiche chung chon'in Microsoft in mathematics application ading'in FORTRAN chuleh COBOL ahinsem doh kit tan ahi. BASIC leh FORTAN hi institution hoa akiman jing laihin PC sem hon microcomputer sem nalang'a khantou na ahin nei un, tutua Microsoft te toh kitet Apple company in MS Basic jaona in computer million lang ahin joh doh un ahi. Machines hohin configuration chom chom anei jeh in Microsoft ten assembler kiti programming lang'a asangjep khat ahin podoh kit un ahi.
Ngaichat atam dung juiyin Microsoft corporation in 1978 kum chun Japan a International office ahin hongdoh tai. Hiche Japanese office hi ASCII Coporation of Japan tetoh kithokhom'a sales lam pang hi ana mopou vin chuleh Mexico office hi software semna lam pang ah mopoh na ananeiyun ahi. Microsoft company in ani channa operating system MS DOS ahin semdoh uhin company adin machal be chehna ahung hin ahi.
Amasapa hi UNIX based ahin hiche hi Xenix jong ana kiti. Ahin, Xenix operating system hi ngaichatna aumbeh poi hijeh chun Microsoft in UNIX hi dalhan MS DOS (Disk Operating System) hi ahin podoh uvin ahi. Hiche hin inch 31/2 a len floppy disk ah operating system anakikoi a kimangcha ahi. 1980 kum vel a PC tamjo hohi 16 bits processor anahin, MS DOS hi computer a files ho operate nading le boot bol na ding'a command line interface anahin ahi. Hiche chung chon chun company hin command application neocha cha minphah din UNDELETE kiti data akisumangsa le koikit nathei command ho jong ahin semdoh un hiche command hohi MS DOS extension ngen ahi.
MS DOS natoh jou dan hi IBM kiti PC sem company ho hetpeh na ahin nei utoh lhon'in amaho machine a MS DOS manthei nadin contract ananeipi uvin, hiche hin computing leh Microsoft history adia kikhelna lentah ahin pohlut tan ahi. Phat sot lou hellin micrsoft in ahinpohdoh uh MS DOS operating system hi computer vendors tampin ahin mangchau vin ahi.
1980s kum kipat vel chun Microsoft in amaho adin home version PCs MSX DOS po khat ahin sem doh un chule 1982 kum kichai vel chun Microsoft hi Microsoft Inc. tin ahung kimin von hiche Microsoft Inc. hi Washington apat operate kibol chuleh leisetpum pi adia natong 220 nei ahibanna jong International market alo un vannoiya computer market 50 val mangcha hon Microsoft te semdoh operating system leh programming mangchan computer ahinsem uvin ahi. Mi atamjon Microsoft hi Basic software chuleh operating system designer in ana mangchauvin ahi.
GUI leh Microsoft Windows hung kisepdoh dan :
1983 kum kichai lam chun microsoft products hin vannoi pumpia computer tampi a ahung kimangcha pan tan
ahi. Hiche ho chu GW Basic(extension to MS BASIC for complex programming), C Language, MS
Flight Simulator (IBM te adia kisem), Pascal, chuleh Multiplan kiti spreadsheet ahi.
Phat chomkhat jouvin Gates hin word processing program tichu word Perfect tet jou ding sem doh nading lunggel ahin neipan tan ahi. 1983 kum in semi GUI (graphical user interface) word base processing MS DOS 1.0 adia MS Word kiti program khat ahin semdoh in hiche chu Lhalam 1983 chun release anakibollin ahi.
1983 November kum in Microsoft in DOS base extension adin GUI tin ahin hondoh tan, tuhin MS Windows software akitin ahi. Windows version 1 a kijang GUI hi Mouse device toh kisutoh thei seh ahipon, multi-tasking boltheina jong ahitheiye, tichu programme khat kihon pet a programme dang jong honthei ahi. Hiche jeh a hin vannoiya mi tamtah in sangtah ah angaisang'u ahi.
Hiche Microsoft ahin MS Work kiti package sung hin software tamtah apang'in ahi, hiche software ho chu word processor, spreadsheet, database, chule office toh kisai ah manchah thei software jong apang'in ahi. Hiche MS Work kiti hi 1989 kum in MS Office tin ana khel taovin, hichea chun MS Word, MS Excel leh adang dang jong apangbe in ahi.
Alangkhat a MS windows hi IBM tetoh OS/2 kiti operating system adinga hi windows version 3 chu 1990 chan partnership lhon peh in, voinoiya PCs 80% lang in amangcha theiyin ahi. 1994 kum chun MS hon ana semdoh ho MS windows 3.1, MS office, Windows NT, SQL Server leh Windows programming Visual Basic hi vannoiya mi tamtah in angaisang lheh taovin ahi.
Chule Windows version 3.1 kisemdoh masangsen Windows hi DOS operating sys tem akona boot kibol a ana kimang chaji ahin, hinla OS/2 ahin dalhah jou apatsa hin Microsoft hin MS Windows hi operating system ding'a tuni geiya kimang cha ahi.
Microsoft in Operating System - Windows 95 ahin pohdoh jou apat hin lolhinna achal jingin, Hiche Microsoft- Windows 95 bailam tah-a operate boltheina Graphic User Interface (GUI) ahilouleh Start Menu pan jeh a Windows 3 toh akikhetna atam-in chule operate bol jong anomin ahi. Hiche Windows 95 lolhin dan chu ahinpodoh/ hondoh jou nini sung chun windows 95 chu copy million 4 lang ah tamjon anakijoh doh in ahi. Hichea pat chun Micro computing in leiset chung akithansah soh in ahi.
Operating System chunga natoh phatah achelhah dungyuiya kihelna lentah ahung umbe tolhon'na lolhinna ahung umpeh jinge, hiche ho chu ahile : Windows-98, Window -2000 leh Windows XP ho ahi. Ahin Microsoft in operating System apoh doh nachung'a hin boina ananei chu ahile Windows 95 a Internet Explorer ana pan jeh a Spyglass kiti company ten Internet Explorer hi Spyglass te pohdoh ahi tia MS Company hi hehna (case) anabol un ahi. Hitia hehna (case) ana um vangin hiche explorer hi operating system a pangtha ahijeh chun Internet Explorer chu achanga ana kijoh thei deh lou jeh chun Spyglass in hehna( case) anei u chu alolhin dehpon ahi.
Micro-soft operating system a browser leh media play software anapan jeh chun boina ana um in ahi. Ahin, phat chomkhat jouvin Windows 7 ahungpot tolhon'a Europe gamkaija ahin joh apatsa Media Player leh Internet Explorer software teni hi anapang tapon ahi.
Microsoft in Windows 95 ahin semdoh jou apatsa chun kikhelna lentah ahung um pat in, achesa 2001 kum chun windows XP semdoh in ahung um in chule Windows Vista chuleh Windows 7 tin October 2009 kum in ahin pohdoh kit uvin ahi.
Microsoft te hin technology lama hi gelkhohna anei tolhonna jong cell phones leh Windows CE Windows Mobile manchah thei nadinga handheld computer design abolna chung chon'a jong thil thah kisem doh ho manchah theina dinga jong software apohdoh uvin ahi. Hiche tailou ajong khat leh khat kihoutheina dinga website khat customer hole Microsoft mangcha ho din ana podoh uvin ahi.
