Kukiten lamkaipha lamkai kisuh isap sap vang uvin, ihindaníu ivet leh vannoi pumpia mith at tampenna kisei dictator minthang Adolf Hitler tobang lamkai khat ingaichat u ahijoi. Tupet na ihindan'u ikhosah dan'u ivet leh eihodingin vantil (Angel) khat hung kisol jongleh a panna umthei lou ding ahin, hiche sanga hu hamtah a thih teng gol a vaihom theimi khat joh ngaichat ahi.
Tulai Kukite hindan hi chingbeh sheh lou, ngol beh sheh lou, acham malah tah iphah laiyu ahijeh in ima jouse ahoilou lang amano soh keitan ahi. Masanglai chun lekhathem mi ana tampon, lekha them thil hethem jep khat thuthu in mi jouse ana chonin aphat najoh ana umdoh in tunin, mi jouse lekha them tobang, miching tobang, thil jouse hesoh tobang ahivanga atah beh hilou itam taovin, hic t in inam sunga thilse apungin, thilsen thilpha chunga vai ahom in, damun tobang society isodoh taove.
First world war laichun German miten gal jolouna hinkho anatoh uvin, jumna leh genthei hesoh na seijou lou anachang uve. Galsat sepai German army simsenlou ana thigamíin, a geina lam kihelou akiholmo tamtah aumin, akisukha aumin, galía ahinga kiman tamtah aumin, athi hojong akiloh khom joupon, amang thah ho holdoh ding mi aumtapon, akisu kha ho jengjong phaten akijen theitapon, mithi ho long man peding koima aumtapon, hiti chun ìjum chungah ja achonge' kiti chu ana hitai.
Hiche keo hilouva, gal jolou man (War Compensation) jong paisa tamtah aleo kit uvin, gam sung economy ache nem in, thi le man, nat le sat genthei va-ichat nan Germany analo dimtai.
Hiche lai chun Hitler kitipa hi gollhang chapang kum 25 bep ahin, gam ngailu khat ahijeh in voluntary in galsat in enroll anakibol in aban in regular army in analut in atoh phat jalía corporal rank chan anakaijin ahi. Gal kisat khoh laitah jong chun German gamsung vaipo lamkai politician ho lunggel dan anadei lou peh ahitai.
Gallen khat na ahung kichai chun ipijeh a Germany in gal ajolou ham hichu Hitler in giltah in ahin khol pan in, German politician amachang kingailu ho leh Jews miho jeh ahiti ahin mudoh tan ahi. Hijeh chun chulaija Germany lamkai pipu holeh gamsunga cheng Jews miho muda na nasatah ahin neidoh in khonunga ima ahung letdoh chun milepche selfish politician ho tampi soungkulía akhumin abangloi athat gamin, Jews miho jong 60,00,000(60 lakh) val anathat gamin ahi.
Tuni Kuki society hi German society toh tekah theilouna tampi umintin, hijongleh tekah thei ahina jong umthou ahi. Tulai eimite hi gallen khat dou ihilou vangun inam sung chatvaina, kitolouna, kibung khenna, kitha-kimat chuleh vaichat semdan hohi ajeh umtei ding ahin, kimu mosah thei ahitapoi. Ipi kibol leh phading ham, ipi kibolda leh phading ham? Tiho giltah a gel lou ahithei tapoi. Tunichan'a inam sung thilsoh ho kimu mosah a ai (crap) banga isih toi toi jing uleh ki nungle thei louna mun (the point of no return) ilhun vah diu ahi.
Eimite hi lamkai thunei vaibol bei chu ihipouvin, lamkai vaibol umlou sanga lamkai tamtah ineju ahin, lamkai tambeh seh jeh a boijo ihiuvin, akhoh tah khat chu, gallen khatna kija German leader ho tobang keuseh lamkai inei khah u hi vangset umpen ahi.
Lamkai kati hi organization (kiloikhomna) khat pou pou va lamkai ho kaseina ahipon, thanei thu neina
bulhingset na mipi thalheng lamkai Government leh mipi kah a palaija pang MLA/MP/MDC ho kaseina ahi. Society hi ipi isei nah vanga amaho thuthu ahijengin, a semphat nom uleh amaho thu asemset nom u jongleh amaho thu ahi maije. Society khantou machal najong ama ho khutna um ahi.
Tunin jong Kuki nam sung chatvaina leh lhahsam na jouse hi Kuki leader ho jeh ahilou leh imacha hilou beh nangleh kei jeh ba hiding ham? Milep che, ama chang kingailu, mipi ding lunggel neilou lamkai tampi ihin nei jingjeh uva tuni dinmun lhung kha ihiuve. Hiche hi kamoh seisei ahipon, khol gil na thuh tah akinei nunga mudoh leh hetdoh ahi.
Lamkai thunei vaibol khat mai maijin inam, pumpi asuh jangjou louding ahi. Hibanga chu mikhat in inam pumpi asuh set joulou ding ahi. Chuti ahileh Kuki lamkai atam langhi masanga pat tuni channa milepche selfish leader ahiuve tichu kinel nabei ahi. Chuti ahileh eimite dinga thu dang tampi sei sei angai tapoi, lamkai pha thu jong sei chim aumtai, koitabang chu eiho dinga lamkai pha hiding ham ti isei theipoi. Achuti leh Kukite ngaichat chu Hitler ahi. Kuki chapa Hitler tobang khat aumdoh kah a aban seibeding aum theipoi. Achuti leh Kukite tobang
khat aumdoh kah a aban seibeding umthei louding ahi. Hitler tobang leader khat neidoh nadingin Pathen henga taohat maiju hite.
