Lha 11 sunga Mizoram in mit (eye) 498 pedoh dia kitem

Posted by Bombiel Media on 5:31 AM in , , |
Aizawl, Lhajing 1: Angaicha ho kithopina dingin Lhalam 2009 a patnin Lhamul nisim 30, 2010 geichun mi 498 hin mit donate boldingin Aizawl Civil Hospital muna register akibol uve. Achaina nikho pen'a mit donate bolchu Aizawl khopi a kon'a kigam lalou Sialsuk kho a kon Laltlanthang (39) ahi. Laltlanthanga hi Aizawl Civil Hospital a tumasang jep'a chu admit kibol ahin Gansemni chun hospital mun'ah aleiset hinkho abeitai. Mit donate kibol kilah hochu hospital kom'a eye bank
a chu hoitah a register kibol ahi. Dan dungjuijin mit donate bolholeh akilah hohi koima akihetopoi tin Dr. K.L. Remsanga, head of depart-ment, Eye Department chun aseije.

Mi 15 operation kibol jouse hi alolhing sohkeije. Ahin, mini vanghi adamthei naotoh mit akilah uhi akitoloujeh in avella operation bolkit ngaijinte tin doctor pahin aseije. Koi hijongleh mit donate abolthei ahi. Mit donate bolho minhi chingtheitah a record kibolía card khatcheh kipe a ahi. Hichi card hi atahsa chunga akipohle jingthei ahi. Vangsetna accident atokhahleh eye bank anaipen pen'a kipuiding ahi, tin doctor pan aseiben ahi. Mit donate bol mi 498 lah a hin Meghalaya , Sikkim , Arunachal Pradesh, Manipur, Nagaland leh Tripura mijong ajaove tin hetsahna aneiye.
Tags: , ,

About author

Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.
Newer Post Older Post Home