Colombian aviation official hon aseina a huikong chu kolphe in atongkha in ahi tin pilot pan thulhut ahn neiye atiuve. National police General Orlando Paez in pilot pa thepna jeh-a huikong chu runway pam'a kitol doh lou ahi ati. Huikong chapang 4, passenger 126 chuleh crew member 6 tou ahi tin official khat in aseiye.
Hiche huikong chu Colombian khopi Bogota akon San Andres chan leng ahi. Akitongkha ho chu local hospital a akijen un, mi phabep chu Bogota a jen din akile poh kit un ahi. Passenger numei Amar Fernandez de Barreto local clinic ajot peh in heart attack jeh in athi in ahi. Pilot pa sedan in huikong chu Kolphe in ato khah ahi atin ichan geiya dih ding ham ajeh kikhol ding ahi tin Colombia aeronautics authority a deputy director Donald Tascon in aseiye. Colombian Transportation Minister German Cardona in thuso miho kom'a aseina a huikong chu achesa ni 8 masanga chu kholchilna ana um ahin, imacha asetna aumpoi ati. Ipi jeh-a tosetna chu um ham tia khol toh dinga Boeing team khat San Andres mun'a che dinga ahi.
Monica Lewinsky in amasan Clinton kithopi pa joh ana deichat ahi
New York, Lhajing 17 : Monica Lewinsky in Bill Clinton toh alupkhom lhon masangin Clinton kithopi a pang communication director George Stephanopoulos joh ana deichat masat ahi. Historian Micheal Takiff in "A Complicated man : The Life of Bill Clinton as Told by Those who know Him' ti lekhabu ajihna a 1997 kum'a Clinton leh Lewinsky achonset lhon chu ahet phat un White House a natong officials ho alung dong thei lheh uve ajeh chu Lewinsky chu Stephanapoulos toh phat ana mankhom jing lhon ahi.
Stephanopoulos chu tu hin ABC 'Good Morning America' a host in apang tai tin New York post chun aseiye. Masanga Clinton Press secretary Mike McCurry in aseina a Lewinsky chu aphat she leh Stephanopoulos toh mkhom jing ahi chuleh atamjo in amapa office a Lewinsky aum jinge ati. Hiche thu hi 'That Monica' kiti a chu Mc Curry in aseidoh ahi.
Ground Zero mun’a mosque sah ding tohgon um
New York, Lhajing 17 : New York Soho properties in aseina a Ground Zero mun'a mosque sah ding tohgon um chu akichepi jing nalai e ati. Hiche mun ahi 9/ 11 kibuluna a chu American mi 3000 tobang anathi ahi. Fox News in property owner Sharif El-Gamal in hitin aseiye 'Park 51 sah doh nadin lunggel aum jinge, keiho mission chu chamna leh kihet themna ahijinge' ati.
Hiche thu hi Israel English thuso Haaretz in aseina a Muslims lamkai hon Ground Zero mun'a mosque sahlou
ding lunggel anei tauve tia kisei chu donbutna anei u ahi. Hiche mosque sah lou ding kiti hi adih ahipoi. Hinla thuso phabep a American ho lunggel atoh khah ding jeh in mosque sah lou ding lunggel anei tauve tia kisei chu donbutna anei u ahi. Hiche mosque sah lou ding lunggel anei tauve kiti ahi. Mosque sah lou ding kiti a akiseina ajeh khat chu asahna ding sum le pai hahsat jeh ahi tin akiseiye.
Bible a minthang David semthu lim anei ding kichu na jeh a boina um
Rome, Lhajing 17 : Tupet a Italian sorkar in akoi Renaissance phat laiya artist minthang Michelangelo in ana sem Bible a kisei David semthu lim chu local authority hon hiche heritage statue chu Italy khopi Florence mun'a ana umsa ahi tin ana chu uvin ahi. Italian culture minister Sandro Bondi in aseina a sorkar leh Florence City council ho kichu nahi aphat toh kitoh lou chuleh ngol hoitah ahi ati. Culture minister lawyershon 5.17-metre sanga kisem marble statue chu Italian sorkar monga ahi tin lekha pheng 9 jin ana jih un ahi.
David statue hin kumseh leh mihem 1.5 million ave a che jing ahi. Hinla Florence a mayor in aseina a hiche statue chu Florence khopi a ahi tin aseiye. Centre-left mayor Matteo Renzi in aseibe na a 1870-71 kum'a Italy khopi dinga Rome akidei lhen chun Palazzo Vecchio in 1504 kum'a kisem David statue chu Florence akon Rome a ana chondoh u ahi ati. Hinla sorkar in hiche thu hi adih ahipoi tin apang chah kheh un ahi. Culture Minister Sandro Bondi in Michelangelo sem David Statue hi Florence leh Italy dinga cultural kipum khomna khat ahi ati. Ah song kipoh chuleh Goliath that pa statue hi kum she ave ding mi 1.5 million aum jingin chuleh
ticket a 8 million euros amu jing theiyin ahi.
